Jelemiya 40:11 - Baibo Busansulushi Bwa Libuku Ili

¹¹ Ono baJuda abo bakalinga kuMoabu, Amoni, Edomu amushishi shimwi shoonse, bakanyumfwa kwaamba ayi mwaami wa kuBabiloni wasuminisha baJuda bamwi kucaala mucishi ca Juda akusala Gedaliya kuba mweendeleshi wabo.

Jelemiya 40:11 Marejeleo ya Msalaba

Matalikilo 36:8

Aboobo Esau wakekala mucishi ca tulundu ciitwa ayi Edomu.

Isaya 11:14

Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 16:4

Amutusuminishe kwikalaanu swebo sotwacicila kokuno. Amube ciyubilo cesu kuswa kubaabo batooyanda kutunyonyoola.” Shikulyatilila bantu bulaakumweela alimwi kunyonyooka kulaakumana. Ncakwiila shikupensha teshi akabonekeewo tubili mucishi cino.

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Jelemiya 41:10

Kuswawaawo Ishimaeli wakacata busha bantu boonse abo bakalinga kuMisipa. Nkokwaamba ayi banaamwaami banakashi pantu pomwi aboonse abo bakalinga bacaala kooko abo Nebusaladani mutanjilili wa beshikulindilila mbwaakasalila Gedaliya mwanaakwe Aikamu ayi kaabeendelesha. Ishimaeli wakabacata busha akululama kucishi ca bene Amoni.

Jelemiya 43:5

Sombi Joanani mwanaakwe Kaleya abamatanjilili ba bashilumamba bakatola bantu boonse abo bakacaala muJuda abaabo bakaboolela kuswa mushishi shoonse isho nshebakalinga babapalanganishishaamo.

Jelemiya 43:6

Nkokwaamba ayi bakatola basankwa, banakashi, baana alimwi abanaamwaami banakashi abo Nebusaladani mutanjilili wa beshikulindilila mbwaakalinga washiya mumaansaakwe Gedaliya mwanaakwe Aikamu mwishikulu wakwe Shafani kubikaawo aBaluki mwanaakwe Neliya alimwi anebo neJelemiya.

Jelemiya 9:26

Nkokwaamba ayi bene Ijipiti, Juda, Edomu, Amoni, Moabu abaabo boonse bekala muluyanga kulaale. Ndaakucita boobo ceebo mishobo iyi yoonse teenyumfwili ndime. Abalo bene Isilaeli boonse tabashomeki kucipangano cangu.”

Esekelo 25:12

Mwaami Lesa Shinkusu shoonse waamba ayi, “Bene Edomu bakapilusha cishole kumushobo wa bene Juda akuba a mulandu unene pakucita boobo.

Esekelo 25:2

“Webo omuntu, langa kucishi ca bene Amoni ulaluke mapensho.

Esekelo 25:6

“Nebo neMwaami Lesa Shinkusu shoonse ndaamba ayi, ‘Mwebo mwakakambilila, mwakasotooka alimwi akusangalala abuumbi pamapensho a cishi ca Isilaeli.

Esekelo 25:8

Mwaami Lesa Shinkusu shoonse waamba ayi, “Mukwiinga bene Moabu bakaamba ayi, ‘Amubone, mushobo wa bene Juda waba anga njimishobo imwi yoonse,’

Esekelo 34:6

Mbelele shangu shakeengaila mutulundu toonse tunene atuniini toonse. Bakapalanganina mucishi ca panshi coonse alimwi taaku nabi womwi wakashikonkela nabi kushiyandoola, sobwe.’

Esekelo 35:15

Cilaakusangalala bweenka webo mbowakasangalala cishi ca Isilaeli, ee, cishi cangu, ndicakanyonyoolwa. Ulaakuba luyanga, oKalundu ka Siya, ee, webo a cishi ca Edomu coonse. Lyalo bantu boonse ndyeshi bakeshibe ayi nebo ndi Mwaami Lesa.”

Esekelo 35:5

“ ‘Webo wakatolelela lupato lwako lukulukulu pabene Isilaeli akubaaba kumupeeni muciindi ca mapensho abo. Ee, ciindi cakupekwa mulandu kwabo pashibiibi shabo ndicakashikila.

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Esekelo 5:3

Nakubi boobo ukafweemunewo misusu iniini akwiifungila mumupeto wa cakufwala cako.

Shakubelenga 22:1

Lyalo bene Isilaeli bakalonga akuya mukuyaka misumba muliwesa lya kuMoabu, kwicwe lya Joodani alimwi lilangene aJeliko.

Shakubelenga 25:1

Ono bene Isilaeli ndibakalinga kuShitimu, basankwa bakatalika kukumana abanakashi bene Moabu abo bakalingaako.

Shakubelenga 25:2

Banakashi abo bakeeta basankwa abo ayi bacanikwe pakusekelela kwa kupa milambu, uko nkobakalinga kulambilila balesa ba bene Moabu. Bene Isilaeli bakalya akulambila balesa abo.

1 Samwelo 11:1

Ndipakeendabo mpashi mweenshi, Naashi mwaami wa bene Amoni wakatanjilila bashilumamba bakwe ayi bakalwane ndabala ya Jabeshi mucishi ca Gilyadi. Ndibakakoma ndabala iyo, basankwa ba muJabeshi bakasenga Naashi ayi, “Apabebo cipangano pakati kesu amwebo ayi tunoomusebensela.”

1 Samwelo 12:12

Sombi ndimwakabona ayi Naashi mwaami wa bene Amoni utooyanda kumulwana, mwakakaka Mwaami Lesa kuba mwaami wanu, akuŋambila ayi, ‘Tulisunibo mwaami kwaamba ayi atuleele.’