Jelemiya 36:29 - Baibo Busansulushi Bwa Libuku Ili

²⁹ Ulwiite amwaami Jeoiyakimu ayi, ‘Wakatenta cakulembelaawo ico akwiipusha ayi ino webo wakalembelawonshi ayi mwaami wa bene Babiloni ulaakwisa mukunyonyoola cishi ici akucaya bantu boonse alimwi abanyama bekalaamo?

Jelemiya 36:29 Marejeleo ya Msalaba

Jobo 15:24

Buumba alimwi amapensho shamulenga boowa. Shilamukonga anga ngumwaami shinkusu ulibambite kulwana.

Jobo 15:25

Ono ico ncecicitika kumuntu ufungila Lesa likoofi. Ee, uyo ulisumpula pameenso akwe Lesa Shinkusu shoonse

Jobo 40:8

Sa webo utookakatila kwaamba ayi nebo nshiluleme? Sa webo utoompa mulandu mukwaamba ayi webo uboneke kululama?

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Isaya 30:10

Balaambila beshikubona ayi, ‘Amucileeke kubona shili anga nshiloto!’ Ee, balaambila balaluki ayi, ‘Amucileeke kutulwiita shili anga nshiloto shaamba shintu shiluleme!’ Kamutwaambila shintu sheenga shatusangalasha. Kamulaluka shintu shakuyeeyelabo.

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Jelemiya 21:10

Ndabala iyi ndiipingite kwiinyonyoola kuteshi kwiicitila shibotu. Ilaakupekwa mumaansa a mwaami wa kuBabiloni uyo weshi akeenyonyoole amulilo. Nebo neMwaami Lesa ndaamba.”

Jelemiya 25:13

Ndaakuleta mapensho ayo oonse mucishi ico ngondakaambaawo, ee, oonse ayo alembetwe mulibuku ili akalalukwa aJelemiya pamishobo yoonse.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 26:9

Ceebonshi utoolalukila muliina lya Mwaami Lesa ayi Ŋanda yakwe Lesa ino ilaakubabo bweenka mbuli musena wa Shilo andabala ino kunyonyoolwa akuba matongo?” Mpeeke bantu boonse bakanshinguluka muŊanda ya Mwaami Lesa.

Jelemiya 28:8

Kuswabo kukale kale balaluki abo bataanshi pali ndiwe andime bakalaluka shankondo, mapensho amyaalu kucitikila shishi shiinji amalelo anene.

Jelemiya 32:3

Mwaami Sedekiya wakambika muntolongo uko ceebo wakampa mulandu. Wakaamba ayi ndakaambilisha ayi, “Mwaami Lesa wakaamba ayi, ‘Ndaakulengesha mwaami wa bene Babiloni kukoma ndabala inene iyo.

Jelemiya 33:12

Mwaami Lesa Shinkusu shoonse waamba ayi, “Mucishi cino ico cili anga nduyanga umo mutekaali bantu nabi banyama, cilaakuba amafulo abotu umo beembeshi mweshi bakanokweembelela alimwi.

Jelemiya 36:23

Ono Jeudi na wabelengabo shipansha shotatwe nabi shone, mwaami wakalinga kushikwamunaako acibeshi ciniini akushisowela mumulilo kushikila cakulembelaawo coonse camana.

Milimo ya Batumwi 5:28

“Mwebo twakamukasha akumukonkomesha ayi mutakeeleshi lyobilo kwiisha makani aamba pali Jesu. Sombi mwebo mweeisha muJelusalemu yoonse alimwi mukucita boobo mutooyanda kutupa mulandu wa lufu lwa muntu uyu.”

Milimo ya Batumwi 5:39

Sombi na milimo iyi ilaswa kuli Lesa, teshi mukacikoonshe kubakoma mukwiinga inga mwacana kwaamba ayi mutoolwishanya aLesa!” Lyalo boomboloshi boonse bakakonkela maswi akaamba Gamalyelo.

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.