Jelemiya 49:24 - Baibo Busansulushi Bwa Libuku Ili

²⁴ Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 49:24 Marejeleo ya Msalaba

Matalikilo 3:16

Mpeeke wakaambila mwanakashi ayi, “Ndaakulengesha ayi paciindi wakunooba pakati mapensho ako akafuule. Ulaakunoonyumfwa kucisa abuumbi pakutumbuka. Nacibi boobo unanoosunibo ibayo alimwi ngweshi anookweendelesha.”

Isaya 13:8

Ee, boowa bulaakubacata cankusu. Kucisa abuumba shilaakubasakata. Balaakunootongelabo anga ngumwanakashi ucite lifumo lyabuka. Balaakunoolangilishanya cakukankamana, shiwa kashilokete kunsoni.

Jelemiya 30:6

Kutumana uyeeye. Sa musankwa inga watumbuka mwaana? Ino ceebonshi ndaboona musankwa uli woonse shinkusu kucatilila maansaakwe palifumo anga ngumwanakashi uli pankata? Ceebonshi shiwa shoonse shitooboneka kulisukama?

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Jelemiya 48:41

Mandabala anene amandabala acite malinga alaakukomwa. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.

Jelemiya 49:22

Amubone! Balwani babo balaakufupula Bosila anga ngumumbankwashi ufungulwite mapapaminwa akwe pacishi ico. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.”

Jelemiya 49:29

Matente amatanga ashifubwa abo shilaakutolwa, shisani shakushitilishisha matente shabo shilaakutolelwa pantu pomwi abuboni bwabo boonse alimwi angamela. Bantu balaakuboolobesha ayi, ‘Shiloondesha shilibo kumbasu shoonse!’ ”

Jelemiya 49:37

Ndaakusansoola bene Elamu kunembo lya balwani babo, ee, kunembo lya baabo bafwima buumi bwabo. Ndaakubaletela mapensho, ee, bukali bwangu buyoosha. Ndaakubatandaanya amupeeni kushikila bakaloobe.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Jelemiya 6:24

Bene Jelusalemu baamba ayi, “Twakanyumfwa makani apali mbabo, aboobo maanseesu akatontola. Buumba bwatucata, tutoonyumfwabo anga ngumwanakashi uli pankata.

Osiya 13:13

Bene Isilaeli balicite ciindi cakunoocili boomi, sombi tabacite maano akusebensesha ciindi ico. Bali anga ngumwaana weelete kushalwa, sombi taacite maano akuswa mulifumo lya banyina.

Mateyo 24:8

Shoonse ishi ngamatalikilobo a mapensho.

Maako 13:8

Mushobo umwi ulaakubukila ubye, abwalo buleelo bulaakubukila bulelonyina. Kulaakuba shitentanshi mumisena ipusenepusene alimwi ansala. Shoonse ishi ngamatalikilobo a mapensho.