Jelemiya 43:6 - Baibo Busansulushi Bwa Libuku Ili

⁶ Nkokwaamba ayi bakatola basankwa, banakashi, baana alimwi abanaamwaami banakashi abo Nebusaladani mutanjilili wa beshikulindilila mbwaakalinga washiya mumaansaakwe Gedaliya mwanaakwe Aikamu mwishikulu wakwe Shafani kubikaawo aBaluki mwanaakwe Neliya alimwi anebo neJelemiya.

Jelemiya 43:6 Marejeleo ya Msalaba

Jelemiya 38:22

Banakashi boonse abo bakacaala kuŋanda ya mwaami wa bene Juda balaakuletwa kubamatanjilili ba bashilumamba ba mwaami wa bene Babiloni. Lyalo banakashi abo balaakumwaambila ayi, ‘Bakamupilinganya akumukoma babyaanu abo mbomushoma. Ono sunu myeendo yanu yepila mumatipa, babyaanu bamupalangana.’ ”

Jelemiya 39:10

Sombi mucishi ca Juda wakashiyamo bakandu abo batakalinga kucitewo kantu akubapa myuunda ya minyansa amyuunda imwi.

Jelemiya 40:11

Ono baJuda abo bakalinga kuMoabu, Amoni, Edomu amushishi shimwi shoonse, bakanyumfwa kwaamba ayi mwaami wa kuBabiloni wasuminisha baJuda bamwi kucaala mucishi ca Juda akusala Gedaliya kuba mweendeleshi wabo.

Jelemiya 40:7

Mpeeke bamatanjilili ba bashilumamba abashilumamba babo bakalinga muluundu bakanyumfwa kwaamba ayi mwaami wa bene Babiloni wasala Gedaliya mwanaakwe Aikamu kuba mweendeleshi wa cishi ca Juda ayi anokweendelesha basankwa, banakashi abanike abo bakandu bunene mucishi batakwe kutolwa busha kuBabiloni.

Jelemiya 41:10

Kuswawaawo Ishimaeli wakacata busha bantu boonse abo bakalinga kuMisipa. Nkokwaamba ayi banaamwaami banakashi pantu pomwi aboonse abo bakalinga bacaala kooko abo Nebusaladani mutanjilili wa beshikulindilila mbwaakasalila Gedaliya mwanaakwe Aikamu ayi kaabeendelesha. Ishimaeli wakabacata busha akululama kucishi ca bene Amoni.

Jelemiya 43:3

Sombi Baluki mwanaakwe Neliya ngwaamuyunga ayi mutwaabe mumaansa a bene Babiloni kwaamba ayi batucaaye nabi kututola busha kucishi cabo.”

Jelemiya 45:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, Baluki wakalemba maswi ayo ngondakalinga kumulwiita. Mpeeke ndakamulwiita ayi

Jelemiya 52:10

Mpeeke bakacaya bana bakwe Sedekiya boonse kaalangilisha. Wakacaya abacinenenene bene Juda.

Malilo 3:1

Nebo ndi muntu wakabona mapensho kwiinda mukuumwa amusako wa bukali bwakwe.

Joni 21:18

Ntookulwiita calushinisho ayi, ndiwakalinga mwanike wakalinga kufwala omwiine akuya nkowakalinga kusuni. Ono waakucembela ulaakutandabikabo maansa, lyalo muntu umwi ulaakukufwalika akukutola nkootasuni.”