Jelemiya 49:19 - Baibo Busansulushi Bwa Libuku Ili

¹⁹ “Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 49:19 Marejeleo ya Msalaba

1 Makani 12:15

Bashilumamba aba mbobakasubuka Mulonga wa Joodani mumweenshi utaanshi mumwaaka, mulonga uyo ndyeusula. Bakaya mukupalanganya bantu bakalinga kwikala mushinyika shoonse kwicwe akumbo.

2 Makani 20:6

akupaila cakoolobesha ayi, “NoBaami baLesa, baLesa ba bamashali besu bakulukulu. Mulalela kwiculu apacishi coonse ca panshi. Mulicite nkusu shoonse abulemu buunji. Ncakwiila taaku weenga wakonsha kumulwana.

Jobo 41:10

Taakuuwo nabi womwi ucite nkusu shakwaamba ayi inga wamusumuna. Ono ngani uyo weenga weemikana ayi apikishanye anebo neLesa?

Jobo 9:19

Na ngamakani akusebensesha nkusu, lakwe nguShinkusu shiindaawo. Na ngamakani akutolana kunkuta, anu ngani weenga waya mukumwiita?

Jobo 9:21

Nabi nshicite mulandu, taaku ncentooyeeya. Ncakwiila buumi bwangu ndabucimwa abuumbi.

Kulumbaisha 143:2

Mutaŋomboloshi nemusebenshi wanu ceebo taaku muntu muumi ululeme pameenso anu.

Kulumbaisha 76:7

Mwebo nobaLesa mulayoosha abuumbi. Anu ngani weenga weemikana na mwebo mwakalala?

Kulumbaisha 76:8

Mwakaambilisha boomboloshi bwanu kuswa kwiculu. Bamucishi ca panshi bakaloonda akuumunabo tontolo

Kulumbaisha 89:6

Taaku uli mwiculu weenga weelana amwebo noBaami baLesa, taaku cilengwa ca kwiculu cili coonse ceenga ceelana amwebo.

Kulumbaisha 89:8

NoBaami baLesa Beshinkusu shoonse, anu ngani uli anga ndimwe? Mwebo muli beshinkusu alimwi mulashomeka mushintu shoonse.

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Isaya 40:25

Usalalite waamba ayi, “Anu nebo inga mwanjelanisha ani? Anu ngani uli mbuli ndime?

Isaya 46:9

Ee, amwiibaluke nshendakacita kale kale. Lyalo musumine kwaamba ayi nebo neenkabo ndime Lesa alimwi ayi taaku lesa aumwi uli mbuli ndime.

Jelemiya 12:5

Lyalo Mwaami Lesa wakakumbula ayi, “Jelemiya na wakacica abantu beshimyeendo, bamana bakushiya, ino inga wacica buyani amaaki? Na wakalisuntula patubabo tu, ino inga wacikonsha buyani kweenda mumasaka a kuJoodani?

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 30:21

Mutanjilili wabo ulaakunooli mwine mishaabo. Ncakwiila muleli wabo ulaakuswa pakati kabo. Ndaakumusenya pafwaafwi alakwe ulaakuba muliimfwa lyangu, ceebo taaku weenga waliyuminisha kunsena pafwaafwi na nshina kumwiita.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Danyelo 7:4

Mutaanshi wakalinga anga ninkalamu alimwi wakalinga kucite mapapaminwa anga ngumumbankwashi. Kaanceebela, mapapaminwa ayo akasutulwaako. Lyalo munyama wakanyamunwa akulengeshekwa kwiimikana anga ngumuntu. Mpomunyaawo wakapekwa kalango ka buntu.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Sekaliya 11:3

Amunyumfwe kooloma kwa beembeshi ceebo mafulo abo abotu anyonyoolwa. Amunyumfwe kubuluma kwa nkalamu, ceebo shisaka nsheshikalaamo sha kuJoodani shanyonyoolwa!

Shakubelenga 16:5

Kuswawaawo wakaambila Kola alimwi abaabo bakalinga kumukonkela ayi, “Ciilo macuunsa Mwaami Lesa ulaakutubonesha muntu wakwe. Ulaakulengesha ayi uyo waakwe, ngwaakasala, akasene kuli nguwe kucipaililo.

Joshuwa 3:15

Mulonga wa Joodani ulesula abuumbi ciindi cakutebula coonse. Nacibi boobo, bapailishi bakalinga kuyumwite Libokoshi lya Cipangano ndibakalyatabo maanshi,

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”