Jelemiya 48:17 - Baibo Busansulushi Bwa Libuku Ili

¹⁷ “Amulilileko mushobo uyo noonse nomuushingulukite. Amuulilileeko mwebo noonse nomwishi mpuwo ya nguwo. Amwaambe ayi, ‘Nkooli ya bwaami bucite nkusu yanyonyooka buyani? Bwaami bwa bulemu bwanyonyoolwa buyani?’

Jelemiya 48:17 Marejeleo ya Msalaba

Kulumbaisha 110:2

Mwaami Lesa ulaakukomenesha bwaami bwako bwa nkusu kuswa kuSiyoni. Ndushinisho ulaakulela pakati pabalwani bako.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 14:6

iyo yakalinga kuumishikwa mishobo ya bantu cabukali alimwi cakutacilekaawo. Mubukali yakakoma mishobo iinji akwiipensha cakutaboolaawo pesule.

Isaya 16:8

Myuunda ya kuEshiboni yayuma, ayalo minyansa ya kuSibuma yayuma. Baleli ba mishobo imwi balyatoola minyansa yesu iindaawo kubota, iyo yakalinga kushika kuJasa munshiku shimwi akuliyala cakushika akuluyanga kwicwe. Kuya kumbo yakalinga kushika kuLweenge lwa Mwiinyo.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Jelemiya 48:39

Amubone mbocapwayoolwa! Amunyumfwe mbobatokooloma! Amubone mbocafutata ceebo ca nsoni. Cishi ca Moabu casekwa akuba ciloondesha kubaabo bacishingulukite. Nebo neMwaami Lesa ndaamba.”