Jelemiya 37:21 - Baibo Busansulushi Bwa Libuku Ili

²¹ Mpomunyaawo mwaami Sedekiya wakapa mulawo ayi mbikwe mulubansa lwa ŋanda ya bwaami alimwi akunoopekwa shinkwa womwi bushiku abushiku uswa kubeshikuupanga kushikila woonse ukamaane mundabala inene iyo. Aboobo nebo neJelemiya ndakekala kumusena uyo.

Jelemiya 37:21 Marejeleo ya Msalaba

2 Baami 25:3

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

Jobo 5:20

Munsala ulaakukufuna kwaamba ayi utafwi, amwalo munkondo ulaakukufuna kwaamba ayi utayaswi mupeeni.

Kulumbaisha 37:19

Teshi bakapengeewo nabibo muciindi cibiibi. Muciindi ca nsala balo balaakunoocite shakulya shiinji.

Kulumbaisha 37:3

Cinka manungo muMwaami Lesa akucita shibotu. Lyalo ulaakukonsha kwikala mucishi ici kakutaaku cakulisukama.

Tushimpi 16:7

Na muntu kaaenda munshila isangalasha Mwaami Lesa, ulaakulengesha balwani bakwe kunoonyumfwana anguwe.

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Isaya 33:16

Uyu ngomuntu weshi akabule cakulisukama. Uyo ulaakunoolibo anga ngumuntu ucite ciyubilo pakalundu. Ulaakunoopekwa shakulya aalo maanshi teshi akamumanineewo.

Jelemiya 20:2

wakangumisha kubantu akuŋanga mancetani. Lyalo wambika kuMwinjililo wakwe Benjameni waPeculu wa kuŊanda ya Mwaami Lesa.

Jelemiya 32:2

Paciindi ico bashilumamba ba mwaami wa bene Babiloni bakalinga kulwana ndabala ya Jelusalemu. Ciindi ico nebo ndakalinga kwaangitwe kulubansa lwa kuŋanda ya bwaami ya kuJuda.

Jelemiya 32:8

Ono bweenka bwakaamba Mwaami Lesa, Anamelo wakesa mukumbona kulubansa lwa ŋanda ya bwaami akunsenga ayi ngule muunda wakwe. Paceebo ceeco ndakeshiba ayi maswi alya ncakwiila akaswa kuMwaami Lesa.

Jelemiya 33:1

Kaancili muntolongo kulubansa ulo, maswi a Mwaami Lesa akesa kuli ndime alimwi.

Jelemiya 38:13

Kuswawaawo bakankwela kuntambo akunkusha mumukalo. Lyalo ndakekala kulubansa lwa ŋanda ya bwaami.

Jelemiya 38:28

Lyalo nebo neJelemiya ndakalamwa kulubansa lwa ŋanda ya mwaami kushikila ndabala ya Jelusalemu ndiyakakomwa.

Jelemiya 38:6

Aboobo bakambwesa akuya mukungwaala mumukalo wakwe Malukiya mwanaamwaami. Mukalo uyo wakalinga mulubansa lwa ŋanda ya bwaami. Bakasebensesha ntambo pakunkulukisha mumukalo uyo. Tewakalinga kucite maanshi, sombi mwakalingabo matipa ayo ngondakepilaamo.

Jelemiya 38:9

“Nomulemekwa, cacita bantu aba kuli Jelemiya mulaluki cakumubika mumukalo ncilubo. Mumukalo mulya ulaakufwabo kunsala shakulya shoonse shikamaane mundabala inene ino.”

Jelemiya 52:6

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

Malilo 5:10

Cikanda cesu citoolungula anga mumunyumbi. Ncakwiila nsala yalengesha mibili yesu kupya.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

Milimo ya Batumwi 12:5

Aboobo bakatolelela kulama Pita muntolongo. Sombi bantu ba mucoonde bakalinga kumupailila cankusu kuli Lesa.

Milimo ya Batumwi 24:27

Ndipakeenda myaaka yobilo, Poshasi Fesitasi wakapyana Felekisi pabweendeleshi bwa cishi. Ono mukwiinga Felekisi wakalinga kusuni ayi baJuda bamusuune, wakashiya Paulo muntolongo.

Milimo ya Batumwi 28:16

Nditwakashika muLoma, Paulo bakamusuminisha kulikalila eenka ashilumamba shikumulama.

Milimo ya Batumwi 28:30

Ono kwamyaaka yobilo, Paulo wakalinga kwikala muŋanda njaakalinga kusonkela mwiine akutambula baabo boonse bakalinga kwisa mukumubona.

Bene Efeso 4:1

Nebo nekaili ceebo cakusebensela Mwaami Jesu, ndamusenga ayi mwikale buumi bweelete, kweelana aLesa mbwaakamwiita.

Bene Efeso 6:20

Ono kwaamba ayi bantu baanji beshibe Makani Abotu, nebo ndi mutumwi wakwe Jesu Klistu, nabi pacecino ciindi ndi muntolongo. Amumpailileeko kwaamba ayi mbe ankusu shakushimikila Makani Abotu cakutaloonda kweelana ambonjelete.

2 Timoti 1:8

Ono utanoonyumfwa nsoni kuba kamboni wa Mwaami wesu nabi kunyumfwa nsoni ceebo ca ndime nekaili mukwiinga wakwe Klistu. Sombi kopengela pantu pomwi anebo ceebo ca Makani Abotu kweelana ankusu shikupa Lesa.

2 Timoti 2:9

Ceebo cakushimikila Makani Abotu, ndapenga akwaangwa ncetani bulya anga ngushikusotoka milawo, sombi maswi akwe Lesa taangitwe muncetani napaceyi!