Jelemiya 44:17 - Baibo Busansulushi Bwa Libuku Ili

¹⁷ Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Jelemiya 44:17 Marejeleo ya Msalaba

2 Baami 17:16

Bakapwaya milawo yoonse ya Mwaami Lesa, Lesa wabo alimwi bakabumba bacende baana ba golodi ayi mbakulambila. Bakapanga acikoshanyo cakwe Ashela lesa mwanakashi, bakalinga kulambila nyenyeenshi akulambila Baali.

2 Baami 22:17

Bakankaka alimwi bakalinga kubenga milambu kubalesa bamwi, ono bulya basonkomona bukali bwangu ceebo ca shintu nshebakacita. Bukali bwangu pandabala ya Jelusalemu mbunene abuumbi alimwi teshi bukamaane.

2 Makani 28:23

Wakabenga milambu kubalesa ba bene Damasikasi abo bakamukoma mukwiinga wakayeeya ayi, “Balesa ba bamaami bene Silya bacafwa bantu aba, aboobo ntoobenga milambu kuli mbabo kwaamba ayi anebo bancafweeko.” Sombi ici cakaleta mapensho pali nguwe apabene Isilaeli boonse.

Neyemiya 9:34

Bamaami besu, bamatanjilili, bapailishi abamashali besu bakulukulu tabakwe kukonkela Milawo yanu. Ncakwiila tabakwe kunyumfwila milasho yanu nabi kunyumfwa kucenjesha kwanu.

Kulumbaisha 106:6

Twakabisha bweenka mbuli bamashali besu bakulukulu. Twakacita shilubo akweenda mububi.

Kulumbaisha 12:4

“Shintu shoonse nshetusuni tulashicanabo kwiinda mumulaka. Tulakonsha kwaamba cili coonse kwakubula utukasha.”

Kulonga 16:3

kababaambila ayi, “Anu naakwiinga Mwaami Lesa wakatucailabo mucishi ca Ijipiti. Ceebo kwalo twakalinga kwikala akulya nyama alimwi ashakulya shimwi shoonse nshetwakalinga kusuni. Sombi mwebo mwatuleta momuno muluyanga ayi mutucaishe kunsala soonse.”

Isaya 48:5

Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’

Jelemiya 1:16

Ndaakupa mulandu bantu bangu ceebo ca bubi bwabo bwakunsuula mukunootentela balesa babo tununkila kabotu amukulambila shakapanga maansaabo beene.

Jelemiya 11:12

Lyalo bantu ba mumandabala a muJuda abene Jelusalemu balaakuya mukulilila balesa abo mbobatentela tununkila kabotu. Sombi balesa aba teshi bakabapulushewo mapensho aakubapolela.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 19:13

Lyalo maanda a muJelusalemu aayo a bamaami ba bene Juda alaakuba atasalalite bweenka mbuli musena uno wa Tofeti. Nkokwaamba ayi maanda oonse ayo acite shiluli shilya nshebakatentelelawo tununkila kabotu kunyenyeenshi akupa shipo sha shakunwa kubalesa bamwi.’ ”

Jelemiya 44:21

“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?

Jelemiya 44:25

Mwaami Lesa Shinkusu shoonse, Lesa wa bene Isilaeli waamba ayi mwebo abamakaanu mwatondesha kale kumicito yanu nshemwakashomesha ndimwakaamba ayi, ‘Ndushinisho tulaakunoocita kweelana ambotwakashomesha cakulumbila ayi tulaakunootenta tununkila kabotu akupa shipo sha shakunwa kuMwaami mwanakashi Wakwiculu.’ Anu amutolelele! Kamucita nshemwakashomesha! Kamucita kweelana ambomwakashomesha cakulumbila!

Jelemiya 44:9

Sa mwaluba shibiibi shakacita bamashali banu bakulukulu, bamaami abamakaabo, mwebo abamakaanu mucishi ca Juda amumikwakwa ya muJelusalemu?

Jelemiya 7:17

Sa shintu nshebatoocita mumandabala a mucishi ca Juda amumikwakwa ya ndabala inene ya Jelusalemu tooshibwene?

Jelemiya 7:18

Baana batootepa nkuni. Bamashali babo batookunka mulilo. Abalo banakashi batookanda fulaulo akupanga shinkwa wa mise wakupa lesa umwi mwanakashi wiitwa ayi Mwaami mwanakashi wa Kwiculu. Batoopa shipo sha shakunwa balesa bamwi kwaamba ayi bankalashe.

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’

Esekelo 20:8

“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.

Esekelo 23:41

Mpeeke bakalinga kwikala pacuuna cibotu, kunembo kakuli tebulu apo mpobakalinga kubika tununkila kabotu amafuta isho shakapekwa kuli ndime.

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.

Abakuku 1:16

Balalambila atoombe twabo akubenga milambu kuli ntuto mukwiinga kwiinda mutoombe babila alimwi balalya kabotu.

Shakubelenga 30:12

Sombi na ibaye wamukasha pakunyumfwa kushomesha kwakwe, ingayi teelete kucita kweelana akushomesha uko. Mwaami Lesa alakwe ulaakumwaangulula ceebo ibaye wakamukasha.

Shakubelenga 30:2

Na muntu washomesha cakulumbila ayi ulaakupa cintu cimwi kuMwaami Lesa nabi kutacita cimwi cintu, teelete kwaambabo pamulomo, sombi acite shoonse nshaakashomesha.

Maako 6:26

Mpeeke mwaami wakacatwa buumba. Nakubi boobo ceebo cakulumbila nkwaakalumbila pameenso abaabo boonse bakalingaawo, cakamwaalila kukaka.

Dutolonomi 23:23

sombi na mwasunabo kushomesha cakulumbila nobeene, mulyeelete kucita kweelana akushomesha kwanu.

Bene Filipi 3:19

Kumeelelesho balaakunyonyoolwa mukwiinga lesa wabo nshintu shisangalasha mubili. Aboobo balo balasangalalila mushintu isho sheelete kubapa nsoni alimwi balayeeyabo shintu sha pacishi ca panshi.

1 Pita 1:18

Lesa wakamulubula kuswa kubuumi butaaku mbobubete ubo bwakaswa kubamashali banu bakulukulu. Mukucita boobo taakwe kusebensesha cintu cimana ncito mbuli silifa nabi golodi, sobwe.

Boomboloshi 11:36

Mpeeke mwanaakwe wakamukumbula ayi, “Na mwakashomesha Mwaami Lesa, amucite kweelana ambomwakashomesha. Ceebo Mwaami Lesa waaba bene Amoni mumaansaanu mukuboosha cishole.”