Jelemiya 40:15 - Baibo Busansulushi Bwa Libuku Ili

¹⁵ Lyalo Joanani mwanaakwe Kaleya wakaambila Gedaliya cabushishi kuMisipa ayi, “Amundeeke nje ncaye Ishimaeli mwanaakwe Netaniya. Taaku weshi akeshibeewo. Ceebonshi nceshi tumulekele ayi amucaaye akulengesha baJuda abo bamushingulukite kupalangana akulobeshesha baabo bakacaala?”

Jelemiya 40:15 Marejeleo ya Msalaba

2 Samwelo 18:3

Sombi bashilumamba bakaamba ayi, “Mwebo tamweelete kuya aswebo. Swebo na tweecica nkondo balo inga tababikiiko maano. Nakubi kwaamba ayi pakati kesu musa bafwa, inga tababikiiko maano. Sombi mwebo mulyeelenebo abantu bali 10,000 pakati kesu. Anu inga cabota mwebo kuboola kundabala inene kwaamba ayi munootutumina lucafwo.”

2 Samwelo 21:17

Sombi Abishayi mwanaakwe Seluiya wakesa wacafwa Defedi mukulwana musankwa uyo akumucaya. Kuswawaawo bashilumamba bakalengesha Defedi kushomesha cakulumbila ayi teshi akayaabo tubili kunkondo. Mpeeke bakaamba ayi, “Kulangila kwa bene Isilaeli kuli pali ndimwe, aboobo tatusuni kwaamba ayi tukabulwewobo.”

Jobo 31:31

Basebenshi bangu balanumbaisha ayi, ‘Anu ngani utana kulyaawo cakulya cakwe?’

Jelemiya 40:8

Lyalo bakesa kuli Gedaliya kuMisipa. Kwakesa Ishimaeli mwanaakwe Netaniya, Joanani aJonasani bana bakwe Keleya, Selaya mwanaakwe Tanuumeti, bana bakwe Efayi basankwa bakaswa kundabala ya Netofa alimwi aJesaniya wakaswa kundabala ya Maaka. Boonse bakesa abashilumamba babo.

Jelemiya 42:2

Bakaŋambila ayi, “Twapapaata amunyumfwe kusenga kwesu. Amutupailileeko kuMwaami Lesa, Lesa wanu swebo soonse sotwakacaalaawo. Twakalinga baanji, sombi na mwalangilisha bulya, twacaalabo baniini.

Joni 11:50

Sa mwebo tamwishi kwaamba ayi ncibotu muntu womwi kufwita bantu baanji, kwiinda kwaamba ayi mushobo woonse ulobe?”

1 Samwelo 24:4

Mpomunyaawo Defedi bashilumamba bakamulwiita ayi, “Ici nceciindi cako cilya Mwaami Lesa ncaakaamba ndyaakaamba ayi, ‘Ndaakwaaba mulwani wako mumaansaako kwaamba ayi ukamucite cili coonse nceshi ukasune.’ ” Mpeeke Defedi wakamubendelela akutimbula cakufwala cakwe Saulo ca Peculu kulikonko.

1 Samwelo 26:8

Lyalo Abishayi wakaambila Defedi ayi, “Sunu Mwaami Lesa waaba mulwani wanu mumaansaanu. Amunsuminishe mutungile kuntu komwi anshi alisumo palinkanda lyomwibo, teshi mbooshemo lyobilo.”