Jelemiya 50:11 - Baibo Busansulushi Bwa Libuku Ili

¹¹ Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Jelemiya 50:11 Marejeleo ya Msalaba

Kulumbaisha 22:12

Balwani baanji bambika pakati anga mbacende. Boonse banshinguluka anga mbacende bacite nkusu ba kuBashani.

Tushimpi 17:5

Muntu uyo useka bakandu, ingayi ulanyansha Mulengi wabo. Uyo woonse usangalalila mumapensho a umwi, teshi akalangwebo cakutapekwa mulandu.

Isaya 47:6

Bantu bangu bakalinga bankalasha. Mpeeke ndakacita anga ndacileka kubabikaako maano. Lyalo ndakabaaba mumaansaako. Ncakwiila tookwe kubanyumfwilawo nkumbu. Wakalinga kucita shalunkutwe akubamacembele boonse.

Isaya 47:8

“Ono kutika webo omukondwa kumangweengwe. Ee, webo nooyeeya ayi toocite cakulisukama alimwi uli muluumuno. Ulalyaamba ayi webo ulicite bulemu anga nguLesa alimwi taaku aumwi uli mbuli ndiwe. Webo wakalinga kuyeeya ayi teshi ukabeewo mukalubinje nabi kufwitwaawo baana.

Jelemiya 12:14

Mwaami Lesa waamba ayi, “Ndicite makani akwaamba kubaabo bashingulukite cishi ca Isilaeli abo bakanyonyoola cishi ncendakapa bantu bangu. Ndaakubatupula kuswa mushishi shabo akutupulawo bene Juda pakati kabo.

Jelemiya 46:20

“Cishi ca Ijipiti ncibotubo anga nimpwishi yaana, sombi mpobe shitoosa mukwiiluma kuswa kumatwa.

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Jelemiya 5:28

Baliinite alimwi balalya kabotu. Kubisha kwabo takumaniiwo. Taboomboloshi milandu ya banabanshiwa mbuli mboyeelete. Bakandu tababafuniiko mumakani abo.

Jelemiya 5:8

Balibo anga ndiaki lisankwa lilya kabotu lisunishi kutanta. Ncakwiila womwi awomwi ulakumbwa muka mubye.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:27

Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Esekelo 35:15

Cilaakusangalala bweenka webo mbowakasangalala cishi ca Isilaeli, ee, cishi cangu, ndicakanyonyoolwa. Ulaakuba luyanga, oKalundu ka Siya, ee, webo a cishi ca Edomu coonse. Lyalo bantu boonse ndyeshi bakeshibe ayi nebo ndi Mwaami Lesa.”

Esekelo 36:5

“Nebo neMwaami Lesa Shinkusu shoonse ndaamba ayi, ‘Ntookalalila mishobo imwi yoonse mubukali bwangu buyoosha, bunene bunene kwaambila bene Edomu. Ntoocita boobo ceebo bakabwesa cishi cangu kwaamba ayi basaale mafulo a ncico cakusangalala amusebaanyo.’

Osiya 10:11

Bene Efuleemu bakalinga anga nimpwishi itambite iyo isunishi kulupula shili anga ngamaila. Sombi bulya ndaakubakobeka lijoko munshingo shabo shibotu kwaamba ayi basebense ncito iyumu. Bene Juda balyeelete kushaba abalo bene Isilaeli balyeelete kulima.

Amosi 4:1

Amukutike maswi aya mwebo nobanakashi bekala muSamaliya, ee, mwebo nomutokwiinabo anga nimpwishi sha kuBashani. Amukutike mwebo nomupensha bakandu akulyatilila bantu bataaku mbobabete. Amukutike mwebo nomwishi kunokwaambilabo bameebaanu ayi, “Amutuletelewo twakunwa tutontoshewo panshingo!”

Obadiya 1:12

Temwakalinga kweelete kukondwa ceebo ca mapensho abamakwabanu bene Juda, nabi kusangalala pabushiku ndibakalinga kunyonyoolwa, nabi kulisumpula ceebo cakuungumana kwabo.

Abakuku 1:15

Bene Babiloni balaloba bantu andoobo anga ninswi. Balabacata mutoombe twabo. Lyalo balabakwelaanya akutalika kusangalala alimwi akukondwa.

Sekaliya 14:12

Mwaami Lesa ulaakuleta mwaalu uyoosha kubamumishobo yoonse abo balwana ndabala ya Jelusalemu. Mibili yabo ilaakuboola kabacili boomi. Ncakwiila meenso abo alaakuboolela mumakobo ayalo milaka yabo ilaakuboolela mumilomo yabo.

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.