Jelemiya 33:7 - Baibo Busansulushi Bwa Libuku Ili

⁷ Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Jelemiya 33:7 Marejeleo ya Msalaba

Kulumbaisha 126:1

Mwaami Lesa ndyaakatupilusha kuJelusalemu, twakalinga twabonabo anga muciloto.

Kulumbaisha 126:4

Nobaami baLesa amutulengeshe kuswitilila alimwi bweenka mfula mboileta maanshi mutulonga twa muluyanga.

Kulumbaisha 14:7

Ncakwiila inga cabota abuumbi lupulusho lwa bene Isilaeli kuswa kuSiyoni! Mwaami Lesa aakuboosesha bantu bakwe bubile, boonse bamulunyungu lwakwe Jakobo, ee, bene Isilaeli ndyeshi bakasangalale.

Kulumbaisha 85:1

NoBaami baLesa, mwakapa coolwe cishi canu, Mwakalengesha bamulunyungu lwakwe Jakobo kuswitilila alimwi.

Isaya 1:26

Ndaakukupa boomboloshi alimwi bweenka mbuli kukataanshi, alimwi ndaakukupa beshikupanda maano bweenka mbuli kukale kale. Kuswawaawo ulaakwiitwa ayi Ndabala ya Bululami, ee, Ndabala Ishomeka.”

Isaya 52:8

Amukutike, beshikulindilila banu bayobela. Boonse batokoolobesha cakusangalala. Mwaami Lesa akuboola muSiyoni boonse balaakulibonena ameenso abo.

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 24:6

Ndaakubalama kwaamba ayi shintu shibeendele kabotu akubaboosha kucishi cino. Ndaakubayaka, teshi nkabamwaaye, ndaakubashanga, teshi nkabatumune, sobwe.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

Jelemiya 30:20

Bana babo abalo balaakubabo bweenka mbobakalinga kale kale, Ndaakulengesha ayi banoonambila lyoonse alimwi ndaakupa mulandu boonse beshi bakabalyatilile.

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Jelemiya 31:28

Bweenka mbuli mbondakabikako maano kubatumuna, kubapwayoola, kubakoma, kubanyonyoola akubapumununa, mbweeke ubo mbweshi nkabikeko maano kubashanga akubayaka alimwi.

Jelemiya 31:38

Mwaami Lesa waamba ayi, “Ciindi cilaakushika ndabala inene ya Jelusalemu ndyeshi ikayakwe alimwi ayi nindabala yangu kuswa kuŊanda ilaamfu ya Ananelo kumbo kuya mukushika akuMwinjililo wa Likonko.

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Jelemiya 32:44

Ndushinisho bantu balaakuula myuunda iyo amaali asilifa. Balaakulemba meenaabo pamakalata atondesha bwiine akubikawo kalamatila wakeshibilo pameenso a bakamboni. Ici cilaakucitika mucishi cakwe Benjameni, mumishi ishingulukite Jelusalemu, mumandabala a mucishi ca Juda, mumandabala ali kutulundu, mishi ili mutulundu tuniini aya muNegefu. Ndaakuboosha bantu aba mucishi cabo. Nebo neMwaami Lesa ndaamba.”

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Jelemiya 33:26

Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Jelemiya 42:10

‘Na mukekaale mucishi cino, Ndaakumuyaka, teshi nkamumwaaye, ndaakumushanga, teshi nkamutumune, sobwe. Ndoongumana abuumbi ceebo ca mapensho ngondakamuletela.

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.

Malilo 4:22

Nobene Siyoni, mulandu wanu wamana. Mwaami Lesa teshi akamulekele mubusha. Sombi mwebo nobene Edomu utoomupa mulandu. Ncakwiila micito yanu ibiibi ulaakwiibika patuba.

Esekelo 39:25

Mwaami Lesa Shinkusu shoonse wakaamba ayi, “Ono bulya ndaakuboosha bamulunyungu lwakwe Jakobo kuswa mubusha. Ncakwiila ndaakufwita nkumbu bantu bangu bene Isilaeli boonse. Liina lyangu lisalalite ndaakulitabilila.

Osiya 2:15

Lyalo uko ndaakubabooshesha myuunda yabo ya minyansa alimwi ndaakulengesha Cinyika ca Ako kuba mulyango wakulangila. Muluyanga umo balaakutalika kunkonkela bweenka mbobakalinga kucita kale kale, ee, ndibakaswabo mucishi ca Ijipiti.

Sefaniya 3:20

Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”

Sekaliya 1:17

Lyalo munjelo wakandwiita ayi, “Ambilisha kubantu ayi, ‘Mwaami Lesa waamba ayi mandabala anene akwe alaakuswitilila alimwi. Ulaakucafwa Jelusalemu akwiisaala ayi ibe ndabala yakwe mwiine.’ ”