Jelemiya 4:15 - Baibo Busansulushi Bwa Libuku Ili

¹⁵ Kuli liswi litookwaambilisha kuswa kuDani, ee, litokwaamba kutulundu twa kuEfuleemu ayi mapensho anene atoosa.

Jelemiya 4:15 Marejeleo ya Msalaba

Isaya 52:7

Cilabotelesha abuumbi kubona shinkombe keesa kucilingana tulundu, ee, shinkombe utooleta makani abotu, makani a luumuno. Ulaambilisha kukoma akwaambila bene Siyoni ayi, “Lesa wanu ncakwiila ngomwaami!”

Jelemiya 10:22

Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Joshuwa 17:15

Mpeeke Joshuwa wakabakumbula ayi, “Na mwafula cakwaamba ayi cishi ca tulundu ca bene Efuleemu caceya, anu amuye musokole luundu luli mucishi ca bene Pelisi alimwi aca bene Lefaimu.”

Joshuwa 20:7

Aboobo kumbo lya Joodani bakasala ndabala ya Kadeshi muGalili mucishi ca tulundu cakwe Nafutali, Shekemu mucishi ca tulundu cakwe Efuleemu, Kilyati Aaba nabi ayi Ebuloni mucishi ca tulundu cakwe Juda.

Boomboloshi 18:29

Ndabala iyo bakeetumba ayi Dani, liina lya mushali wabo mukulukulu uyo wakalinga mwanaakwe Jakobo. Kale kale yakalinga kwiitwa ayi Laishi.

Boomboloshi 20:1

Mpomunyaawo bene Isilaeli boonse bakabungana kuswa mushishi shoonse, nkokwaamba ayi kuswa kuDani kuya mukushika kuBiyasheba alimwi akucishi ca Gilyadi. Bakabungana mbuli muntu womwi kunembo lya Mwaami Lesa kuMisipa.