Jelemiya 49:8 - Baibo Busansulushi Bwa Libuku Ili

⁸ Amusanduluke mucice, muye muyube mushimfwengo shilaamfu mwebo nomwikala kuDedani. Nebo ndaakuleta mapensho pabamulunyungu lwakwe Esau ciindi ndaakubapa mulandu.

Jelemiya 49:8 Marejeleo ya Msalaba

Isaya 2:21

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Isaya 21:13

Aya ngamaswi aamba pacishi ca Alebya. Nobene Dedani, mwebo nomucite milongo ya ngamela nomuyaka misumba muluyanga lwa Alebya,

Isaya 34:5

Ono mupeeni wangu neMwaami Lesa walibambila kale kunyonyoola. Ncakwiila ulaakwisa mukupa mulandu bene Edomu, bantu abo mbondakaamba cakushinisha ayi balyeelete kunyonyoolwa.

Jelemiya 25:23

Ndakanwisha aba kuDedani, Tema, Busi aboonse abo bali mushishi sha kulaamfu,

Jelemiya 46:21

Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Jelemiya 48:44

Uyo woonse weshi akaloboke shiyoosha ulaakuwita mucilindi. Uyo woonse weshi akasubuke mucilindi ulaakucatwa mutoose ceebo ngumwaaka wakupa mulandu bene Moabu. Nebo neMwaami Lesa ndaamba.

Jelemiya 48:6

Balaakoolobesha ayi, ‘Amucice, mupulushe buumi bwanu. Amucicishe anga nimbongolo ya muluyanga!’

Jelemiya 49:30

Mwaami Lesa waamba ayi, “Mwebo nobene Asoli amucice cakufwambaana! Kamuya mukekale mushimfwengo shilaamfu ceebo Nebukadinesa mwaami wa bene Babiloni utoomupinga. Kuli muyeeyo ngwaamupangila.

Jelemiya 49:32

“Ngamela shabo shilaakusaalwa, matanga oonse a shifubwa shabo alaakutolwa. Bantu abo bacesa mitwi palubasu ndaakubapalanganishisha kumbasu shoonse akubaletela mapensho kuswa kumbasu shoonse.

Jelemiya 50:27

Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Esekelo 25:13

Paceebo ceeco nebo neMwaami Lesa Shinkusu shoonse ndaamba ayi, ‘Cishi ca Edomu ndaakucipa mulandu akucaya bantu bekalaamo alimwi ashifubwa shabo. Ndaakucilengesha kuba luyanga kutalikila kundabala ya Temani kuya mukushika kundabala ya Dedani akucaya bantu ba mumo kunkondo.

Malaki 1:3

sombi ndipatite Esau abamulunyungu lwakwe. Aboobo tulundu twakwe ndakatwaalula luyanga akushiya cishi cakwe kubaumpe.”

Malaki 1:4

Ono bamulunyungu lwakwe Esau, bene Edomu, inga baamba ayi, “Nacibi kwaamba ayi mandabala esu anyonyoolwa, tulaakwaayaka alimwi.” Sombi Mwaami Lesa Shinkusu shoonse ulaakwaamba ayi, “Nabi bakayake, nebo ndaakwaanyonyoola. Cishi cabo cilaakunokwiitwa ayi, ‘Cishi cabubi’, alimwi balaakuba ‘mushobo uyo Lesa ngweshi akape mulandu wamuyayaya.’ ”

Ciyubululo 6:15

Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.

Boomboloshi 6:2

Bene Midyani bakalinga kucite nkusu kwiinda bene Isilaeli. Aboobo bene Isilaeli bakalinga kuyuba mushimfwengo, shilingo amisena imwi ishiteme mutulundu.

1 Samwelo 13:6

Lyalo bene Isilaeli ndibakabona ayi bakalinga munkasaalo, bamwi bakalinga kuyuba mushimfwengo, mushilingo, pakati ka mabwe, mushilindi alimwi amumikalo.