Jelemiya 34:1 - Baibo Busansulushi Bwa Libuku Ili

¹ Ono Nebukadinesa abashilumamba bakwe pantu pomwi abashilumamba ba mumishobo imwi abashikanda shimwi abo bakalinga kweendeleshekwa anguwe, ndibakalinga kulwana ndabala ya Jelusalemu alimwi amandabala akalinga kushingulukite, Mwaami Lesa wakaamba kuli ndime.

Jelemiya 34:1 Marejeleo ya Msalaba

Jelemiya 1:15

Ntooyanda kwiita mishobo yoonse ya kumatwa. Bamaami babo balaakwisa akubika shuuna shabo sha bwaami kumanjililo akumilyango inene ya kuJelusalemu. Balaakushinguluka mumbu shakwe shoonse amandabala oonse a mucishi ca Juda.

Jelemiya 21:2

“Twaambilileko kuMwaami Lesa ceebo Nebukadinesa mwaami wa kuBabiloni utootulwana. Mpashi Mwaami Lesa inga watucitilawo shaankamiko mbuli mbwaakalinga kucita kale kale kwaamba ayi Nebukadinesa atuleeke.”

Jelemiya 32:1

Mumwaaka wa likumi wa bwaami bwakwe Sedekiya mwaami wa bene Juda alimwi uyo wakalinga mwaaka walikumi amyaaka yosanwe ayotatwe wa bwaami bwakwe Nebukadinesa mwaami wa bene Babiloni, Mwaami Lesa wakaamba kuli ndime neJelemiya.

Jelemiya 32:2

Paciindi ico bashilumamba ba mwaami wa bene Babiloni bakalinga kulwana ndabala ya Jelusalemu. Ciindi ico nebo ndakalinga kwaangitwe kulubansa lwa kuŋanda ya bwaami ya kuJuda.

Jelemiya 34:7

Paciindi ico bashilumamba ba mwaami wa bene Babiloni bakalinga kulwana ndabala inene ya Jelusalemu. Paciindi ceenka ico bakalinga kulwana andabala ya Lakishi aya Aseka, mandabala acite malinga ayo akalinga acaalamobo mucishi ca Juda.

Danyelo 4:1

Kuswa kuli ndime nemwaami Nebukadinesa kubantu bamumishobo yoonse, bashikanda shipusenepusene alimwi amumilaka yoonse mucishi ca panshi. Ndamwaansha noonse.

Danyelo 4:22

mwebo nobaami ndimwe cisamu ico! Mwebo mwasumpuka akushimpa. Kusumpuka kwanu kwatolelela cakushikabo amwiculu mwiine alimwi bwaami bwanu bulikumenebo cishi ca panshi coonse.

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.