Jelemiya 46:21 - Baibo Busansulushi Bwa Libuku Ili

²¹ Bashilumamba baliimo abo bakoolwa balibo anga mboombe basaninwa kabotu. Nakubi boobo abalo balaakucica, teshi bakeemikaneewo, sobwe. Ee, bushiku bwakunyonyoolwa bwabapolela, ciindi cabo cakupekwa mulandu cashikila.

Jelemiya 46:21 Marejeleo ya Msalaba

2 Samwelo 10:6

Bene Amoni ndibakeshiba ayi Defedi wabacimwa anga ncintu cibolete, bakabweleka bashilumamba bene Silya bapanshi bali 20,000 kuswa muBeti Lewobu aSoba, mwaami wa cishi ca Maaka abashilumamba bakwe bali 1,000 pantu pomwi abashilumamba bali 12,000 kuswa kuTobu.

2 Baami 7:6

Mwaami Lesa wakalengesha ayi bene Silya banyumfwe anga mbashilumamba batoosa cicica amaaki alimwi ashikoci. Balo bene Silya bakayeeya ayi mwaami wa bene Isilaeli walipila bamaami ba bene Iti abene Ijipiti pantu pomwi abashilumamba babo ayi bese babalwaane.

Kulumbaisha 37:13

Nakubi boobo bantu abo Mwaami Lesa ulabaseka, ceebo ulibwene ayi bushiku bwakunyonyoolwa kwabo buli munshila.

Tushimpi 15:17

Ncibotu kulya nshima ya bucisa abantu bakusuni kwiinda kulya nshima anyama ya mafuta abantu bakupatite.

Isaya 10:3

Ono mulaakucita buyani pabushiku bwa bukali bwakwe Lesa, bushiku ubo kunyonyoolwa ndyeshi kukaswe kulaale? Anu ngani ngweshi mukacicileeko ayi amucaafwe? Ino bubile bwanu mulaakubushiya kuli?

Isaya 34:7

Ubo bushiku abo baambwa ayi ninyati sha bantu balaakufwitabo pantu pomwi ambabo. Ee, kufwita pantu pomwi abaabo bacite nkusu anga mbacende baana nabi bacende banene. Cishi cabo cilaakunoolibo tontolo kumalowa, ncakwiila bulongo boonse bulaakunoolibo lololo kumafuta.

Jelemiya 18:17

Ndaakubapalanganishisha kunembo lya balwani babo bweenka mbuli muuwo wakwicwe. Lyalo ndaakubafutatila ncakwiila teshi nkabacafweewo baakupolelwa mapensho.”

Jelemiya 46:22

Lyalo Ijipiti ulaakulilabo anga ngulukonkola utoocica, bashilumamba ba balwani babo baakunoobasena pafwaafwi. Balaakumulwana atweembe anga mbantu beshikutema shisamu.

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 46:9

Akutumbe kasuko nomaaki! Amucaile cankusu mwebo nobeshishikoci! Kamuya kunembo mwebo nobashilumamba bacibwene kulwana, nobene Kushi anobene Libya nomunyamuna mayawo, ee, anobene Lidiya nomulwanisha mata.”

Jelemiya 48:44

Uyo woonse weshi akaloboke shiyoosha ulaakuwita mucilindi. Uyo woonse weshi akasubuke mucilindi ulaakucatwa mutoose ceebo ngumwaaka wakupa mulandu bene Moabu. Nebo neMwaami Lesa ndaamba.

Jelemiya 49:8

Amusanduluke mucice, muye muyube mushimfwengo shilaamfu mwebo nomwikala kuDedani. Nebo ndaakuleta mapensho pabamulunyungu lwakwe Esau ciindi ndaakubapa mulandu.

Jelemiya 50:11

Mwaami Lesa waamba ayi, “Nobene Babiloni mulikondetwe akusangalala, mwebo nomwakasaala mushobo wangu. Mwakatambala anga niŋombe itoolyatoola shili anga ngamaila akulila bweenka bulila maaki.

Jelemiya 50:27

Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.

Esekelo 30:22

Paceebo ceeco nebo neMwaami Lesa Shinkusu shoonse ndaamba ayi, ‘Ndaakulwana Falawo mwaami wa bene Ijipiti. Ndaakumutyola maansaakwe oonse, nkokwaamba ayi liyumu alityokete, akulengesha mupeeni kuloka kuswa mumaansaakwe.

Esekelo 35:5

“ ‘Webo wakatolelela lupato lwako lukulukulu pabene Isilaeli akubaaba kumupeeni muciindi ca mapensho abo. Ee, ciindi cakupekwa mulandu kwabo pashibiibi shabo ndicakashikila.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Amosi 6:4

Muloona pamalo akaboteshekwa ameeca a nsofu. Mulekala pashuuna shibotu abuumbi. Mulalya nyama ibotu ya bana bambelele aya boombe bakeenishikwa.

Obadiya 1:13

Temwakalinga kweelete kwinjila mundabala inene ya bantu bangu pabushiku bwa mapensho abo, nabi kusangalalila mumakatasho abo, pabushiku bwa mapensho abo nabi kubanyaya bubile bwabo pabushiku bwa mapensho abo.

Mika 7:4

Muntu waambwa ayi uli kabotu kwiinda bamwi ulibo anga nshisonsoonya kubica. Alakwe uyo waamba ayi ululeme kwiinda boonse ulibo anga ncisamu ca myuumfwa kubica. Bushiku bwashikila Lesa ndyeshi ape bantu mulandu bweenka mbwaakabacenjesha kwiinda mubeshikulindilila bakwe balaluki. Ubu mbobushiku bwabo bwa cimfulunganya.

Mateyo 22:4

Lyalo wakatuma basebenshi abamwi akubaambila ayi, ‘Muye mukaambile baabo boonse bakatambwa ayi ndabamba kale shakulya. Basune bangu aboombe beenite bacaikwa, aboobo shoonse shilibambitwe kale. Amwise kubwiinga.’

Dutolonomi 32:15

“Bantu ba Mwaami Lesa bakabila, sombi bakamwaashukila. Bakeena ceebo bakalinga kulyatabo mushakulya. Sombi bakasuula Lesa, Mulengi wabo, akukaka Mwaandami shikubapulusha.