Jelemiya 33:6 - Baibo Busansulushi Bwa Libuku Ili

⁶ “ ‘Nakubi boobo, ndaakushilika ndabala inene ino abantu bekalaamo akubalengesha kuba abuumi bubotu alimwi. Ndaakubatondesha luumuno luunji akubalengesha kwikala cakubula kulisukama.

Jelemiya 33:6 Marejeleo ya Msalaba

Kulumbaisha 147:3

Ngooyumyayumya myoyo ityongookite akwaanga shilonda shabo.

Kulumbaisha 37:11

Sombi balibombya balaakwikala mucishi cakashomeshekwa, kwikala cakusangalala muluumuno akuswitilila.

Kulumbaisha 67:2

kwaamba ayi bamucishi ca panshi coonse beshibe kuyanda kwanu, ee, kwaamba ayi mishobo yoonse ishibe lupulusho lwanu.

Kulumbaisha 72:7

Bululami bulaakukula kwabuumi bwakwe boonse, alwalo lusumpuko lulaakutolelela kushikila mweenshi ukacileeke kubala.

Kulonga 34:6

Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.

Shikushimikila 3:3

Kuli ciindi cakucaya aciindi cakushilika. Kuli ciindi cakumwaya aciindi cakuyaka.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 39:8

Mwaami Esekiya lakwe wakanyumfwa ayi kulaakuba luumuno paciindi ca bwikaalo bwakwe. Aboobo wakakumbula ayi, “Maswi a Mwaami Lesa ngowandwiita ngabotu.”

Isaya 54:13

“Nebo nemwiine ndaakwiisha bantu bako, kubalengesha kuswitilila alimwi akubapa luumuno.

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Isaya 57:18

Micito yabo ndakeebona, sombi ndaakubashilika. Ndaakubatanjilila akuboombulusha.

Isaya 57:19

Ndaakulengesha batoolila muIsilaeli kutalika kulumbaisha. Ncakwiila ndaakuleta luumuno kubaabo bali pafwaafwi akubaabo bali kulaale. Ee, boonse ndaakubashilika.” Mwaami Lesa waamba.

Isaya 58:8

“Ncakwiila mwaakucita boobo coolwe canu cilaakubalabo anga nkumuyamaca. Kushilikwa kwanu kulaakufwambaana kuba. Mpeeke bululami bulaakunoomutanjilila akwalo kwisule lyanu kulaakunoobabo bulemu bwangu nebo neMwaami Lesa.

Isaya 66:12

Mwaami Lesa wakaamba ayi, “Ndaakumulengesha kuba ashintu shiinji anga ngumulonga wa maanshi uteeli. Buboni bwa mishobo imwi bulaakunoomushikila anga ngamaanshi a mumulonga wasefuka. Mulaakuba anga ngukateta uyamwa uyo ufukatwa abanyina alimwi utondeshekwa lusuno.

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Jelemiya 29:11

Mukwiinga nemwiine ndishi kale miyeeyo njeencite pali ndimwe. Ndicite miyeeyo yakulengesha kuswitilila kuteshi yakumucisa, sobwe. Ncakwiila njimiyeeyo yakumupa kulangila abuumi kuya kunembo.

Jelemiya 3:22

“Amupiluke mwebo nobantu batashomeki, nebo ndaakumushilika ayi mukanooshomeka.” Mpeeke balo bakakumbula ayi, “Ee, tutoosa kuli ndimwe, ceebo mwebo ndimwe Baami baLesa, baLesa besu.

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Osiya 7:1

Na ndayanda kulengesha bantu kuswitilila alimwi, na ndayanda kushilika bene Isilaeli, shibiibi sha bene Efuleemu abo shilaletwa patuba. Ee, shibiibi sha bene Samaliya abo shilayubuluka. Bantu abo balabeca, balenjila mumaanda akwiipa, balapamba shintu mumashila.

Mika 4:3

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Mika 7:20

Ncakwiila mulaakushomeka kubamulunyungu lwakwe Jakobo. Mulaakutondesha lusuno lwanu lutamaani kubamulunyungu lwakwe Abulaamu. Ncakwiila mulaakucita bweenka mbomwakashomesha cakulumbila kubamashali besu bakulukulu kalekale.

Malaki 4:2

Sombi mwebo nomunyumfwila ndime, bululami bwangu bulaakuboneka pali ndimwe bweenka buswa lisuba akumushilika kwiinda mukubala kwa ndilyo. Mpeeke mulaakwaanguluka akutambala anga mboombe bacalwitwa mucimpati cabo.

Joni 10:10

Mwiipi ulesabo mukwiipa, kucaya akunyonyoola, sombi nebo ndakesa ayi bantu babe abuumi, buumi bwancinencine.

Bene Efeso 6:23

Lesa Ishiwesu alimwi aMwaami Jesu Klistu bape bashominyineesu boonse luumuno, lusuno alimwi alushomo.

Dutolonomi 32:39

“ ‘Nebo neenka, ndime Lesa. Taaku Lesa aumwi kwiinda ndime. Ndacaya akupa buumi, ndacisa akushilika. Taaku weenga wakasha nceensuni kucita.

1 Pita 1:3

Atulumbe Lesa Ishi Mwaami wesu Jesu Klistu! Ceebo ca nkumbu shakwe shiindaawo, wakatupa buumi bupya ayi tube akulangila kwiine kwiine kwiinda mukubusha Jesu Klistu kuswa kubafu.