Jelemiya 49:2 - Baibo Busansulushi Bwa Libuku Ili

² Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Jelemiya 49:2 Marejeleo ya Msalaba

2 Samwelo 11:1

Kumatalikilo amupewo, ciindi ico bamaami ncebakalinga kuyitaamo kunkondo, Defedi wakatuma Joabu abacinenenene bakwe pantu pomwi abashilumamba bene Isilaeli boonse kuya kunkondo. Bakakoma bene Amoni akushinguluka ndabala inene ya Laba. Sombi Defedi wakalingabo muJelusalemu.

Kulumbaisha 48:11

Kuli kusangalala muKalundu ka Siyoni. Muli kukondwa mumishi ya Juda, ceebo muloombolosha kabotu.

Kulumbaisha 97:8

Bantu ba muSiyoni balanyumfwa akusangalala, aalo mandabala a muJuda alakondwa mukwiinga wakoombolosha kwanu noBaami baLesa.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 17:1

Aya ngamaswi aamba pandabala ya Damasikasi. Mwaami Lesa waamba ayi, “Damasikasi teshi inoocili ndabala inene, sobwe. Bulya ilaakubabo mulwi wa sheesho sha kanyonyoolwa.

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Jelemiya 49:1

Pabene Amoni Mwaami Lesa wakaamba ayi, “Ino bali kuli baana basankwa bene Isilaeli? Sa taaku nabi womwi weenga wafuna cishi cabo? Ceebonshi balambila Moleki ncebabwesela cishi ca Gadi? Ceebonshi bantu bakwe ncebekalila mumandabala a ncico?

Esekelo 21:20

Ubike citondesho mukwakwa womwi kwaamba ayi mupeeni ukaye mukulwana bene Amoli ba kuLaba, acitondesho muumwi kwaamba ayi mupeeni ukaye mukulwana cishi ca Juda alimwi andabala inene ya Jelusalemu iyo icite lilinga.

Esekelo 21:25

“ ‘Awebo omuleli wa bene Isilaeli mucita shibi alimwi utasalalite, bushiku bwako bwashikila, ciindi cako cakupekwa mulandu wakweelaako cilibo muliimfwa.

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Obadiya 1:19

“Bantu ba kumalenge a cishi ca Juda, balaakwikala mumalundu a Esau, alimwi abo baswa mutulundu tuniini, balaakubwesa cishi ca Filisiti. Balaakwikala mucishi ca Efuleemu aSamaliya, Benjameni ulaakubwesa cishi ca Gilyadi.

Shakubelenga 10:9

Na mucishi mwesa nkondo, kwaamba ayi mulifuune kubalwani abo besa mukumulwana, mulyeelete kulisha cishibisho ca nkondo mumapeenga aya. Nebo neMwaami Lesa, Lesa wanu ndaakumucafwa alimwi akumupulusha kubalwani banu.

Shakubelenga 21:25

Munshila iyi bene Isilaeli bakabwesa mandabala anene oonse a bene Amoli akwikalaamo, kubikaawo aEshiboni alimwi amandabala amwi oonse akalinga kushingulukite.

Dutolonomi 13:16

Kuswawaawo mukabunjike shintu sha bantu ba mundabala umo pamusena ucanika bantu baanji. Lyalo ndabala mukeeteente alimwi ashintu shoonse shiliimo ayi ncipo kuMwaami Lesa. Ndabala iyo ilyeelete kunyonyookelabo limwi, tayeelete kuyakululwa alimwi, sobwe.

Dutolonomi 3:11

Mwaami Ogi wakalinga ngomucaalishi kubaLefaimu. Bulo bwakwe bwakapangwa anshimbi alimwi bwakalinga mamita ali one mubulaamfu, mubufwaafwi mamita ali obilo kweelana ashipimo shisuminishitwe. Buciboneka abobulya mundabala ya bene Amoli ya Laba.

Joshuwa 17:11

Ono mucishi cakwe Isaka alimwi acakwe Asha, Manase wakalinga kucitilemo ndabala ya Beti Shani, Ibuleyamu pantu pomwi abantu ba mundabala ya Doli ili muloombe lwa Lweenge, Endoli, Taanaki alimwi aMegido, kubikaawo amishi ishingulukite mandabala ayo.

Joshuwa 17:16

Balo bakakumbula ayi, “Cishi ca tulundu caceya kuli ndiswe. Sombi bene Kenani boonse abo bekala mushinyika balicite shikoci sha nshimbi, nkokwaamba ayi abaabo bekala kundabala ya Beti Shani alimwi amishi ya njiyo abaabo bekala muCinyika ca Jesiliilu.”