Jelemiya 4:31 - Baibo Busansulushi Bwa Libuku Ili

³¹ Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Jelemiya 4:31 Marejeleo ya Msalaba

Matalikilo 27:46

Labeka wakaambila Isaki ayi, “Bamakaakwe Esau baswamashi bandemya. Na Jakobo alakwe akeebe womwi pakati ka banakashi bene Iti, anu anebo ncibotu kufwabo.”

Jobo 10:1

“Buumi bwangu ndabucimwa, cakwaamba ayi ndanootongooka abuumbi. Ndanokwaambabo ceebo cakucisa kwa moyo wangu.

Kulumbaisha 120:5

Mapensho kuli ndime ceebo ndishiite pakati ka bantu bali anga mba kuMesheki ncakwiila anga ndishiite pakati ka bene Keda.

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Isaya 13:8

Ee, boowa bulaakubacata cankusu. Kucisa abuumba shilaakubasakata. Balaakunootongelabo anga ngumwanakashi ucite lifumo lyabuka. Balaakunoolangilishanya cakukankamana, shiwa kashilokete kunsoni.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 26:17

Swebo pameenso anu noBaami baLesa twakalinga kunoolilabo akunyongoloka anga ngumwanakashi utooyanda kutumbuka.

Isaya 42:14

Mwaami Lesa waamba ayi, “Ndoomuna kwaciindi cilaamfu. Ndalinga kuumwitebo akukomenya caamba. Ono bulya ndibo anga ngumwanakashi utooyanda kutumbuka. Ntootweekabo akooloma alimwi akupulumpunta kubukali.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Jelemiya 10:19

Bene Jelusalemu bakumbula ayi, “Mapensho kuli ndiswe ceebo ca shilonda shesu. Ncakwiila ceebo ca shilonda shesu shitatoomanaawo. Twakalinga kuyeeya ayi inga twakonsha kuliyuminisha.

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 15:18

Ceebonshi shitoocisa tashitoomana? Ceebonshi cilonda cangu tacitooshilikika? Ceebonshi tashitokooshaawo? Sa mulisuni kunengesha kutyongola anga nkalonga kayuma cilimo?”

Jelemiya 18:21

Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Jelemiya 22:23

Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Jelemiya 30:6

Kutumana uyeeye. Sa musankwa inga watumbuka mwaana? Ino ceebonshi ndaboona musankwa uli woonse shinkusu kucatilila maansaakwe palifumo anga ngumwanakashi uli pankata? Ceebonshi shiwa shoonse shitooboneka kulisukama?

Jelemiya 45:2

Mwaami Lesa, Lesa wa bene Isilaeli waamba ayi, “Baluki

Jelemiya 48:41

Mandabala anene amandabala acite malinga alaakukomwa. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.

Jelemiya 49:22

Amubone! Balwani babo balaakufupula Bosila anga ngumumbankwashi ufungulwite mapapaminwa akwe pacishi ico. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.”

Jelemiya 49:24

Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Jelemiya 6:2

Ndaakunyonyoola Siyoni, ndabala iyo ibotu abuumbi.

Malilo 1:17

“Nebo neSiyoni ndatambika maansaangu, sombi taaku nabi womwi usuni kuncafwa. Mwaami Lesa waanga mulasho wakwaamba ayi beshimukoboma babe balwani bangu. Nebo neJelusalemu ndaba musena utasalalite pakati kabo.

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Malilo 2:21

Banike abacembele boonse balikungubetebo mumikwakwa. Bacikula bwangu abamyooye bamana kucaikwa kumupeeni. Ndushinisho mwakabacaya mubushiku bwanu bwa bukali. Mwakabacaya cakutabafwitawo nkumbu.

Osiya 13:13

Bene Isilaeli balicite ciindi cakunoocili boomi, sombi tabacite maano akusebensesha ciindi ico. Bali anga ngumwaana weelete kushalwa, sombi taacite maano akuswa mulifumo lya banyina.

Mika 4:10

Ondabala ya Siyoni, kosalooka kubuumba bweenka mbuli mwanakashi uli pankanta mukwiinga bulya bantu bako batooswa mundabala inene akuyaka misumba muluundu mutaamu shisamu. Bantu bako balaakutolwa kuBabiloni, sombi uko balaakufunwa, ncakwiila Mwaami Lesa ulaakubalubula kuswa mumaansa a balwani babo.

Mika 4:9

Ono ceebonshi utoolila cakoolobesha? Sa toocite mwaami? Sa beshikukupandako maano bamana kuloba ico cakulengesha kupenga anga ngumwanakashi uli pankanta?

Mika 7:1

Mbondapenga nebo nemucaangu! Ndababo anga ngumuntu uya cibweselela shisepo shakacaala mumuunda. Sombi taaku cisankata ca minyansa nabi comwi cakacaalaamo cakwaamba ayi inga ndalya, nabibo nkuyu isho nsheensuni abuumbi.

Mateyo 21:5

“Ambila bantu bamundabala ya Siyoni ayi, ‘Amubone Mwaami wanu utoosa kuli ndimwe cakulibombya, ee, ulitantite pambongolo, ncakwiila pamwanaambongolo.’ ”

1 Bene Kolinto 9:16

Nsheelete kulisumpula ceebo cakushimikila Makani Abotu mukwiinga Mwaami Jesu ngowakandwiita kucita boobo. Mapensho kuli ndime na ndabula kushimikila Makani Abotu!

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.