Jelemiya 34:5 - Baibo Busansulushi Bwa Libuku Ili

⁵ Sombi webo ulaakufwabo muluumuno. Bweenka bantu mbobakalinga kunootenta tununkila kabotu pakufukila bamashali banu bakulukulu abo bakalinga bamaami webo kootana kulela, mbweeke ubo mbweshi bakakutentele awebo. Balaakulila pali ndiwe akwaamba ayi, ‘Maawe, mwaami wesu wafwa!’ Nebo neMwaami Lesa ndaamba.”

Jelemiya 34:5 Marejeleo ya Msalaba

2 Baami 22:20

Aboobo webo ulaakufwabo muluumuno kaantana kupa mulandu ndabala ya Jelusalemu.’ ” Lyalo basankwa abo bakaboolela kumwaami Josiya amakani ayo.

2 Makani 16:14

Asa wakabikwa mucuumbwe ncaakalipangila mwiine mulibwe ico cakalinga muNdabala yakwe Defedi. Bakasebensesha mafuta atununkila kabotu kwaamba ayi bananike mubili wakwe pakuubika. Bakakunka cibalankuni ca mulilo mukumulemeka.

2 Makani 34:28

Aboobo mwebo mulaakufwabo muluumuno kaantana kupa mulandu ndabala ya Jelusalemu.’ ” Lyalo basankwa abo bakaboolela kumwaami Josiya amakani ayo.

Jelemiya 22:18

Paceebo ceeco pali Jeoiyakimu mwanaakwe Josiya mwaami wa bene Juda, Mwaami Lesa waamba ayi, “Teshi akalilweewo ayi, ‘Maawe nandumi yangu! Maawe mukwesu!’ Teshi akalilweewo ayi, ‘Maawe mwaami wangu! Maawe bulemu bwakwe!’

Jelemiya 34:4

“Ono webo Sedekiya nyumfwa nshentokwaamba pali ndiwe. Webo teshi ukacaikweewo munkondo.

Malilo 4:20

Bakacata wooyo wakalinga kutabilila buumi bwesu, ee, mwaami wesu uyo wakasalwa aMwaami Lesa. Bakacata wooyo ngotwakalinga kushomete kwaamba ayi inga watufuna kubalwani besu boonse.

Esekelo 17:16

“Nebo neMwaami Lesa Shinkusu shoonse ndaamba ayi, ‘Kweelana ambocibete lushinisho ayi ndi muumi, mwaami uyo ulaakufwita muBabiloni ceebo wakapwaya kushomesha cakulumbila kwakwe acipangano ico ncaakapanga amwaami wa Babiloni uyo wakamubika pacuuna ca bwaami.

Danyelo 2:46

Lyalo mwaami Nebukadinesa wakafukama cakushisha ciwa panshi kunembo lyakwe Danyelo mukumulemeka. Mpeeke wakaamba ayi milambu ibengwe kuli nguwe akumupa shipo.

1 Samwelo 31:12

basankwa boonse batacite boowa bakanyamuka akweenda mashiku oonse kuya kuBeti Shani. Ndibakashika bakakusha mubili wakwe Saulo amibili ya bana bakwe basankwa kuswa kulubumbu lwa ndabala ya Beti Shani akwiitola kuJabeshi uko nkobakaya mukwiitentela.