Biblia Todo Logo
Biblia ya mtandaoni

- Matangazo -




Jelemiya 5:17 - Baibo Busansulushi Bwa Libuku Ili

17 Balaakulya butebushi bwanu ashakulya shanu, balaakucaya bana banu basankwa abanakashi. Balaakucaya matanga a shifubwa shanu akunyonyoola minyansa amikuyu yanu. Likoto lyabo lya bashilumamba lilaakunyonyoola mandabala anu acite malinga umo momucinkite manungo.”

Tazama sura Nakili




Jelemiya 5:17
25 Marejeleo ya Msalaba  

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.


Sombi womwi awomwi ulaakulya nshaatebula mwiine akulumbaisha Mwaami Lesa. Ncakwiila abo beshi bakatebule minyansa beene mbweshi bakanwe waini weshi ukatyanweeko mulubansa lwa Ŋanda yangu isalalite.”


Cilaakumana cakwaamba ayi bayaka ŋanda, sombi besa mukwikalaamo mbambi, nabi cakwaamba ayi balo bashanga, sombi besa mukulya mbambi. Bantu bangu balaakunookala buumi bulaamfu anga ncisamu. Ncakwiila bantu mbondakasala balaakunoolya nkasaalo yabo cakwiishishaawo.


Ntooyanda kwiita mishobo yoonse ya kumatwa. Bamaami babo balaakwisa akubika shuuna shabo sha bwaami kumanjililo akumilyango inene ya kuJelusalemu. Balaakushinguluka mumbu shakwe shoonse amandabala oonse a mucishi ca Juda.


Cishi canu ca luumuno cilaakunyonyoolwa ceebo ca bukali buyoosha bwa Mwaami Lesa.


Mpeeke ndakalanga akubona ayi cishi cakalinga ca bulongo bubotu caba luyanga. Mandabala a mumo oonse akamana kunyonyoolwa ceebo ca bukali bwa Mwaami Lesa buyoosha.


Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.


Mwaami Lesa waamba ayi, “Nakubi boobo munshiku isho teshi nkamunyonyoole cakumaninina.


Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.


Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’


Mwaami Lesa waamba ayi, “Ndaakubanyaya butebushi bwabo. Teshi kukabewo minyansa kushisamu sha minyansa. Kushisamu sha nkuyu teshi kukabewo nkuyu amatewu a nshisho alaakuyuma. Isho nshendakabapa shoonse balaakunyaikwa.”


Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”


Batoolilila bamanyinawabo ayi, “Ino shinkwa awaini shili kuli?” Batoowisookabo anga mbantu bayaswa mipeeni mumikwakwa ya ndabala inene. Ee, batootula myoyo mumaansa a bamanyinawabo.


Cakutafwawo nkumbu, Mwaami Lesa wakanyonyoola mishi ya bamulunyungu lwakwe Jakobo yoonse. Mubukali bwakwe buyoosha wakawisha shiyubilo sha bamulunyungu lwakwe Juda. Wakawisha bwaami bwabo abaleli ba mumo mukubasebaanya.


Paceebo ceeco, amukutike ico nceentokwaamba nebo neMwaami Lesa Shinkusu shoonse kuli ndimwe notulundu tunene atuniini, notulonga ashinyika, nomatongo amandabala akacaala cisuukila ayo akasaalwa alimwi akacelebulwa kumishobo yoonse ishingulukite.


Ndaakunyonyoola minyansa yabo ashisamu shabo sha nkuyu isho nshebakalinga kwaamba ayi ncilambu cabo kuswa kubasunikwi babo. Ndaakusandula myuunda yabo ya minyansa aya shisamu sha shisepo shimwi kuba luundu lushinkite alimwi banyama bamuluundu balaakwiinyonyoola.


Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”


Citoolya shishango cakumaninina anga ngumulilo. Kunembo lya ncico cishi cili anga ngumuunda wa Edeni. Sombi nkocitooswa kwababo anga nduyanga. Ncakwiila taaku nabi comwi citoocaalaako.


ndaakumupa mulandu. Ndaakumuletela mapensho a mbuli malwashi atashilikwi alimwi ashimpwita isho nsheshi shikamupofole akunyonyoola buumi bwanu. Mulaakushanga mbuto shanu, sombi teshi cikamucafweewo mukwiinga balwani banu balaakumukoma akulya shoonse nshemwakalima.


Mwaami Lesa waamba ayi, “Ndanyonyoola mishobo imwi ya bantu. Ndapwayoola shiyubilo shabo shiyumu. Ndashiya mikwakwa yabo kaayumwitebo, ee, taaku muntu nabi womwi wiindaamo. Ndanyonyoola mandabala abo. Taamu muntu nabi womwi wacaalaamo.


Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”


Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.


Tufuate:

Matangazo


Matangazo