Jelemiya 44:7 - Baibo Busansulushi Bwa Libuku Ili

⁷ “Ono nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ceebonshi mutooliletela mapensho a mushobo uyo pamibili yanu? Sa mutooyanda kuleta kunyonyooka pabene Juda basankwa, banakashi, banike abakateta kwaamba ayi kubule aucaala?

Jelemiya 44:7 Marejeleo ya Msalaba

Tushimpi 1:18

Bantu aba balayubilila bulowa bwabo beene, ndushinisho balaliteyabo toose beene.

Tushimpi 15:32

Uyo ukaka kululikwa ingayi utoolisebaanyabo mwiine, sombi uyo woonse usumina kululikwa ulaakuba amaano akunyumfwisha shintu.

Tushimpi 5:22

Micito ya mucita shibi nkoose kuli nguwe mwiine. Ncakwiila mwiine ulacatwa kumwaando wa shibiibi shakwe.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Jelemiya 25:6

Mutakonkeli balesa bamwi mukubasebensela akubalambila. Mutasonkomoni bukali bwakwe kwiinda mukulambila shibumbwabumbwa nshemwakabumba amaansaanu. Lyalo Mwaami Lesa teshi akamupe mulandu.’

Jelemiya 25:7

“Sombi Mwaami Lesa waamba ayi, ‘Mwebo tamukwe kunyumfwilaawo nebo. Mwakasonkomona bukali bwangu kwiinda mukulambila shibumbwabumbwa nshemwakabumba amaansaanu.’

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Jelemiya 3:24

Kuswa kubucikula bwangu bwesu balesa balensha nsoni bakamana shakayuwila bamashali besu bakulukulu. Ncakwiila bakamana mbelele, ŋombe alimwi abana babo basankwa abanakashi.

Jelemiya 38:17

Mpeeke ndakaambila Sedekiya ayi, “Mwaami Lesa Shinkusu shoonse, Lesa wa bene Isilaeli waamba ayi, ‘Na mwebo mukalyaabe mumaansa a bamatanjilili ba bashilumamba ba kuBabiloni teshi mukacaikwe alimwi andabala ino teshi ikatentweewo, sobwe. Lyalo mwebo abamuŋanda yanu teshi mukacaikwe.

Jelemiya 42:20

ayi mutoocita cilubo ceenga camucaisha. Mwebo mwakantuma kuMwaami Lesa, Lesa wanu akwaamba ayi, ‘Amutupailileeko kuli nguwe akutulwiita shoonse nsheshi aambe aswebo tulaakushicita.’

Jelemiya 44:14

Taaku nabi womwi pabene Juda bakacaala abo bakaya mukwikala kuIjipiti weshi akaloboke nabi kupuluka kwaamba ayi aboolele kucishi ca Juda uko nkobasuni ayi bakaboolele akuya mukwikala. Taaku beshi bakaboolele, sombibo baniini beshi bakacice nkondo.’ ”

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 51:22

Kwiinda muli ndiwe ndapwayoola basankwa abanakashi, bacembele abanike, bacikula bwangu abalindu.

Jelemiya 7:19

Sa batookalasha ndime? Sa tabatooliletelabo mapensho beene alimwi akulilensha nsoni?

Jelemiya 9:21

Lufu lwatunjilila pambwelyo akwinjila mumaandeesu acite malinga. Lwamana kucaya banike mumikwakwa abacikula bwangu mumisena icanikamo bantu baanji.”

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Malilo 2:22

Bweenka mbuli mbomutamba bantu pabushiku bwakusekelela, mbweeke ubo mbomwakantambila balwani kwisa mukunoondesha kuswa kumbasu shoonse shoonse. Mubushiku bwa bukali bwanu, taaku nabi womwi wakaloboka nabi kupuluka. Abo mbondakalela akulama balwani bangu babanyonyoola.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Abakuku 2:10

Mwakapinga kunyonyoola bantu ba mishobo iinji, sombi pakucita boobo mwalensha nsoni bamuŋanda yanu, ncakwiila mwakaliletela kunyonyooka nobeene.

Shakubelenga 16:38

Shikaye shakubikawo mulilo isho sha bantu aba bakacaikwa ceebo ca shibiibi shabo shakasalashikwa ndibakashileta kuMwaami Lesa. Ono mushuume ayi shipampamane akuba shakufweka pacipaililo. Ici cilaakuba cicenjesho kubene Isilaeli boonse.”

Dutolonomi 32:25

Pansengwe palaakuba kufwa kunkondo, mumaandaabo balaakunookala caboowa. Bacikula bwangu basankwa abanakashi balaakufwa, abalo bacembele abakateta, boonse mbomunya ubo.

Joshuwa 6:21

Bakacaya shoonse shakalinga mundabala umo amipeeni yabo, nkokwaamba ayi bantu boonse, basankwa, banakashi, banike abacembele, kubikaawo aŋombe, mbelele alimwi ambongolo ayi shibe cipo kuMwaami Lesa.

Boomboloshi 21:11

Muye mucaye basankwa boonse alimwi abanakashi bakakumanaawo kale abasankwa.”

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”

1 Samwelo 22:19

Alimwi Saulo wakacaisha abantu boonse bakalinga kwikala mundabala ya bapailishi ya Nobu, nkokwaamba ayi basankwa abanakashi bamanene, banike, bakateta pantu pomwi aŋombe, mbongolo alimwi ambelele.