Jelemiya 48:28 - Baibo Busansulushi Bwa Libuku Ili

²⁸ “Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Jelemiya 48:28 Marejeleo ya Msalaba

Matalikilo 8:12

Lyalo wakalindilaako ashimwi nshiku shosanwe ashobilo akutuma mpolobe alimwi. Ono ulu lweendo, taikwe kupiluka.

Lwiimbo lwakwe Solomoni 2:14

Ompolobe yangu nooli mushicengo sha mabwe, nookala mumisena yakuyubilaamo mukalundu. Tondesha ciwa cako, aanyumfwe liswi lyako mukwiinga liswi lyako ndibotu. Acalo ciwa cako ncibotu abuumbi.

Isaya 2:19

Bantu balaakucicila mushimfwengo amutulundu twa myaandami akuyuba mushilindi. Balaakucita boobo ceebo cakuloonda bukali, nkusu abulemu bwa Mwaami Lesa, bushiku aakunyamuka ayi atenkaanye cishi ca panshi.

Jelemiya 48:9

Amusanseele mwiinyo mucishi coonse ca Moabu ayi myuunda ya ncico ifwe. Mandabala a ncico alaakuba matongo. Ncakwiila kulaakubula amuntu weshi akekaleemo.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Jelemiya 49:8

Amusanduluke mucice, muye muyube mushimfwengo shilaamfu mwebo nomwikala kuDedani. Nebo ndaakuleta mapensho pabamulunyungu lwakwe Esau ciindi ndaakubapa mulandu.

Boomboloshi 6:2

Bene Midyani bakalinga kucite nkusu kwiinda bene Isilaeli. Aboobo bene Isilaeli bakalinga kuyuba mushimfwengo, shilingo amisena imwi ishiteme mutulundu.

1 Samwelo 13:6

Lyalo bene Isilaeli ndibakabona ayi bakalinga munkasaalo, bamwi bakalinga kuyuba mushimfwengo, mushilingo, pakati ka mabwe, mushilindi alimwi amumikalo.