Jelemiya 49:3 - Baibo Busansulushi Bwa Libuku Ili

³ “Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Jelemiya 49:3 Marejeleo ya Msalaba

2 Samwelo 11:1

Kumatalikilo amupewo, ciindi ico bamaami ncebakalinga kuyitaamo kunkondo, Defedi wakatuma Joabu abacinenenene bakwe pantu pomwi abashilumamba bene Isilaeli boonse kuya kunkondo. Bakakoma bene Amoni akushinguluka ndabala inene ya Laba. Sombi Defedi wakalingabo muJelusalemu.

1 Baami 11:33

Ntoocita boobo mukwiinga Solomoni wansuula alimwi akulambila balesa beensu. Nkokwaamba ayi Ashitaloti lesa mwanakashi wa kuSidoni, Kemoshi lesa wa kuMoabu alimwi aMoleki lesa wa kuAmoni. Solomoni wankaka, wabisha alimwi taakwe kusunga milawo yangu amilasho mbuli bwakalinga kucita Defedi ishi.

1 Baami 11:5

Wakalinga kulambila Ashitaloti lesa mwanakashi wa bene Sidoni alimwi aMoleki lesa wa bene Amoni ulensha bunya.

2 Baami 23:13

Josiya wakanyonyoola shipaililo isho shakayaka Mwaami Solomoni kwicwe lya Jelusalemu kumalenge aKalundu ka Kunyonyoolwa, isho shakalinga kusebenseshekwa pakulambila shibumbwabumbwa shilensha bunya. Nkokwaamba ayi kulambila Ashitaloti lesa mwanakashi wa bene Sidoni, Kemoshi lesa wa bene Moabu, alimwi aMoleki lesa wa bene Amoni.

Esila 2:28

Bene Betelo abene Ayi 223

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 16:7

Paceebo ceeco boonse bene Moabu batoolila, ee, batoolila cishi cabo. Ndushinisho abalile akulyuungumika ceebo ca shakulya shibotu sha kuKili Aleseti.

Isaya 23:1

Aya ngamaswi aamba pacishi ca Taya. Amoolome akulila cabuumba nobeshikweensha maato a kuTashishi palweenge! Ndabala ya kucito cine mishaanu ya Taya yanyonyoolwa. Taaku ŋanda yacaala muli njiyo, cito coonse canyonyoolwa. Aya makani bakaanyumfwa pakuboola amaato kuswa kuSaipulasi.

Isaya 23:6

Amoolome akulila cabuumba mwebo nobantu ba pansumbu. Amusubukile kuTashishi muloboke.

Jelemiya 4:8

Paceebo ceeco amufwale masaka. Amulile akooloma ceebo bukali bwa Mwaami Lesa tabuna kuswaawo pali ndiswe.

Jelemiya 46:25

Mwaami Lesa Shinkusu shoonse, Lesa wa bene Isilaeli waamba ayi, “Ntooyanda kupa mulandu Amoni lesa wa bene Tebesi, Falawo, cishi ca Ijipiti, balesa abamaami ba ncico pantu pomwi abaabo bacinkite manungo muli Falawo.

Jelemiya 48:2

Cishi ca Moabu teshi cikalumbaishikweewo tubili. Mundabala ya Eshiboni bantu balaakupinga kubukila cishi ico. Balaakwaamba ayi, ‘Kamwisa tulobye mushobo uyu!’ Awebo ondabala ya Madimeni ulaakutontoshekwa, Makoto a bashilumamba alaakwisa mukukulwana.

Jelemiya 48:20

Balaakukumbula ayi, ‘Cishi ca Moabu casebaana ceebo capwayoolwa. Amoolome akulila! Amwaambilishe muya Mulonga wa Anoni ayi cishi ca Moabu canyonyoolwa.’

Jelemiya 48:37

Mitwi yoonse ilicesetwe, andesu shoonse shakakululwa. Boonse bakalinengoola kumaansa akufwala masaka mumakome abo.

Jelemiya 48:7

“Nobene Moabu, ceebo cakwaamba ayi mulicinkite manungo mumicito yanu amububoni bwanu, amwebo noonse mulaakutolwa busha. Alakwe lesa wanu Kemoshi ulaakutolwa busha pantu pomwi abapailishi bakwe alimwi abacinenenene bakwe.

Jelemiya 49:1

Pabene Amoni Mwaami Lesa wakaamba ayi, “Ino bali kuli baana basankwa bene Isilaeli? Sa taaku nabi womwi weenga wafuna cishi cabo? Ceebonshi balambila Moleki ncebabwesela cishi ca Gadi? Ceebonshi bantu bakwe ncebekalila mumandabala a ncico?

Jelemiya 51:8

Babiloni ulaakuwa cakufwambaana akupwayooka. Amumulilile cakooloma! Amuyandoole musamu wakushilika shicisa shakwe, mpashi mukuba acoolwe inga washilikwa.”

Jelemiya 6:26

Mwaami Lesa waamba ayi, “Mwebo nobantu bangu, amufwale masaka mwaalabangane mumilota. Amulile cakooloma anga ngumuntu utoolila mwanaakwe musankwa womwibo ndondoli ceebo shikunyonyoola utoopola cakufwambaana.

Amosi 1:15

Mwaami wa ndabala iyo ulaakutolwa busha, pantu pomwi abacinenenene bakwe boonse. Nebo neMwaami Lesa ndaamba.”

Sefaniya 1:5

Ndaakunyonyoola baabo batanta pashiluli akulambila mimuni ya mwiculu. Ndaakunyonyoola abaabo balambila akushomesha kunyumfwila ndime neMwaami Lesa, sombi pesule balumbila muliina lyakwe Moleki lesa wakubeca.

Jemusi 5:1

Amukutike ono nobabile, amulile buumpute amibila ceebo ca mapensho atoosa pali ndimwe.

Joshuwa 7:2

Ono Joshuwa wakatuma basankwa bamwi kuswa muJeliko kuya kuAi, ndabala inene ili kwicwe lya Betelo pafwaafwi aBeti Afeni, ayi bakasense musena uyo. Aboobo basankwa abo bakaya mukusensa ndabala ya Ai.

Joshuwa 8:1

Mpeeke Mwaami Lesa wakaambila Joshuwa ayi, “Utaloondi nabi kutyongola. Bwesa bashilumamba boonse akuya mukulwana ndabala inene ya Ai. Mukwiinga mwaami wa muAi abantu bakwe ndababika mumaansaanu pantu pomwi andabala yakwe inene alimwi acishi cakwe coonse.

Joshuwa 8:28

Ncakwiila Joshuwa wakatenta ndabala ya Ai akwiilobya, kweelana ambuli mbweebete asunu.