Jelemiya 49:32 - Baibo Busansulushi Bwa Libuku Ili

³² “Ngamela shabo shilaakusaalwa, matanga oonse a shifubwa shabo alaakutolwa. Bantu abo bacesa mitwi palubasu ndaakubapalanganishisha kumbasu shoonse akubaletela mapensho kuswa kumbasu shoonse.

Jelemiya 49:32 Marejeleo ya Msalaba

Jelemiya 25:23

Ndakanwisha aba kuDedani, Tema, Busi aboonse abo bali mushishi sha kulaamfu,

Jelemiya 49:36

Ndaakulengesha muuwo kupuupa pacishi ca Elamu kuswa kumbasu shoonse shone. Ndaakupalanganya bantu bekalaamo kumbasu shoonse kushikila kukabule acishi nabi comwi uko bene Elamu beshi bakacice nkondo nkweshi bakabule kuya.

Jelemiya 9:25

Mwaami Lesa waamba ayi, “Ciindi cilaakushika ndyeshi nkape mulandu abo boonse bakapalulwa, sombi batanambili.

Jelemiya 9:26

Nkokwaamba ayi bene Ijipiti, Juda, Edomu, Amoni, Moabu abaabo boonse bekala muluyanga kulaale. Ndaakucita boobo ceebo mishobo iyi yoonse teenyumfwili ndime. Abalo bene Isilaeli boonse tabashomeki kucipangano cangu.”

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Dutolonomi 28:64

“Lyalo Mwaami Lesa ulaakumupalanganishisha pakati ka mishobo imwi yoonse, kuswa kweela cishi ankoceela. Nkomunya uko mulaakutalika kulambila balesa bakubesa kushisamu akumabwe, abo mwebo abashali banu bakulukulu mbomutana kulambilaawo.