Jelemiya 34:14 - Baibo Busansulushi Bwa Libuku Ili

¹⁴ lyoonse mumwaaka wasanu ayobilo balyeelete kwaangulula basha boonse bene Ebulu abo babasebensela myaaka yosanwe awomwi. Sombi balo bamashali banu bakulukulu tabakwe kunyumfwila nabi kubikako maano kusheesho nshendakaamba.

Jelemiya 34:14 Marejeleo ya Msalaba

1 Baami 21:25

Takuna kubawo kale muntu wakalibenga kucita shintu shibiibi pameenso a Mwaami Lesa mbuli aAabu. Wakalinga kucita boobo kwiinda mukulwiitikwa kuli Jesebelo mukaakwe.

1 Baami 9:22

Solomoni taakwe kwaalulaawo busha bene Isilaeli. Sombi bakalinga kubabo bashilumamba, bacinenenene, bamatanjilili ba bashilumamba, bamatanjilili ba bashilumamba ba kushikoci sha maaki abaabo beshikweensha maaki akwela shikoci.

2 Makani 28:10

Ono mbulya mulisuni kwaalula busha basankwa abanakashi bene Juda abene Jelusalemu. Sa tamwishi kwaamba ayi amwebo kuli shibiibi nshimwakacita kuMwaami Lesa, Lesa wanu?

2 Makani 36:16

Sombi balo bakalinga kuseka beshinkombe bakwe, kusebaanya maswi akwe akucobola balaluki bakwe kushikila basonkomona bukali bwakwe cakwaamba ayi kwakabula apakucicila.

Neyemiya 9:30

Kwamyaaka iinji mwakalinga kukomenyabo caamba pali mbabo. Mwakalinga kubacenjesha aMushimu wanu kwiinda mubalaluki banu. Sombi balo tebakalinga kumunyumfwila, sobwe. Aboobo mwakabaaba mumaansa a balwani babo.

Isaya 50:1

Mwaami Lesa waamba ayi, “Sa mutooyeeya ayi bantu bangu ndakabatanda ayi batolwe busha? Sa mutooyeeya ayi ndakabatanda anga ngumuntu waleka mukaakwe? Ono na mbondakacita ubo ino mapepa eemikanina kulekana ali kuli? Sa mutooyeeya ayi ndakamuulisha busha bweenka muntu mbwaaulisha bana bakwe ayi babe basha? Sobwe, mwebo mwakatolwa busha ceebo ca shibiibi shanu. Ncakwiila nceebo ca milandu yanu ncemwakalekelwa ayi muye mubusha.

Isaya 58:6

“Sa nshikwe kusuminisha kulikasha kulya kwakusutoola ncetani shakasalulushi akusowa bweendeleshi bwanu bwakulyatililana? Sa tamweelete kwaangulula baabo batoolyatililwa akucileka nshila shanu shoonse shalunkutwe?

Jelemiya 11:7

Kuswa ciindi ndindakakusha bamashali banu bakulukulu muIjipiti kushika sunu, ndakabacenjesha mankanda aanji ayi, Kamunyumfwila.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Esekelo 20:4

“Webo omuntu, sa te ulilibambite kubapa mulandu? Na ulilibambite, beebalushe shintu shilensha bunya isho shakalinga kucita bamashali babo bakulukulu.

Esekelo 20:8

“ ‘Sombi balo bakangashukila akukaka kunyumfwila. Tabakwe kusowa shibumbwabumbwa shilensha bunya isho nshebakalinga kusuni nabi kusuula balesa ba bene Ijipiti. Aboobo ndakalinga kulibambite kubalengesha kunyumfwa cilemeneshi ca bukali bwangu muIjipiti.

Bene Lefi 25:10

Munshila iyi, mulaakupatula mwaaka wamakumi osanwe akwaambilisha lwaanguluko kubantu boonse ba mucishi. Mumwaaka uyu, shoonse shintu shakoolishikwa shilaakubooshekwa kubeene nabi kubamulunyungu lwabo. Uyo woonse wakoolishikwa busha ulaakubooshekwa kumishaabo.

Amosi 2:6

Mwaami Lesa waamba ayi, “Bene Isilaeli bakalinga kubisha lyobilo lyobilo, aboobo ndushinisho ndaakubapa mulandu. Bakoolisha bantu baluleme a Silifa, akushintisha bakandu ankwabilo shobilo.

Amosi 8:6

Kuswawaawo tukoole busha bakandu amaali a silifa. Ee, tukoole bapengete mukushintabo ankwabilo. Ncakwiila tulaakuulisha amukuka woonse wa witi pamweelo wapeculu.’ ”

Bene Loma 7:24

Maawe akomena mapensho! Anu ngani eshi akamfuneeko kubuumi ubu butoontola kulufu?

Dutolonomi 15:1

“Lyoonse kumeelelesho a mwaaka wasanu ayobilo, mulyeelete kulekelela bantu mbomwakakweletesha.

Dutolonomi 15:12

“Na mwine Isilaelinyinaanu musankwa nabi mwanakashi walyuulisha busha kuli ndimwe akumusebensela myaaka yosanwe awomwi, mulyeelete kumwaangulula mumwaaka wasanu ayobilo.

Dutolonomi 15:9

Tamweelete kukaka kumukweletesha ncaasuni ayi mukwiinga mwaaka wakulekelela nkongole uli pafwaafwi. Muyeeyo uyu ubiibi tooelete kuba muli ndimwe. Na mwakaaka kumukweletesha, ulaakulilila kuMwaami Lesa, lyalo mwebo mukabe amulandu.