Jelemiya 4:19 - Baibo Busansulushi Bwa Libuku Ili

¹⁹ Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Jelemiya 4:19 Marejeleo ya Msalaba

Matalikilo 49:6

Teshi nkanjile mumibandi yabo ya bushishi, nabi kusenkaanaabo mukubungana kwabo. Bakacaya bantu mubukali bwabo alimwi bakatyoloola bacende mukulisangalasha.

2 Baami 4:19

Cakuteengashila wakatalika kulila kuli baishi ayi, “Ndafwa mutwi! Ndafwa mutwi!” Mpomunyaawo Baishi bakaambila musebenshi wabo ayi, “Amumutole kuli banyina.”

2 Baami 8:11

Mpeeke Elisha wakamulangishisha kushikila Asayelo wanyumfwa nsoni. Mpomunyaawo Elisha wakatalika kulila.

Kulumbaisha 103:1

Omoyo wangu lumbaisha Mwaami Lesa! Obuumi bwangu boonse lumbaisha liina lyakwe lisalalite!

Kulumbaisha 116:7

Omoyo wangu kala panshi akootobala, ceebo Mwaami Lesa ulancitila shibotu.

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulumbaisha 119:53

Ndakalala abuumbi pakubona bantu babiibi, bantu babiibi abo batakonkeli milawo yanu.

Kulumbaisha 146:1

Aalumbaishikwe Mwaami Lesa! Omoyo wangu lumbaisha Mwaami Lesa!

Kulumbaisha 16:2

Nebo ndakaambila Mwaami Lesa ayi, “Ndimwe Baami baLesa, baLesa bangu. Shibotu shoonse nsheencite shilaswa kuli ndimwe.”

Isaya 15:5

Ndabalilila bantu bene Moabu. Bantu babo baloboka bulya balishikite akuSowa alimwi akuEgilati Shelishiya. Balulama nshila iya kuLuyiti alimwi batooya cililabo nshila yoonse. Amwalo munshila iya kuOlonaimu boongumana abuumbi palunyonyooko lwabo.

Isaya 16:11

Ono moyo wangu wapenga abuumbi ceebo ca cishi ca Moabu. Buumba bwancata abuumbi ceebo ca ndabala ya Kili Aleseti.

Isaya 21:3

Paceebo ceeci, shintu nshendakabona akunyumfwa shanenga boowa abuumbi. Mubili wangu waana kukucisa, kucisa kuli anga nkwa mwanakashi utooyanda kutumbuka. Ndatutuma kusheesho nsheenyumfwa. Ncakwiila nsheentoobona shapensha moyo wangu abuumbi.

Isaya 21:4

Moyo wangu utookulunkunta, ntootutumabo kuboowa. Ndalinga kulilila ayi nshike bwangu mumuntungulya, sombi muntungulya wandetelabo boowa.

Isaya 22:4

Paceebo ceeco ndaamba ayi, “Amundeeke ndile bene misheesu abo boonse bakanyonyoolwa. Mutangumushiiwo napaceyi.”

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Jelemiya 23:9

Pabalaluki, nebo neJelemiya ndaamba ayi, “Moyo wangu woongumana abuumbi, amumafuwa angu moonse mutootutuma. Ceebobo ca Mwaami Lesa alimwi amaswi akwe asalalite, ndababo anga ngumuntu ukoletwe, ncakwiila anga ngumuntu wanwa bunene waini.

Jelemiya 4:21

Nciindi cilaamfu buyani nceshi noocibona mbembela sha nkondo akunoonyumfwa mapeenga a nkondo kaalila?

Jelemiya 4:5

“Amwaambilishe muJuda akoolobesha muJelusalemu ayi, ‘Amulishe mapeenga mucishi coonse.’ Amoolobeshe kamwaamba ayi, ‘Amubungane pantu pomwi, tucicile kumandabala anene acite malinga.’

