Jelemiya 35:4 - Baibo Busansulushi Bwa Libuku Ili

⁴ Lyalo boonse ndakabaleta muŊanda ya Mwaami Lesa akubenjisha mucipinda ca bana bakwe Anani mwanaakwe Igidaliya muntu wakwe Lesa. Cipinda ici cakalinga kubambene acipinda ca bacinenenene. Cipinda ici cakalinga peculu lya cipinda cakwe Maseiya mwanaakwe Shalumu shikulindilila mulyango wa Ŋanda yakwe Lesa.

Jelemiya 35:4 Marejeleo ya Msalaba

1 Baami 12:22

Sombi Lesa wakaambila mulaluki Shemaya ayi

1 Baami 13:1

Ono Mwaami Lesa wakatuma mulaluki kuswa kucishi ca Juda kuya kuBetelo. Wakashika ciindi Jeloboamu ndyaakeemikana kucipaililo kwaamba ayi abenge mulambu uyo.

1 Baami 13:26

Mulaluki mucembele ndyaakanyumfwa cikani ico wakaamba ayi, “Uyo ngumulaluki utakwe kunyumfwila kukonkomesha kwa Mwaami Lesa! Mwaami Lesa watuma nkalamu yakwisa mukumuluma akumucaya, bweenka mbwaakaamba ayi ulaakucita.”

1 Baami 17:18

Mpomunyaawo mukalubinje uyo wakaambila Elija ayi, “Omuntu wakwe Lesa, nciinshi ncewacitila bobulya? Sa wesa kokuno mukwiibalusha Lesa shibiibi shangu isho nshendakacita akulengesha mwanaangu kufwa?”

1 Baami 17:24

Mpeeke mukalubinje uyo wakakumbula ayi, “Ono ndashiiba ayi uli muntu wakwe Lesa alimwi ayi Mwaami Lesa ulaambila muli ndiwe!”

1 Baami 20:28

Lyalo mulaluki wakaya kumwaami Aabu akumwaambila ayi, “Mwaami Lesa waamba ayi, ‘Mukwiinga bene Silya batokwaamba ayi nebo ndi lesa wa mutulundu nshiishi lesa wa mushinyika, ntookupa nkusu shakukoma bashilumamba babo baanji kwaamba ayi webo abantu bako mwishibe ayi ndime Mwaami Lesa.’ ”

2 Baami 1:9

Lyalo mwaami wakatuma mutanjilili wa bashilumamba pantu pomwi abashilumamba bakalinga makumi osanwe kuya mukucata Elija. Mutanjilili uyo wakamucana kashiite pakalundu akumwaambila ayi, “Omuntu wakwe Lesa, mwaami waamba ayi useluke.”

2 Baami 12:9

Lyalo Jeoiyada mupailishi wakabwesa libokoshi akutulula bulyango pacakufwekaawo. Wakabika libokoshi ilyo kucipaililo kulubasu lwalulyo na muntu keenjila muŊanda yakwe Lesa. Bapailishi abo bakalinga kusebensela kumulyango wa Ŋanda yakwe Lesa bakalinga kubika maali oonse akalinga kuletwa mumo mulibokoshi ilyo.

2 Baami 25:18

Kuswawaawo Nebusaladani, mutanjilili wa beshikulindilila mwaami wakacata busha Selaya mupailishi munene, Sefaniya mupailishi umukonkela kubikaawo abeshikulindilila mwinjililo wa Ŋanda yakwe Lesa botatwe.

2 Baami 5:14

Mpomunyaawo Naamani wakaya kuMulonga wa Joodani akuliwaala mumaanshi mankanda ali osanwe aobilo bweenka bwakamwaambila Elisha. Lyalo wakaba kabotu alimwi mubili wakwe wakaboolabo anga ngwa mwaana kateta.

2 Baami 5:20

Geyasi musebenshi wakwe Elisha wakalyaamboosha ayi, “Mwaami wangu waleka Naamani waya cakutalipilaawo nabi kaniini! Mbubo neenga watambula shalinga shabenga mwine Silya ulya. Bweenka mbocibete lushinisho ayi Mwaami Lesa ngumuumi, mbweeke ubo ntoomukonkela nje mbweseeko nakaceyi.”

2 Baami 6:10

Mpeeke mwaami wa bene Isilaeli wakacenjesha bantu bakalinga kwikala kumusena uyo wakaamba Elisha, aboobo bekekala kabalibambite. Ico cakacitika mankanda aanji mumisena ipusenepusene.

