Jelemiya 4:27 - Baibo Busansulushi Bwa Libuku Ili

²⁷ Ono Mwaami Lesa waamba ayi, “Cishi coonse cilaakuba luyanga, sombi teshi nkacinyonyoole cakumaninina.

Jelemiya 4:27 Marejeleo ya Msalaba

2 Makani 36:21

Lyalo ico ncaakaamba Mwaami Lesa kwiinda mumulaluki Jelemiya cakacitika cancinencine. Jelemiya wakaamba ayi, “Cishi cilaakucaala mumatongo kwamyaaka makumi osanwe aobilo kwaamba ayi myaaka yasanu ayobilo yakookesha iyo njebatakwe kookesha ikwanine.”

Neyemiya 9:31

Ceebo ca nkumbu shanu shikankamika, tamukwe kubanyonyoola nabi kubafutatila. Mwebo muli baLesa beshiluse alimwi beshinkumbu.

Isaya 17:6

Ncakwiila mbaniinibo beshi bakapuluke. Lyalo cishi ca Isilaeli cilaakubabo anga ncisamu ca maolifi cayapwa maolifi oonse kulekabo obilo nabi otatwe eenga kaali peculu peene nabi aniini eenga kaali kumisampi ya muunshi bunene. Nebo neMwaami Lesa, Lesa wa bene Isilaeli ndaamba.”

Isaya 24:1

Amubone, Mwaami Lesa ulaakunyonyoola cishi ca panshi akucilengesha kuba matongo. Ulaakusandamuna akumwaya bantu boonse bekala muli ncico.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 25:11

Cishi cino coonse cilaakuba matongo. Lyalo mishobo iyi ilaakunoosebensela mwaami wa bene Babiloni kwamyaaka makumi osanwe amakumi obilo.

Jelemiya 30:11

Ndi amwebo alimwi ndaakumupulusha. Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Jelemiya 46:28

Ndi amwebo alimwi ndaakumupulusha, Nabi nkanyonyoole mishobo yoonse mulya mondakamupalanganishisha, mwebo teshi nkamunyonyoole cakumaninina, sobwe. Ndaakumupa mulandu, sombi ndaakumoombolosha cakutamunyengelela. Teshi nkamulekebo kwakutamupa mulandu, sobwe. Nebo neMwaami Lesa ndaamba.”

Jelemiya 5:10

“Kamuya mumyuunda ya minyansa yabo mwiiteme, sombi muteemaniimo, sobwe. Muponsoole misampi ya njiyo ceebo bantu aba teshi bangu nebo neMwaami Lesa.

Jelemiya 5:18

Mwaami Lesa waamba ayi, “Nakubi boobo munshiku isho teshi nkamunyonyoole cakumaninina.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Esekelo 11:13

Ono nebo kaancilaluka, Pelatiya mwanaakwe Benaya wakawa akufwa. Lyalo ndakaliwaala panshi akushisha ciwa panshi alimwi akoolobesha ayi, “Sobwe nobaami baLesa Beshinkusu shoonse! Sa mutooyanda kucaya boonse bakacaalaawo pabene Isilaeli?”

Esekelo 20:17

“ ‘Nakubi boobo ndakabafwita nkumbu, nshikwe kubanyonyoola nabi kubalobya muluyanga.

Esekelo 33:28

Ndaakusandula cishi kuba luyanga ankusu nshebalinga kulisumpwitaawo shilaakubamana. Atwalo tulundu twa muIsilaeli tulaakucaalabo tuu cakwaamba ayi taaku muntu eshi akanokwiindaamo.

Esekelo 6:14

Ndaakufungulula lyaansa lyangu akunyonyoola cishi cabo kuswa kuluyanga lwakumalenge kuya mukushika kuLibula kumatwa. Nkokwaamba ayi koonse uko nkobashiite. Lyalo ndyeshi bakeshibe ayi nebo ndi Mwaami Lesa.”

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Bene Lefi 26:44

Nacibi boobo, pakunoocili mucishi ca balwani babo, teshi nkabalubileko limwi nabi kubanyonyoola. Ico inga camanisha cipangano cangu ambabo. Nebo ndime Mwaami Lesa, Lesa wabo.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.