Jelemiya 42:14

na mwaambe ayi, ‘Sobwe, swebo tutooya kuIjipiti tuye tukekale uko nkweshi tukabule kubonawo nkondo, kunyumfwa lupeenga lwa nkondo nabi kufwa nsala,’

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Jelemiya 50:22

Ciyobeyobe ca nkondo canyumfwika mucishi, ee, ciyobeyobe cakunyonyoola kunene.

Jelemiya 6:24

Bene Jelusalemu baamba ayi, “Twakanyumfwa makani apali mbabo, aboobo maanseesu akatontola. Buumba bwatucata, tutoonyumfwabo anga ngumwanakashi uli pankata.

Jelemiya 8:18

Webo oŋumbulusha, ndi mubuumba, moyo wangu waciswa abuumbi.

Jelemiya 8:21

Ono bene misheesu mbobapwayoolwa, anebo ndapwayoolwa. Ndalila alimwi boowa bwancata.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Jelemiya 9:10

Ndaakulila buumpute akulila cakooloma kulilila tulundu, akulila cabuumba pamafulo ceebo shililishiitilebo alimwi taaku abeendaninaamo. Kulila kwa ŋombe takunyumfwikiimo. Bayuni abanyama bamuluundu bakacicaamo.

Malilo 1:16

“Makani aya ngaanengesha kulila. Meenso angu atookunkabo minsonshi. Taaku ooli pafwaafwi kwaamba ayi aŋumbulusheeko nabi kwisa mukunjuminishako. Bantu bangu bacaala maansabo ceebo balwani bangu bankoma.

Malilo 1:20

“NoBaami baLesa amubone mapensho angu! Muuya wangu wapenshekwa abuumbi. Ndapeenga abuumbi mumoyo ceebo ca bwaashu bwangu butalifulili. Pansengwe lya maanda mumikwakwa ya ndabala, mupeeni uliciteko kucaya, amwalo mukati mumaanda muliswitebo bafu.

Malilo 2:11

Meenso angu acileka kulasha kabotu ceebo cakulila, ndapeenga abuumbi mucaamba. Ndakopoka kubuumba ceebo ca bantu bangu banyonyoolwa, ee, ceebo banike abakateta bamana kuwisooka mumikwakwa ya ndabala inene.

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 7:15

“Nebo neDanyelo, shili anga nshiloto nshendakabona shakankankamika akumpensha abuumbi mumoyo.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Amosi 3:6

Na mapeenga ankondo alila mundabala, sa bantu tabatutumi? Na kunyonyooka kwacitika mundabala inene, sa teshi Mwaami Lesa ulengesha boobo?

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Shakubelenga 10:9

Na mucishi mwesa nkondo, kwaamba ayi mulifuune kubalwani abo besa mukumulwana, mulyeelete kulisha cishibisho ca nkondo mumapeenga aya. Nebo neMwaami Lesa, Lesa wanu ndaakumucafwa alimwi akumupulusha kubalwani banu.

Bene Loma 10:1

Nobamakwesu cintu nceensunishi amoyo wangu woonse alimwi nceensenga Lesa, ncakwaamba ayi baJuda abo bamumushobo wangu, bakapulushikwe.

1 Bene Kolinto 14:8

Alimwi na shikulisha lupeenga lwa nkondo wabula kunoolisha kabotu, ngani weenga walibambila kuya kunkondo?

Bene Galatiya 4:19

Nobana bangu, bweenka mbuli mwanakashi mbwaanyumfwa kucisa na mumala mwabuka, anebo mbontoonyumfwa ceebo ca ndimwe kushikila buumi bwa buKlistu buboneke cancinencine muli ndimwe.

Boomboloshi 5:21

Mukuuku wa maanshi muLweenge lwa Kishoni, wakabatola boonse. Ncakwiila ngamaanshi eenda lubilo muMulonga wa Kishoni. Nebo ndaakweenda, ncakwiila ndaakweenda cankusu.