Jelemiya 39:8 - Baibo Busansulushi Bwa Libuku Ili

⁸ Mpomunyaawo bene Babiloni bakatenta ŋanda ya bwaami amaanda a bantu akupwayoola lubumbu lwa Jelusalemu.

Jelemiya 39:8 Marejeleo ya Msalaba

2 Baami 25:8

Lyalo pabushiku bwasanu ashobilo bwa mweenshi wasanu mumwaaka walikumi amyaaka yosanwe ayone wa bwaami bwakwe Nebukadinesa mwaami wa bene Babiloni, Nebusaladani uyo wakalinga mutanjilili wa beshikulindilila mwaami, wacinenenene wa mwaami wa bene Babiloni, wakenjila muJelusalemu.

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

Neyemiya 1:3

Ono bakankumbula ayi, “Abo bakapuluka mubusha akuboolela kumishaabo bali mumapensho anene akucobolwa kubantu babashingulukite. Lubumbu lwa Jelusalemu lwakapwaikwa, aminjililo ya ndulo yakatentwa alimwi teena kubambululwa kuswa kuciindi ico.”

Kulumbaisha 79:7

Ceebo bakalobya bamulunyungu lwakwe Jakobo. Ncakwiila bakanyonyoola cishi cabo.

Isaya 5:9

Mwaami Lesa Shinkusu shoonse ndamunyumfwa kaalumbila ayi, “Ndashinisha maanda anene oonse aya alaakuba mumatongo. Ncakwiila naakomeni, naaboti alaakucaalabo kwakubula aukalaamo.

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Jelemiya 21:10

Ndabala iyi ndiipingite kwiinyonyoola kuteshi kwiicitila shibotu. Ilaakupekwa mumaansa a mwaami wa kuBabiloni uyo weshi akeenyonyoole amulilo. Nebo neMwaami Lesa ndaamba.”

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.

Jelemiya 34:2

Mwaami Lesa, Lesa wa bene Isilaeli wakandwiita ayi nje nkalwiite Sedekiya mwaami wa bene Juda ayi, “Nebo, neMwaami Lesa, ndaakwaaba ndabala inene iyi kumwaami wa kuBabiloni uyo weshi akeeteente.

Jelemiya 34:22

Ndaakubaambila ayi baboolele mundabala inene ino. Balaakwiilwana, kwiikoma akwiitenta. Kuswawaawo mandabala a muJuda ndaakwaalengesha kuba anga nduyanga umo mutekaali bantu. Nebo neMwaami Lesa ndaamba.”

Jelemiya 37:10

Ncakwiila nabi mukakome likoto lyoonse lya bashilumamba bene Babiloni akushiyawobo balicisite mumatente, beenka abo balaakwisa mukutenta ndabala inene ino cakumaninina.’ ”

Jelemiya 38:18

Sombi na mubule kulyaaba mumaansa a bamatanjilili ba bashilumamba ba mwaami wa bene Babiloni, ndabala inene ino ilaakwaabwa kubene Babiloni abo beshi bakeeteente. Ncakwiila mwebo nobeene teshi mukalobokeewo kuswa mumaansaabo.’ ”

Jelemiya 5:10

“Kamuya mumyuunda ya minyansa yabo mwiiteme, sombi muteemaniimo, sobwe. Muponsoole misampi ya njiyo ceebo bantu aba teshi bangu nebo neMwaami Lesa.

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Malilo 2:2

Cakutafwawo nkumbu, Mwaami Lesa wakanyonyoola mishi ya bamulunyungu lwakwe Jakobo yoonse. Mubukali bwakwe buyoosha wakawisha shiyubilo sha bamulunyungu lwakwe Juda. Wakawisha bwaami bwabo abaleli ba mumo mukubasebaanya.

Malilo 2:7

Mwaami Lesa wakakaka cipaililo cakwe akushiya musena wakwe usalalite. Waaba lubumbu lwa maanda a bwaami kubalwani, abalo bakacita ciyobeyobe cakukoma muŊanda ya Mwaami Lesa anga mpabushiku bwakusekelela busalitwe.

Esekelo 16:41

Balaakukutentela maanda akukupa mulandu pameenso a banakashi baanji. Ndaakumana bufuule bwako alimwi teshi ukalipilewo tubili basunikwi bako.

Esekelo 23:47

Likoto ilyo lilaakubafusa mabwe akubacaya amipeeni. Lilaakucaya bana babo basankwa abanakashi akubatentela maandaabo.

Esekelo 33:21

Mumwaaka wamakumi obilo amyaaka yosanwe wa busha bwesu, pabushiku bwasanu bwa mweenshi walikumi, muntu wakaloboka kuJelusalemu wakesa kuli ndime akwaamba ayi, “Ndabala yakakomwa!”

Amosi 2:5

Aboobo ndaakutuma mulilo pacishi ca Juda uyo weshi akanyonyoole malinga a ndabala ya Jelusalemu.”

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.