Jelemiya 42:22 - Baibo Busansulushi Bwa Libuku Ili

²² Aboobo bulya amwishibe kwaamba ayi mulaakufwa kunkondo, kunsala akumwaalu kumusena uko nkomusuni kuya mukwikala.”

Jelemiya 42:22 Marejeleo ya Msalaba

Isaya 30:3

Ono kutabililwa kuli Falawo kulaakumulensha nsoni. Shimfule sha mucishi ca Ijipiti shilaakumuletela musebaanyo.

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Jelemiya 42:17

Ndushinisho, boonse abo bashinishitebo kuya mukwikala kuIjipiti, balaakufwa kunkondo, nsala alimwi akumwaalu. Taaku nabi womwi weshi akapuluke nabi kuloboka mapensho ayo ngweshi nkabaletele.’

Jelemiya 43:11

Ncakwiila Nebukadinesa ulaakwisa mukulwana Ijipiti. Abo beelete kufwa kumalwashi, balaakufwa kumalwashi. Abo beelete kutolwa mubusha, balaakuya mubusha. Abo beelete kufwa kunkondo, balaakufwa munkondo.

Jelemiya 44:12

Ndaakunyonyoola bene Juda bakacaalaawo abo bakalinga kushinishite kuya mukwikala kuIjipiti. Boonse balaakulobelaamo. Balaakufwita munkondo nabi kufwa kunsala kutalikilabo kubantu bataaku mbobabete kushikila akubaabo balemekwa. Balaakuba cintu ceelete kushinganwa, kuloondwa, kushibulukwa akusekwa.

Esekelo 33:27

“Balwiite ayi nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mbweeke ubo abo bakacaala mumatongo balaakucaikwa munkondo. Abo bekala muluundu ndaakubaaba kubanyama ba muluundu. Abalo abo boonse bekala mushiyubilo amushimfwengo, balaakufwa kumwaalu.

Esekelo 6:11

Mwaami Lesa Shinkusu shoonse waamba ayi, “Amukambe mapaka, mulishe minkiti panshi akulila ayi, ‘Maawe!’ ceebo ca bubi boonse ashintu shilensha bunya isho bene Isilaeli nshebacita. Balaakufwa kunkondo, kunsala akumwaalu.

Esekelo 6:12

Abo bali kulaamfu balaakufwa kumwaalu. Abo bali pafwaafwi balaakufwa kunkondo. Abalo abo beshi bakapuluke akucaalaawo, balaakufwa kunsala. Anu ubo mbweshi nkabalengeshe kunyumfwa cilemeneshi coonse ca bukali bwangu.

Osiya 9:6

Nabi nobamwi mukacice kunyonyoolwa, bene Ijipiti balaakumubunganya alimwi mulaakufukililwa kuMemfisi ndabala ya mucishi ico. Pabuboni bwanu bwa silifa palaakumena shisonsoonya. Mumisena ya maandaanu mulaakumena myuumfwa.