Jelemiya 39:5 - Baibo Busansulushi Bwa Libuku Ili

⁵ Sombi bashilumamba bene Babiloni bakabakonkela akucata Sedekiya kumawesa a Jeliko. Mpomunyaawo Sedekiya bakamutola kumwaami Nebukadinesa uyo wakalinga mundabala inene ya Libula mucishi ca Amati. Uko Nebukadinesa wakamupa mulandu.

Jelemiya 39:5 Marejeleo ya Msalaba

2 Samwelo 8:9

Ono Toyi mwaami wa Amati wakanyumfwa ayi Defedi wakakoma boonse bashilumamba bakwe Adadesa.

2 Baami 17:24

Mwaami wa bene Asilya wakabwesa bantu kuswa mundabala ya Babiloni, Kuta, Afa, Amati alimwi aya Sefafaimu akuya mukubabika mumandabala a mucishi ca Samaliya, kwaamba ayi baboolele pamusena wa bene Isilaeli. Lyalo bakabwesa mandabala ayo akwikalaamo.

2 Baami 23:33

Bwaami bwakwe bwakamana Neko mwaami wa bene Ijipiti ndyaakamutola busha kuLibula mucishi ca Amati. Lyalo mwaami Neko wakaambila bene Juda ayi balipile makilogilamu a silifa ali 3,400 alimwi amakilogilamu a golodi ali 34 ayi ngumusonko.

2 Baami 25:6

Mpomunyaawo Sedekiya bakamutola kumwaami Nebukadinesa, uyo wakalinga mundabala inene ya Libula uko nkwaakaya mukupetwa mulandu kuli Nebukadinesa.

2 Makani 33:11

Kuswawaawo Mwaami Lesa wakaletela bamatanjilili ba bashilumamba ba bene Asilya ayi balwane bene Juda. Mpeeke bakacata Manase busha. Bakamubika ndobo munshono yakwe, bamwaanga ncetani sha bulonse akumutola kuBabiloni.

Isaya 22:3

Bamatanjilili banu bakoondomokako lubilo nakubi boobo bakacatwa kabatana kuwaalwaawo mufwi nabibo womwi. Boonse abo bakacatwa, bakatolwa mubusha ceebo bakacicilabo limwi balwani babo kabacilibo kulaale.

Jelemiya 21:7

Kuswawaawo ndaakwaaba ndiwe Sedekiya omwaami wa bene Juda, bacinenenene bako abantu bamundabala ino abo beshi bakapuluke kumwaalu, nkondo alimwi ansala kuli Nebukadinesa mwaami wa kuBabiloni akubalwani banu basuni kumucaya. Nebukadinesa ulaakubacaya munkondo, teshi akabafwitewo luse nabi nkumbu.’ Nebo neMwaami Lesa ndaamba.”

Jelemiya 24:8

“Sombi Sedekiya mwaami wa bene Juda, bacinenenene bakwe abaabo beshi bakacaaleewo muJelusalemu, bashiite mucishi cino nabi beshi bakaye kuIjipiti, nebo neMwaami Lesa ndaakubacita anga ninkuyu shibiibi cakutalikwa.

Jelemiya 38:18

Sombi na mubule kulyaaba mumaansa a bamatanjilili ba bashilumamba ba mwaami wa bene Babiloni, ndabala inene ino ilaakwaabwa kubene Babiloni abo beshi bakeeteente. Ncakwiila mwebo nobeene teshi mukalobokeewo kuswa mumaansaabo.’ ”

Jelemiya 38:23

Kuswawaawo ndakaamba ayi, “Bamakaanu boonse alimwi abana banu balaakutolwa busha kubene Babiloni. Mwebo nobeene teshi mukalobokeewo kuswa mumaansaabo. Sombi mulaakucatwa kumwaami wa bene Babiloni alimwi ndabala inene ino ilaakutentwa cakumaninina.”

Jelemiya 4:12

Sombi ngumuuwo wiindaawo nkusu uyo uswa kuli ndime. Nebo neMwaami Lesa ntoobapa milandu.”

Jelemiya 44:30

Mwaami Lesa waamba ayi, ‘Ndaakwaaba Falawo Ofula mwaami wa bene Ijipiti mumaansa a balwani bakwe abo bafwima buumi bwakwe bweenka mbuli mbondakaaba Sedekiya mwaami wa bene Juda kuli Nebukadinesa mwaami wa bene Babiloni, mulwani wakwe uyo wakalinga kumufwima.’ ”

Jelemiya 49:23

Mwaami Lesa utokwaamba pandabala ya Damasikasi ayi, “Bene Amati abene Apadi bapenshekwa mumyoyo yabo ceebo banyumfwa makani abiibi. Balityongookite akupenga mumyoyo yabo bweenka mbuli maanshi a mulweenge atoomunibo.

Malilo 1:3

Mapensho amilimo iyumu ndishamana, bene Juda batolwa mubusha. Balekalabo pakati ka mishobo imwi, tabacani amusena wakookesheshaawo. Boonse babatandaanya balabeensha, ee, kubeensha mukati ka mapensho.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Esekelo 23:24

Balaakwisa mukukulwana kuswa kumatwa ashikoci sha nkondo, shikocibo alimwi amulongo wa bantu. Balaakwiimikana mumisena yabo ya nkondo kumbasu shoonse kabacite mayawo anene aaniini alimwi ashimpoompo. Ndaakukwaaba mumaansaabo kwaamba ayi bakupe mulandu kweelana amilawo yabo.

Abakuku 1:7

Mbantu baloondwa alimwi bayoosha. Ncakwiila mbantu abo balipangilabo milawo beene abwalo bulemu balalipabo beene.

Shakubelenga 13:21

Aboobo basankwa abo bakenjilila kumatwa akubona cishi ico, kutalikila muluyanga lwa Sini kulubasu lwakumalenge kuya mukushika kuLewobu pafwaafwi anshila iinda pakati ka tulundu iya kuAmati kulubasu lwa kumatwa.

Joshuwa 13:5

alimwi acishi ca bene Gibali. Cishi coonse ca Lebanoni kulubasu lwakwicwe, kuswa kuBaali Gadi munshaaKalundu ka Elimoni, kuya mukushika akumwinjililo wa Amati.

Joshuwa 4:13

Bantu bali mpashi 40,000 bakasubuka mulonga pameenso a Mwaami Lesa kabalibambite kulwana akuya kushinyika sha ndabala ya Jeliko.

Joshuwa 5:10

Ingayi macolesha pabushiku bwalikumi ashone mumweenshi uyo kabacili mumisumba kuGilugala kushinyika sha ndabala ya Jeliko, bakasekelela bushiku bwa Pasika bwakwiibaluka kusotokela.

Boomboloshi 3:3

Mishobo yakalinga yacaala mucishi njeeyi. Baami bosanwe ba bene Filisiti, bene Kenani boonse, bene Sidoni, bene Ifi abo bakalinga kwikala kutulundu twa Lebanoni, kuswa kuKalundu ka Baali Emoni kushika mumwinjililo wa kuAmati.