2 Baami 7:17

Ono cakacanika ayi mwaami wa bene Isilaeli wakabika shikumucafwa ulya ayi alindilile pamwinjililo. Ono bantu pakwiinda shikumucafwa uyo bakamulyata, lyalo wakafwa bweenka bwakaamba Elisha mwaami ndyaakaya kuŋanda yakwe mukumubona.

2 Baami 7:2

Mpomunyaawo shikucafwa mwaami wakaambila Elisha ayi, “Ico tacikoonshi kucitika nabi Mwaami Lesa mwiine watuma witi abale paciindi ciniinibo!” Elisha wakamukumbula ayi, “Ulaakucibona kacicitika, nakubi boobo webo teshi ukalyeeko.”

1 Makani 9:27

Bakalinga kwikala kufwaafwi aŊanda yakwe Lesa mukwiinga yakalinga ncito yabo yakwiilama akucalula minjililo lyoonse macuunsacuunsa.

2 Makani 8:14

Mukukonkela bwakamulwiita baishi baDefedi, Solomoni wakabika bapailishi mumakoto makoto ayi banoosebensa mumalishi malishi pantu pomwi abene Lefi ayi banoocita mulimo wakulumbaisha Lesa akunoocafwa bapailishi mumilimo yabo ya lyoonse. Wakapanga amakoto a beshikulindilila mwinjililo womwi awomwi ceebo Defedi, muntu wakwe Lesa, mbwaakaamba ubo.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Jelemiya 21:1

Sedekiya mwaami wa bene Juda wakatuma Pasha mwanaakwe Malukiya aSefaniya mupailishi mwanaakwe Maseiya kuli ndime mukusenga ayi,

Jelemiya 26:10

Ono bacinenenene ba bene Juda ndibakanyumfwa cikani ico bakaswa kuŋanda ya bwaami akuya kuŊanda ya Mwaami Lesa. Lyalo bakekala mumisena yabo kumulyango wa Mwinjililo Upya.

Jelemiya 35:3

Mpomunyaawo ndakaya mukuleta Jaasaniya mwanaakwe Jelemiya umwi uyo wakalinga mwanaakwe Abasiniya, bamakwabo abana bakwe boonse, nkokwaamba ayi mukowa wa bene Lekabu boonse.

Jelemiya 52:24

Kuswawaawo Nebusaladani, mutanjilili wa beshikulindilila mwaami wakacata busha Selaya mupailishi munene, Sefaniya mupailishi umukonkela kubikaawo abeshikulindilila mwinjililo wa Ŋanda yakwe Lesa botatwe.

Esekelo 40:38

Mulubansa lwa pansengwe mwakalinga cipinda cimwi cakanungwa kumwinjililo wakumatwa wakuya mulubansa lwa mukati. Mulyango wa cipinda ici wakalinga kuya kucipinda cakwinjililaako cakalinga kulangite kulubansa. Mucipinda ico mobakalinga kusanshila shifubwa shakubenga milambu yakutenta.

Esekelo 43:8

Bamaami ndibakayaka milyango yabo lubamba amilyango yangu, ee, ndibakashimpika shisamu sha kumilyango lubamba ashisamu shangu sha kumilyango, cakwaamba ayi pakati kesu pakalinga kwiindabo lubumbu, bakasebaanya liina lyangu kushintu shilensha bunya shoonse nshebakalinga kucita. Paceebo ceeco ndakabanyonyoola mubukali bwangu.

Dutolonomi 33:1

Mose, muntu wakwe Lesa, wakapa bene Isilaeli shoolwe ishi kaatana kufwa.

1 Timoti 6:11

Ono webo omuntu wakwe Lesa, swa kushintu shoonse sha mushobo uyu. Koelesha kuba abuumi bululeme, bwakulemeka Lesa, bwalushomo, bwalusuno, bwakutaboola pesule abwa kulibombya.

2 Timoti 3:17

Nkokwaamba ayi muntu utoosebensela Lesa abe wooyo ukonsha kucita micito ibotu ili yoonse.

Joshuwa 14:6

Ono bamwi bamumukowa wakwe Juda bakaya kuli Joshuwa kuGilugala. Mpeeke Kalebu mwanaakwe Jefune mwine Kenisi wakamwaambila ayi, “Mulishi Mwaami Lesa mbwaakaambila Mose muntu wakwe kuKadeshi Baniya pali ndimwe anebo.

1 Samwelo 2:27

Mulaluki wakaya kuli Eli mukumwaambila makani akaamba Mwaami Lesa ayi, “Aloni mushali wanu mukulukulu ndyaakalinga muIjipiti mubusha kumwaami Falawo abamuŋanda yakwe, ndakaliyubulula kuli nguwe.