Jelemiya 44:15 - Baibo Busansulushi Bwa Libuku Ili

¹⁵ Mpomunyaawo basankwa boonse abo bakalinga kwishi ayi bamakaabo bakalinga kutentela balesa bamwi tununkila kabotu kubikaawo abanakashi boonse bakalingaawo, nkokwaamba ayi lyakalinga likoto lya bantu baanji abantu boonse abo bakalinga kwikala kuIjipiti alimwi akuPatilosi bakaŋambila nebo neJelemiya ayi,

Jelemiya 44:15 Marejeleo ya Msalaba

Matalikilo 19:4

Beensu abo kabatana kuya mukoona basankwa ba muSodoma bakashinguluka ŋanda iyo. Basankwa boonse bamundabala, banene abanike bakalingaawo apo.

Neyemiya 13:26

Ndakabaambila ayi, “Sa te shikwati sha mushobo uyo nsheshakalengesha Solomoni mwaami wa bene Isilaeli kubisha. Taaku mwaami mushishi shafula wakalinga kweelenaakwe mubulemu. Solomoni wakalinga kusunikwi kuli Lesa wakwe, aboobo wakabikwa pabwaami bwa bene Isilaeli boonse. Nakubi boobo wakabisha ceebo ca banakashi baswamashi.

Tushimpi 11:21

Amwishibe ayi bamucita shibi balaakupekwa mulandu, sombi baluleme teshi bakapekwewo mulandu.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Isaya 48:5

Paceebo ceeco ndakaambilabo limwi shabuumi bwanu kunembo. Kashitana kucitika nebo ndakashaambilishilabo limwi kuli ndimwe. Ndakacita boobo kwaamba ayi mutakaambi ayi, ‘Shibumbwabumbwa shesu nsheshacita bobulya. Ee, shikoshanyo shesu sha shisamu abalesa besu ba sheela mbobashicita.’

Jelemiya 44:1

Mwaami Lesa wakaŋambila nebo neJelemiya pabaJuda boonse bakalinga kwikala kuIjipiti mundabala inene ya Migidolu, Taapanesi aya Memfisi alimwi akucishi ca Patulosi.

Jelemiya 44:19

Abalo banakashi bakanungaawo ayi, “Nditwakalinga kutentela Mwaami mwanakashi Wakwiculu tununkila kabotu akumupa shipo sha shakunwa, sa te bameebeesu bakalinga kwishiba ayi twakalinga kupanga shinkwa wamise uli anga ncikoshanyo cakwe akumupa shipo sha shakunwa?”

Jelemiya 44:24

Kuswawaawo nebo neJelemiya ndakaambila bantu boonse, kubikaawo abanakashi ayi, “Amukutike liswi lya Mwaami Lesa mwebo noonse nobene Juda nomuli muIjipiti.

Esekelo 29:14

Ndaakubakusha mubusha akubaboosha kucishi ca Patilosi, cishi ca bamashali babo bakulukulu. Uko balaakuya mukuba bulelo butacite nkusu,

Esekelo 30:14

Ndaakunyonyoola cishi ca Patilosi, ndaakukutenta ndabala ya Sowani. Ndaakupa mulandu ndabala inene ya Tebesi.

Mateyo 7:13

“Amwinjilile pamulyango ushaankene ceebo mulyango utola mukunyonyoolwa ngunene, ayalo nshila taishuupi. Paceebo ceeco abo bainda nshila iyi mbaanji.

Dutolonomi 13:7

nabi mbalesa ba mishobo ya pafwaafwi nabi ya kulaale awebo,