Jelemiya 44:1 - Baibo Busansulushi Bwa Libuku Ili

¹ Mwaami Lesa wakaŋambila nebo neJelemiya pabaJuda boonse bakalinga kwikala kuIjipiti mundabala inene ya Migidolu, Taapanesi aya Memfisi alimwi akucishi ca Patulosi.

Jelemiya 44:1 Marejeleo ya Msalaba

Matalikilo 10:14

Patilusi, Kasulu, alimwi aKileti mushali mukulukulu wa bene Filisiti.

Kulonga 14:2

“Lwiita bene Isilaeli ayi baboole kwisule akuyaka misumba pafwaafwi andabala ya Pi Ailoti, pakati lya ndabala ya Migidolu alimwi aLweenge Lusalala, pafwaafwi aBaali Sefoni.

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 19:13

Bacinenenene ba mundabala inene ya Sowani bababo shiluya. Bamatanjilili ba mundabala inene ya Memfisi bacenjeekwa. Bantu balemekwa mucishi ca Ijipiti balubya bamucishi cabo.

Jelemiya 2:16

Abalo bene Memfisi abene Taapanesi bakanyonyoola bulemu bwa kumutwi wako.

Jelemiya 24:8

“Sombi Sedekiya mwaami wa bene Juda, bacinenenene bakwe abaabo beshi bakacaaleewo muJelusalemu, bashiite mucishi cino nabi beshi bakaye kuIjipiti, nebo neMwaami Lesa ndaakubacita anga ninkuyu shibiibi cakutalikwa.

Jelemiya 43:13

Amwalo muŋanda ya bene Ijipiti yakulambililaamo lisuba ulaakumwaya macinko asalalite akutenta maanda a balesa ba bene Ijipiti.’ ”

Jelemiya 44:15

Mpomunyaawo basankwa boonse abo bakalinga kwishi ayi bamakaabo bakalinga kutentela balesa bamwi tununkila kabotu kubikaawo abanakashi boonse bakalingaawo, nkokwaamba ayi lyakalinga likoto lya bantu baanji abantu boonse abo bakalinga kwikala kuIjipiti alimwi akuPatilosi bakaŋambila nebo neJelemiya ayi,

Jelemiya 46:14

“Ambilisha muIjipiti, olobesha muMigidolu, ee, woolobeshe amuMemfisi alimwi amuTaapanesi ayi, ‘Amuye mumisena yanu akulibambila ceebo boonse abo mbomubambenaabo bamana kunkondo.’

Jelemiya 46:19

Amulongele buboni bwanu ceebo mutooya mubusha, mwebo nomwikala muIjipiti. Ndabala ya Memfisi itoonyonyoolwa akuba matongo cakubula aukalaamo.

Esekelo 29:10

ntookulwana akulwana Mulonga wako wa Nailo alimwi ntoonyonyoola cishi ca Ijipiti akucilengesha kuba luyanga kuswa kundabala inene ya Migidolu kumatwa kuya mukushika kundabala ya Aswani kumalenge kweela nyinsa ya cishi ca Kushi.

Esekelo 29:14

Ndaakubakusha mubusha akubaboosha kucishi ca Patilosi, cishi ca bamashali babo bakulukulu. Uko balaakuya mukuba bulelo butacite nkusu,

Esekelo 30:13

“Nebo neMwaami Lesa Shinkusu shoonse ndaamba ayi, ‘Ndaakunyonyoola shibumbwabumbwa akumanisha shikoshanyo sha mucishi ca Memfisi. MuIjipiti teshi mukabewo tubili mwaami alimwi ndaakuloondesha bamucishi ico coonse.

Esekelo 30:14

Ndaakunyonyoola cishi ca Patilosi, ndaakukutenta ndabala ya Sowani. Ndaakupa mulandu ndabala inene ya Tebesi.

Esekelo 30:16

Ndaakutenta cishi ca Ijipiti akushiya Pelusyumu mumapensho anene. Lubumbu lwa Tebesi lulaakumwayuluka Ndabala ya Memfisi ilaakunoolibo mubuumba lyoonse.

Esekelo 30:18

MuTapanesi mulaakuboolabo mbi ndaakunyaya nkusu cishi ca Ijipiti, akumanisha nkusu nshebakalinga kulisumpwitaawo. Cilaakufweekeleshekwa amakumbi, abalo bamumishi ya ncico balaakutolwa mubusha.

Osiya 9:6

Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.