Jelemiya 43:11 - Baibo Busansulushi Bwa Libuku Ili

¹¹ Ncakwiila Nebukadinesa ulaakwisa mukulwana Ijipiti. Abo beelete kufwa kumalwashi, balaakufwa kumalwashi. Abo beelete kutolwa mubusha, balaakuya mubusha. Abo beelete kufwa kunkondo, balaakufwa munkondo.

Jelemiya 43:11 Marejeleo ya Msalaba

Jobo 20:29

Shamushobo uyu Lesa nshaapa kubamucita shibi. Ncakwiila ici ncecipansha Lesa ncaabila bataluleme.”

Jelemiya 15:2

Ono na bakwiipushe ayi, ‘Ino tuye kuli?’ ubalwiite ayi, ‘Mwaami Lesa waamba ayi, abo beelete kufwa lufu ŋanda, balaakufwa. Abo beelete kufwa kunkondo, balaakufwa munkondo. Abo beelete kufwa kunsala, balaakufwa kunsala. Abo beelete kutolwa mubusha, balaakuya mubusha.’

Jelemiya 25:15

Mwaami Lesa, Lesa wa bene Isilaeli wakandwiita ayi, “Bwesa nkomeshi iyi iyo iswite waini wa bukali bwangu akunwisha bantu ba mishobo yoonse iyo njendakakutumaako.

Jelemiya 25:19

Ndakanwisha Falawo mwaami wa bene Ijipiti, bamatanjilili bakwe, bacinenenene bakwe abantu bakwe bamwi boonse

Jelemiya 42:22

Aboobo bulya amwishibe kwaamba ayi mulaakufwa kunkondo, kunsala akumwaalu kumusena uko nkomusuni kuya mukwikala.”

Jelemiya 44:12

Ndaakunyonyoola bene Juda bakacaalaawo abo bakalinga kushinishite kuya mukwikala kuIjipiti. Boonse balaakulobelaamo. Balaakufwita munkondo nabi kufwa kunsala kutalikilabo kubantu bataaku mbobabete kushikila akubaabo balemekwa. Balaakuba cintu ceelete kushinganwa, kuloondwa, kushibulukwa akusekwa.

Jelemiya 44:13

Ndaakupa mulandu abo bekala muIjipiti wakubacaya kunkondo, kunsala alimwi akumwaalu bweenka mbondakapa mulandu bene Jelusalemu.

Esekelo 29:11

Taaku muntu nabi munyama weshi akeendemo tubili. Taaku ceshi cikekaaleemo kwamyaaka makumi one.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Sekaliya 11:9

Aboobo ndakaambila litanga ayi, “Teshi nkabe tubili mweembeshi wanu. Isho sheelete kufwa, kashifwabo. Isho sheelete kunyonyoolwa, kashinyonyoolwabo. Ashalo isho sheshi shikacaaleewo, shilaakunoolyaana.”

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”