Jelemiya 44:29 - Baibo Busansulushi Bwa Libuku Ili

²⁹ “ ‘Ici cilaakuba ncitondesho cakwaamba ayi ndaakumupa mulandu kumusena uno alimwi ayi kushomesha kwangu kwakumunyonyoola, ncakwiila kulaakucitika.’

Jelemiya 44:29 Marejeleo ya Msalaba

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 40:8

Bwiisu bulayuma aalo maluba alaloka sombi maswi akwe Lesa wesu alaakunooliikobo kwalyoonse alyoonse.”

Isaya 7:11

“Senga kuli ndime neMwaami Lesa, Lesa wako ayi nkupe citondesho. Cilakonsha kuswa panshi peene pamusena wa bafu nabi kwiculu.”

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Jelemiya 44:30

Mwaami Lesa waamba ayi, ‘Ndaakwaaba Falawo Ofula mwaami wa bene Ijipiti mumaansa a balwani bakwe abo bafwima buumi bwakwe bweenka mbuli mbondakaaba Sedekiya mwaami wa bene Juda kuli Nebukadinesa mwaami wa bene Babiloni, mulwani wakwe uyo wakalinga kumufwima.’ ”

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

1 Samwelo 2:34

Ono Ofini aFineyasi, bana bako basankwa balaakufwa pabushiku bomwi. Ici cilaakukutondesha ayi shoonse nshendaamba shilaakucitika cancinencine.