Jelemiya 48:14 - Baibo Busansulushi Bwa Libuku Ili

¹⁴ “Ino inga mwaamba buyani ayi, ‘Swebo tuli bashilumamba beshinkusu bacibwene kulwana?’

Jelemiya 48:14 Marejeleo ya Msalaba

Kulumbaisha 11:1

Nebo ndayubila muMwaami Lesa. Ino ono inga mwandwiita buyani ayi, “Uluka anga ngumuyuni ulobokele kutulundu

Kulumbaisha 33:16

Mwaami taapulushikwi ceebo cakufula kwa bashilumamba bakwe. Taaku shilumamba ukoma kwiinda munkusu shakwe shiinji.

Shikushimikila 9:11

Kuli acimwi cintu ncendakabona pacishi ca panshi. Mulubilo lwakushiyana teshibo baabo boobite kumyeendo bashiya bamwi. Teshibo bayumu bakoma munkondo. Teshi basongo bacana shakulya lyoonse. Teshi bacenjete bacana buboni lyoonse alimwi teshi beeite basumpuka lyoonse, sombi boonse balashamwa pashiindi shipusenepusene.

Isaya 10:13

Muleli uyo ulalisumpula ayi, “Shoonse ishi ndakashicita kwiinda munkusu shangu, mubusongo bwangu alimwi amukucenjela kwangu. Ncakwiila ndamanisha manyinsa pakati ka mishobo akubwesa buboni mbobakalinga kusungite. Bamaami babo ndakabalwana akubalyatoola anga ngumucende.

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Isaya 16:6

Bene Juda balaamba ayi, “Twakanyumfwa bene Moabu mbobalisumpula. Ncakwiila balalisumpula, kulyuuma mushaamba alimwi mbeshi kanyansho. Ono kulinaamuna kwabo takucite mpindu.”

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Jelemiya 8:8

Ino inga mwaamba buyani ayi, ‘Tuli basongo mukwiinga tulicite milawo ya Mwaami Lesa?’ Nakubi boobo balembi babeshi balemba milawo iyo cakutashomeka.

Jelemiya 9:23

Mwaami Lesa waamba ayi, “Musongo atalilumbaishi ceebo ca busongo bwakwe. Muntu shinkusu atalilumbaishi ceebo ca nkusu shakwe. Alakwe mubile atalilumbaishi ceebo ca bubile bwakwe.

Esekelo 30:6

Mwaami Lesa waamba ayi, “Boonse abo bacafwana abene Ijipiti munkondo balaakucaikwa ashalo nkusu nshaalisumpwitaawo shilaakumana. Bantu balaakufwa munkondo kuswabo kundabala ya Migidolu kumatwa kuya mukushika kundabala ya Aswani kumalenge. Nebo neMwaami Lesa Shinkusu shoonse ndaamba.

Sefaniya 2:10

Munshila iyo bene Moabu abene Amoni balaakupekwa mulandu ceebo ca kulisumpula kwabo pakutukana akuweluluka bantu ba Mwaami Lesa Shinkusu shoonse.