Jelemiya 37:7 - Baibo Busansulushi Bwa Libuku Ili

⁷ kwaambila Sedekiya ayi, “Bashilumamba ba bene Ijipiti bali munshila kwisa mukukucafwa kulwana. Teshi bakashiike, sombi balaakuboolelaamo kumishaabo kuIjipiti.

Jelemiya 37:7 Marejeleo ya Msalaba

2 Baami 22:18

Sombi mulwiite mwaami wa bene Juda uyo wamutuma ayi mwiipushe kuli ndime neMwaami Lesa, ayi nebo neMwaami Lesa, Lesa wa bene Isilaeli, ndaamba ayi webo wakutika shakalembwa mulibuku.

2 Baami 24:7

Mwaami wa bene Ijipiti abashilumamba bakwe tabakwe kunyamukaawo kuswa muIjipiti kuya mukulwana mukwiinga mwaami wa bene Babiloni wakamunyaya lubasu lwa cishi cakwe kuswa kuMulonga wa Yufuletisi kuya mukushika kunyinsa ya Ijipiti ya kumatwa.

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Isaya 30:7

Ncakwiila balatolela cishi ca Ijipiti ico cicite lucafwo lutaaku mbolubete. Paceeco ceeco cishi ico ndakacitumba ayi, ‘Shinshimwe utacite meeno.’ ”

Isaya 36:6

Webo utooyeeyela kucafwikwa kubene Ijipiti. Ico inga caba anga nkushimpila kulitete pakweenda. Litete ilyo inga lyatyoka akukuyasa mulyaansa omwiine. Anu ubo mwaami wa bene Ijipiti mbwaabete na muntu wacinka manungo muli nguwe.’ ”

Jelemiya 2:18

Ino bulya mutooya mukucitanshi kuIjipiti? Sa mutooya mukunwa maanshi muMulonga wa Nailo? Ino mutooya mukucitanshi kuAsilya? Sa mutooya mukunwa maanshi muMulonga wa Yufuletisi?

Jelemiya 2:36

Ino utoopampookilanshi bobulya munshila shako? Bene Ijipiti balaakukulensha nsoni bweenka bwakakucita bene Asilya.

Jelemiya 2:37

Kumusena uyo ulaakuswaako koolicatite kumutwi ceebo Mwaami Lesa ulibakakite abo mbooshoma. Ncakwiila teshi bakakucafwewo napaceyi.”

Jelemiya 21:1

Sedekiya mwaami wa bene Juda wakatuma Pasha mwanaakwe Malukiya aSefaniya mupailishi mwanaakwe Maseiya kuli ndime mukusenga ayi,

Jelemiya 21:2

“Twaambilileko kuMwaami Lesa ceebo Nebukadinesa mwaami wa kuBabiloni utootulwana. Mpashi Mwaami Lesa inga watucitilawo shaankamiko mbuli mbwaakalinga kucita kale kale kwaamba ayi Nebukadinesa atuleeke.”

Jelemiya 37:3

Mpeeke mwaami Sedekiya wakatuma Jeukali mwanaakwe Shelemiya amupailishi Sefaniya mwanaakwe Maseiya kuli ndime neJelemiya mukwaamba ayi, “Amutupailileeko kuMwaami Lesa, Lesa wesu.”

Jelemiya 37:5

Bashilumamba ba bene Babiloni bakalinga baya mukushinguluka Jelusalemu, sombi ndibakanyumfwa ayi bashilumamba bene Ijipiti basubuka manyinsa a cishi ca Ijipiti, bakaloonda akuboolaamo kuswa kuJelusalemu.

Jelemiya 37:6

Lyalo Mwaami Lesa, Lesa wa bene Isilaeli wakandwiita

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Malilo 4:17

Meenso esu akalema kulangila lucafwo, sombi talukwe kuboneka. Kuswa kumaanda alaamfu twakalindila mushobo umwi wa bantu abo batakalinga kukonsha kutupulusha.

Esekelo 17:17

Falawo mwaami wa bene Ijipiti alikoto lyakwe lya bashilumamba liyumu teshi bakamucafweeko munkondo baakuyaka shakutantaawo pakulwana akukaba shilindi kwaamba ayi bacaye bantu baanji.

Esekelo 29:16

Bene Isilaeli teshi bakacinkewo tubili manungo mucishi ca Ijipiti, sombi mapensho a ncico alaakunoobeebalushabo mbocibete cibiibi kusenga lucafwo kuli ncico. Lyalo ndyeshi bakeshibe ayi nebo ndi Mwaami Lesa Shinkusu shoonse.”

Esekelo 30:22

Paceebo ceeco nebo neMwaami Lesa Shinkusu shoonse ndaamba ayi, ‘Ndaakulwana Falawo mwaami wa bene Ijipiti. Ndaakumutyola maansaakwe oonse, nkokwaamba ayi liyumu alityokete, akulengesha mupeeni kuloka kuswa mumaansaakwe.