Jelemiya 48:36 - Baibo Busansulushi Bwa Libuku Ili

³⁶ “Paceebo ceeco moyo wangu utoolilila bene Moabu ee, utoolilila bantu ba kuKili Aleseti bweenka mbuli muntu utoolisha lwiimbo lwa malilo mumutoolilo ceebo buboni bwabo bwaloba.

Jelemiya 48:36 Marejeleo ya Msalaba

2 Baami 3:25

Bakalinga kuya cinyonyoola mandabala abo anene. Na bacana muunda ucite bulongo bubotu, mwine Isilaeli woonse wakalinga kuwaalamo libwe kushikila myuunda yoonse yakesula mabwe. Bakashinka atuntupu alimwi bakatimbula ashisamu sha shisepo. Kumeelelesho kwakacaalabo ndabala inene iitwa ayi Kili Aleseti. Balo beshikuwaala mabwe ashipaya bakashinguluka ndabala iyo akwiilwana.

Tushimpi 11:4

Bubile tabucafwi pabushiku bwa bukali, sombi bululami mbobufuna kuswa kulufu.

Tushimpi 13:22

Muntu ululeme ulashiila bamulunyungu lwakwe buboni bwakwe, sombi buboni bwa mucita shibi bulaya kubaluleme.

Tushimpi 18:11

Babile balayeeya ayi buboni bwabo ndyelilinga lyabo. Ee, balayeeya ayi buli anga ndilinga lilaamfu kundabala inene.

Isaya 15:5

Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 15:7

Aboobo bantu batoosubuka Cinyika ca shisamu sha Masompe kutolelela abuboni bwabo boonse ubo mbobakalilundikila.

Isaya 16:11

Ono moyo wangu wapenga abuumbi ceebo ca cishi ca Moabu. Buumba bwancata abuumbi ceebo ca ndabala ya Kili Aleseti.

Isaya 63:15

NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Jelemiya 48:31

Paceebo ceeco ndalilila bene Moabu, ncakwiila ndalilila bene Moabu boonse. Ndalilila bantu bene Kili Aleseti.