Jelemiya 34:19 - Baibo Busansulushi Bwa Libuku Ili

¹⁹ Bamatanjilili ba bene Juda aba bene Jelusalemu, bacinenenene, bapailishi alimwi abantu boonse ba mucishi bakeenda pakati ka shipansha sha moombe uyo.

Jelemiya 34:19 Marejeleo ya Msalaba

Matalikilo 15:17

Lisuba ndilyakapila, lyalo pashiya, mupika wa mulilo wakalinga kusunta, acimunimweenge ca mulilo cakalinga kunyaka shakaboneka cakufwambaana akwiinda pakati ka mindando ya shipimpita sha banyama.

Matalikilo 15:8

Sombi Abulamu wakeepusha ayi, “NoBaami Beshinkusu shoonse, ino inga ndeshiba buyani ayi ncaangu?”

2 Baami 24:12

Lyalo mwaami Jeoiyakini mwaami wa bene Juda wakalyaaba mumaansaakwe Nebukadinesa pantu pomwi abanyina, bana bakwe basankwa, bamatanjilili ba bashilumamba alimwi abacinenenene ba kuŋanda ya bwaami boonse. Mumwaaka wasanu ayotatwe wa bwaami bwakwe Nebukadinesa mwaami wa bene Babiloni, Jeoiyakini mwaami wa bene Juda wakatolwa busha kuli nguwe.

2 Baami 24:15

Nebukadinesa wakatola busha Jeoiyakini kuBabiloni pantu pomwi abanyina, bamakaakwe, bacinenenene alimwi ababile boonse ba mucishi ca Juda.

Jelemiya 29:2

Ici cakacitika mwaami Jeoiyakini, banyina, bacinenenene bakwe, bamatanjilili bene Juda aba bene Jelusalemu, beshikubesa shintu alimwi abacibwene shakupangapanga ndibakamana kutolwa busha kuBabiloni kuswa kuJelusalemu.

Jelemiya 34:10

Bamatanjilili boonse alimwi abantubo bakasumina kwaangulula basha babo akutabacatawo busha tubili. Lyalo bakasuminishanya akubaangulula.

Jelemiya 38:7

Sombi Ebedimeleki mwiine Kushi wacinenenene wa kuŋanda ya bwaami wakanyumfwa ayi ndawaalwa mumukalo. Paciindi ico mwaami wakalinga kushiite kuMwinjililo wakwe Benjameni.

Jelemiya 39:6

Kweenka kuLibula mwaami wa bene Babiloni wakacaya baana basankwa bakwe Sedekiya boonse kaalangilisha. Wakacaya abacinenenene boonse bene Juda.

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.