Jelemiya 37:18 - Baibo Busansulushi Bwa Libuku Ili

¹⁸ Mpomunyaawo ndakeepusha mwaami ayi, “Ino ngumulandunshi ngondabishila ndimwe, bacinenenene banu nabi bantu aba ngomwambikila muntolongo?

Jelemiya 37:18 Marejeleo ya Msalaba

Matalikilo 31:36

Lyalo Jakobo wakakalala. Mpeeke wakeepusha cabukali ayi, “Ncibiibinshi ncendacita? Ngumulawonshi ngondasotoka uyo wamupa nkusu shakunoosa cimfwima anga ngumunyama?

Tushimpi 17:13

Na muntu wapilusha cibiibi pacintu cibotu, kubisha teshi kukamanewo muŋanda yakwe.

Tushimpi 17:26

Tacishi cibotu kulipilisha muntu utacite mulandu, akwalo kuuma bacinenenene ceebo cakushomeka kwabo tacishi cibotu.

Jelemiya 26:19

“Sa Esekiya mwaami wa bene Juda nabi umwi uli woonse wa muJuda wakamucaya? Sa Esekiya taakwe kuloonda Mwaami Lesa akusenga ayi abamunyumfwile nkumbu? Sa Mwaami Lesa taakwe kusandula miyeeyo yakwe akutabaletela mapensho ayo ngaakaamba kubapa? Bulya tutooliletelabo mapensho ayoosha.”

Danyelo 6:22

Lesa wangu watuma munjelo uyo wacala milomo ya nkalamu. Tashikwe kuncisaawo napaceyuubo ceebo ndacanika ayi nshicite mulandu pameenso akwe alimwi nshikwe kucitawo cilubo nabi comwi kuli ndimwe, nobaami.”

Joni 10:32

Sombi Jesu wakabaambila ayi, “Ndakamubonesha milimo ibotu iyo yakaswa kuli baTa. Ono pamilimo yoonse iyi, ngumulimonshi ngomutooyanda kunguminaawo mabwe?”

Milimo ya Batumwi 23:1

Mpomunyaawo Paulo wakalangilishisha beshinkuta akwaamba ayi, “Nobamakwesu, nshintootonsha mumoyo wangu kwaamba ayi ndekala buumi bululeme lyoonse pameenso akwe Lesa kushikila asunu.”

Milimo ya Batumwi 24:16

Paceebo ceeco, ndeelesha lyoonse kwikala buumi bubotu pameenso akwe Lesa alimwi abantu.

Milimo ya Batumwi 25:11

Ono na kuli ncendakacita citasuminishikwi muMilawo, nceenga calengesha ayi mpingulwe kucaikwa, nshintookaka kucaikwa. Sombi na ishi nshebatokwaamba ayi ndakacita teshi shalushinisho, taaku muntu weenga wantola mumaansaabo. Ntoosenga ayi Sisa muleli munene wa kuLoma akoomboloshe mulandu wangu.”

Milimo ya Batumwi 25:25

Sombi nebo taaku cibiibi ncendakamucanina nceenga calengesha ayi apingulwe kucaikwa. Ono mukwiinga wakasenga ayi oomboloshekwe aSisa muleli munene wa kuLoma, ndakayeeya ayi atolwe nkuko.

Milimo ya Batumwi 25:8

Sombi Paulo wakaliimikanina ayi, “Taaku cintu ncendakacita citasuminishikwi muMilawo ya baJuda, kucita cintu nceenga cabisha Ŋanda yakwe Lesa nabi kwaamba cibiibi kuli Sisa muleli munene wa kuLoma.”

Milimo ya Batumwi 26:31

Ndibakaswaamo bakatalika kulyaamboosha beene ayi, “Uyu muntu taaku cibiibi ncaacita nceenga wacailwaawo nabi kwaangwa.”

Bene Galatiya 4:16

Sa ono ndaba mulwani wanu mukwiinga ndamulwiita shalushinisho?