Jelemiya 4:28 - Baibo Busansulushi Bwa Libuku Ili

²⁸ Aboobo cishi cilaakulila, alyalo liculu lilaakushiya. Ndakaamba kale, teshi nkaboole pesule. Ici ndakacaamba kale, teshi nkabooshemo moyo, sobwe.”

Jelemiya 4:28 Marejeleo ya Msalaba

Isaya 24:4

Cishi ca panshi cayuma, ncakwiila coonse caangana. Cishi ca panshi aliculu shabola.

Isaya 34:4

Lyalo nyenyeenshi shoonse sha kwiculu shilaakusunguluka, alyalo liculu lilaakufungeelwabo anga nimpasa. Shoonse shibala mwiculu shilaakumana kuloka. Shilaakunoolokabo anga ngamatewu a cisamu ayuma, nabi anga ninkuyu shanyana shitooloka kucisamu.

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Isaya 50:3

Ndalengesha liculu kushiya cakubabo anga litoolila wafwa.”

Jelemiya 12:11

Ncakwiila ulaakuba luundu lutacite ncito, luundu luyumu nta anga ncikula kunembo lyangu. Cishi coonse cilaakuba luyanga ceebo taaku wakucibikila maano.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Jelemiya 14:2

“Cishi ca Juda citoolila mandabala a mumo afwa. Bantu bekalaamo boona panshi kunsoni ayalo ndabala ya Jelusalemu itoolila lucafwo.

Jelemiya 23:10

Cishi ciliswitebo bantu bafuule. Ono ceebo ca mashingo a Mwaami Lesa, cishi cayuma alimwi amafulo ali muluyanga amana kuyuma. Balaluki batookonkela nshila shibiibi akusebensesha nkusu shabo cakutalulama.”

Jelemiya 23:20

Bukali bwangu teshi bukamaneewo kushikila bukacite shoonse nsheensuni. Munshiku shitoosa, bantu bangu balaakunyumfwisha cikani ici.

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Jelemiya 51:12

Amunyamune mbembela, muye mukapwaye lubumbu lwa Babiloni! Amufushefushe bashilumamba. Amubike beshikulindilila akubamba bantu beshikubelamina. Nebo neMwaami Lesa ntooyanda kucita kweelana amboompingite, ee, kweelana amulasho wangu pabene Babiloni.

Jelemiya 7:16

Mwaami Lesa waamba ayi, “Aboobo Jelemiya utapaililiiko bantu aba. Utabasengeliiko cakubalililaako. Utabakombeleliiko kuli ndime mukwiinga teshi nkunyumfwileewo.

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Esekelo 24:14

“Nebo neMwaami Lesa ndime ntokwaamba. Ciindi cangu cakucitawo comwi pali ndiwe cashikila. Teshi nkaboolewo pesule, kufwa nkumbu nabi kukulekabo, sobwe. Ulaakupekwa mulandu kweelana abwikaalo bwako alimwi amicito yako. Nebo neMwaami Lesa Shinkusu shoonse ndaamba.”

Osiya 13:14

“Ndaakubapulusha kuswa kunkusu sha musena wa bafu. Ndaakubalubula kuswa munkusu sha lufu. Myaalu yako olufu ili kuli? Kunyonyoola kwako omusena wa bafu kuli kuli? “Teshi nkabeewo ankuumbu pabantu aba.

Osiya 4:3

Ceebo ca shintu isho cishi citoobula maanshi. Shintu shoonse shikalaamo shilaakumana kufwa. Nkokwaamba ayi banyama boonse, bayuni alimwi answi shoonse shilaakumana kufwa.”

Jowelo 1:10

Myuunda yacaalabo tuu. Bulongo butoolila myuunda ceebo shili anga ngamaila shanyonyooka. Shisamu sha minyansa asha nkuyu shafwa. Ashalo shisamu sha maolifi shoonse shayuma.

Sekaliya 8:14

Mwaami Lesa Shinkusu shoonse waamba ayi, “Ono bweenka mbondakalinga kushinishite kuleta mapensho cakubula nkumbu pabamashali banu bakulukulu ndibakankalasha,

Shakubelenga 23:19

Lesa taabete anga mbantu abo babeshi. Taabete anga ngumuntu upilula miyeeyo yakwe. Coonse nceenga walasha, ulacicita alimwi na waamba, ncaamba cilacitwa.

Mateyo 27:45

Lisuba ndilyakashika pakati ka mutwi, kwakaba munshinshe mucishi coonse kushikila 3 koloko malumwi.

Maako 15:33

Lisuba ndilyakashika pakati ka mutwi, kwakaba munshinshe mucishi coonse kushikila 3 koloko malumwi.

Luka 23:44

Ono lisuba ndilyakashika pakati kamutwi, kwakaba munshinshe koonse kushikila 3 koloko, malumwi.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 1:9

Lesa wakacita kweelana ambwaakabamba alimwi wakatushibisha muyeeyo wakwe wa bushishi uyo ngwaakayeeya ayi ulaakuucita kwiinda muli Klistu.

Bene Ebulu 7:21

Sombi Jesu wakaba mupailishi kwiinda mukulumbila, Lesa ndyaakaamba kuli nguwe ayi, “Nebo neMwaami ndalumbila alimwi teshi nkayeeyewo bumbi ayi, ‘Ulaakunoolibo mupailishi lyoonse.’ ”

Ciyubululo 6:12

Lyalo Mwanaambelele ndyaakalamatula kalamatila wasanu awomwi, ndindakalangilisha, kwakacitika citentanshi cinene abuumbi. Lisuba lyakacileka kubala, lyakaboolabo mbi, anga ncisani cilemu cishiya. Awalo mweenshi wakaboolabo pyu anga mbulowa.

1 Samwelo 15:29

Lesa uyo uli mboBulemu bwa cishi ca Isilaeli, taabeci nabi kuyeeya bumbi. Taabete mbuli muntu upilooka mukuyeeya.”