Jelemiya 36:6 - Baibo Busansulushi Bwa Libuku Ili

⁶ Sombi webo ukenjileemo pabushiku ubo bantu ndyeshi bakatalike kulikasha kulya. Waakuya, ukabelenge cakoolobesha maswi ali pacakulembelaawo ico kwaamba ayi bakanyumfwe shoonse shakandwiita Mwaami Lesa isho nshendakakulwiita. Ukacitile boobo uko bantu boonse nkweshi bakanoonyumfwa kubikaawo abene Juda abo bakaswa mumandabala abo.

Jelemiya 36:6 Marejeleo ya Msalaba

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 19:14

Kuswawaawo nebo neJelemiya ndakaswaako kuTofeti uko Mwaami Lesa nkwakalinga wantuma kuya mukulaluka. Lyalo ndakeemikana mulubansa lwa Ŋanda ya Mwaami Lesa akwaambila bantu ayi,

Jelemiya 22:2

‘Nyumfwa maswi a Mwaami Lesa webo omwaami wa bene Juda. Ee, webo nooshiite pacuuna ca bwaami bwakwe Defedi. Ncakwiila ukutike webo omwiine, bacinenenene bako abantu bako abo banjilila paminjililo iyi.

Jelemiya 26:2

“Imikana mulubansa lwa Ŋanda yangu neMwaami Lesa akwaambila bantu boonse ba mumandabala a muJuda abo besa mukulambila muŊanda yangu. Ubalwiite shoonse nshendakwaambila cakutashiyawo liswi nabi lyomwi.

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 36:4

Mpomunyaawo ndakeeta Baluki mwanaakwe Neliya akumwaambila maswi oonse akandwiita Mwaami Lesa. Lyalo Baluki wakaalemba oonse pacakulembelaawo.

Jelemiya 7:2

“Koya wiimikane pamwinjililo wa kuŊanda yangu neMwaami Lesa, uye waambe maswi aya: “Amunyumfwe maswi angu neMwaami Lesa mwebo noonse nobene Juda nomwiinda paminjililo iyi kuya mukunambila.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Milimo ya Batumwi 27:9

Twakekala ciindi cilaamfu nkomunya uko abushiku bwa kusekelela kulekelelwa kwa shibiibi kabuli bweenda kale. Ciindi ico cakaboneka ayi citooleta mapensho kweenda abwaato bunene. Mpomunyaawo Paulo wakabacenjesha ayi,