Jelemiya 36:2 - Baibo Busansulushi Bwa Libuku Ili

² “Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 36:2 Marejeleo ya Msalaba

Esila 6:2

Libuku lyakacanwa mundabala inene ya Ekibatana mucishi ca Mediya umo mwakalinga kulembetwe makani aya.

Jobo 31:35

“Sa taaku weshi akutikewo nsheentokwaamba? Ntoolumbila kwaamba ayi maswi angu aya oonse ngalushinisho. Lesa Shinkusu shoonse aanshinine. Mulwani wangu aalembe milandu njaatoompa.

Kulumbaisha 40:7

Ono ndakaamba ayi, “Amubone, ndime pano, ndesa bweenka mbokulembetwe pali ndime mulibuku lya Milawo.

Kulonga 17:14

Lyalo Mwaami Lesa wakaambila Mose ayi, “Ulembe mbuli mbondakoma munkondo iyi kwaamba ayi bantu bakanokwiibalukilaako. Alimwi ulwiite Joshuwa ayi ntoolengesha bantu kubula kwiibalukawo tubili bene Amaleki.”

Isaya 8:1

Ono Mwaami Lesa wakandwiita ayi, “Bwesa cakulembelaawo cinene ulembewo maswi aya mumabala anene anene ayi Maa Shalali Ashi Basi, nkokwaamba ayi kusaala kwakufwambaana, kubwesa buboni calubilo.

Jelemiya 1:10

Sunu ndakupa nkusu pamishobo yoonse apamalelo oonse, nkusu shakushula akumwayoola, kunyonyoola akukoma, kuyaka akushanga.”

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Jelemiya 1:9

Mpomunyaawo Mwaami Lesa wakatambika lyaansa lyakwe, wancata pamulomo akundwiita ayi, “Bona, ndabika maswi angu mumulomo wako.

Jelemiya 2:4

Amunyumfwe maswi a Mwaami Lesa, mwebo nobamulunyungu lwakwe Jakobo, ee, noshipani sha mumikowa ya bene Isilaeli.

Jelemiya 25:3

“Kwamyaaka makumi obilo amyaaka yotatwe, nkokwaamba ayi kuswa mumwaaka walikumi ayotatwe wa bwaami bwakwe Josiya mwanaakwe Amoni mwaami wa bene Juda kushikila sunu, ndalinga kutambula maswi a Mwaami Lesa alimwi ndalinga kumulwiita cakushomeka ciindi coonse maswi ayo, sombi mwebo temwalinga kukutikaawo, napaceyi.

Jelemiya 30:2

“Ulembe makani oonse ngondakwaambila mulibuku ayi,

Jelemiya 36:14

Kuswawaawo bacinenenene bakatuma Jeudi mwanaakwe Netaniya mwishikulu wakwe Shelemiya uyo wakalinga mwanaakwe Kushi kuya mukwaambila Baluki ayi alete cakulembelaawo ico ncaakabelengelawo bantu. Aboobo Baluki wakacileta.

Jelemiya 36:18

Mpomunyaawo Baluki wakakumbula ayi, “Ee, nguJelemiya wakalinga kundwiita maswi aya oonse. Lyalo nebo kaanemba pacakulembelaawo ici.”

Jelemiya 36:23

Ono Jeudi na wabelengabo shipansha shotatwe nabi shone, mwaami wakalinga kushikwamunaako acibeshi ciniini akushisowela mumulilo kushikila cakulembelaawo coonse camana.

Jelemiya 36:29

Ulwiite amwaami Jeoiyakimu ayi, ‘Wakatenta cakulembelaawo ico akwiipusha ayi ino webo wakalembelawonshi ayi mwaami wa bene Babiloni ulaakwisa mukunyonyoola cishi ici akucaya bantu boonse alimwi abanyama bekalaamo?

Jelemiya 36:6

Sombi webo ukenjileemo pabushiku ubo bantu ndyeshi bakatalike kulikasha kulya. Waakuya, ukabelenge cakoolobesha maswi ali pacakulembelaawo ico kwaamba ayi bakanyumfwe shoonse shakandwiita Mwaami Lesa isho nshendakakulwiita. Ukacitile boobo uko bantu boonse nkweshi bakanoonyumfwa kubikaawo abene Juda abo bakaswa mumandabala abo.

Jelemiya 45:1

Mumwaaka wane wa bwaami bwakwe Jeoiyakimu mwanaakwe Josiya mwaami wa bene Juda, Baluki wakalemba maswi ayo ngondakalinga kumulwiita. Mpeeke ndakamulwiita ayi

Jelemiya 51:60

Mapensho oonse ayo eshi akacitike muBabiloni ndakaalemba mulibuku. Nkokwaamba ayi ndakalemba shoonse shakalinga kwaambwa pacishi ca Babiloni.

Esekelo 2:9

Mpomunyaawo ndakalangilisha akubona lyaansa lyakalinga kutambikitwe kuli ndime. Muli ndilyo mwakalinga cakulembelaawo

Osiya 8:12

Ndakabapa milawo iinji ilembetwe, sombi bakeekaka akunookwiilangabo anga ncintu ceensu.

Dutolonomi 31:24

Ono Mose ndyaakamanisha kulemba maswi oonse mulibuku lya Milawo yakwe Lesa,

Bene Ebulu 10:7

Mpomunyaawo ndakaamba ayi, ‘Mpoondi nebo, kwaamba ayi ncite kuyanda kwako, OLesa, bweenka mbuli maswi mbwaamba pali ndime mulibuku lya Milawo.’ ”