Jelemiya 33:3 - Baibo Busansulushi Bwa Libuku Ili

³ “Ndilile, anebo ndaakukukumbula. Lyalo ndaakukulwiita shintu shibotu alimwi shikankamika isho nshooteshiiwo.

Jelemiya 33:3 Marejeleo ya Msalaba

Kulumbaisha 145:18

Mwaami Lesa uli pafwaafwi kubaabo bamwiita, ndushinisho uli pafwaafwi kubaabo bamwiita calushinisho.

Kulumbaisha 25:14

Mwaami Lesa ulaba shicibusa kubamulemeka, ulabayubulwiita cipangano cakwe.

Kulumbaisha 50:15

Lyalo mwaakunjita muciindi ca mapensho ndaakumupulusha, aboobo mulaakunumbaisha.”

Kulumbaisha 91:15

Na bakasenge lucafwo ndaakubacafwa. Na bakabe mumapensho ndaakunooli abo. Ncakwiila ndaakubafuna akubalemeka.

Isaya 45:3

Ndaakukupa shintu sha makwebo shishisitwe, ee, bubile buli mumisena ishiya ya bushishi kwaamba ayi ukeshibe ayi ndime Mwaami Lesa, Lesa wa bene Isilaeli uyo ukwiita liina lyako.

Isaya 48:6

“Shintu shoonse ishi mwakashinyumfwaawo kale, bulya mulyeeletebo kusumina ayi ndakaamba lushinisho. Kuswa sunu ndaakumulwiita shintu shimwi shipya, ee, shintu shishisitwe isho nshemutana kunyumfwaawo kale.

Isaya 65:24

Ndaakunoobakumbula kabatana kutalika kunjita, ncakwiila kabacaambabo, nebo ndaakunyumfwa.

Jelemiya 23:35

Sombi womwi awomwi ulyeelete kwiipusha mubye nabi mukwabo ayi, ‘Ino Mwaami Lesa wakakumbula ayinshi?’ nabi ayi, ‘Ino Mwaami Lesa waamba ayinshi?’

Jelemiya 29:12

Lyalo mulaakunjita akupaila kuli ndime, anebo ndaakumunyumfwa.

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Jelemiya 32:27

“Nebo ndime Mwaami Lesa, Lesa wa bantu boonse. Taaku cintu cinjumina kucicita.

Danyelo 2:18

Wakabaambila kwaamba ayi basenge nkumbu kuli Lesa wa kwiculu ayi abasansulwite cintu ico cishisitwe. Wakacita boobo kwaamba ayi lakwe ababye batacaikwi pantu pomwi abeshikupandaako maano bamwi ba muBabiloni.

Danyelo 2:22

Ulayubulwita shintu shishisitwe. Ulishi shintu shoonse shili mumunshinshe, alimwi lakwe ulekala mumumuni.

Danyelo 2:23

NobaLesa ba bamashali bangu bakulukulu, ndamulumba akumulumbaisha. Mwebo mwampa busongo alimwi ankusu. Mwambonesha cintu ico ncetwamusenga. Ncakwiila mwatubonesha ciloto ca mwaami.”

Jowelo 2:32

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa bweenka bwakaamba Mwaami Lesa ayi, ‘Bamwi paKalundu ka Siyoni amundabala ya Jelusalemu, balaakupulushikwa. Nkokwaamba ayi abo mbweshi nkasaale, balaakucaalaawo.’ ”

Amosi 3:7

Ncakwiila Mwaami Lesa Shinkusu shoonse taaciti cintu, kaatana kuyubulula muyeeyo wakwe kubasebenshi bakwe balaluki.

Mika 7:15

Mwaami Lesa waamba ayi, “Ndaakucita shaankamiko bweenka mbondakalinga kucita ndimwakaswa muIjipiti.

Mateyo 13:35

Shoonse ishi shakacitika kweelana ambwaakaamba mulaluki mukulukulu ayi, “Ndaakubaambila mushikoshanyo, ndaakubayubulwita shintu shakalinga kushisitwe kuswa kumatalikilo a cishi ca panshi.”

Milimo ya Batumwi 2:21

Lyalo uyo woonse usenga ndime neMwaami Lesa ayi mucaafwe, ncakwiila ulaakupulushikwa.’

1 Bene Kolinto 1:2

Tutoolembela ndimwe nocoonde cakwe Lesa ca muKolinto. Lesa wakamusala kwiinda muli Klistu Jesu alimwi akumwiita ayi mube bantu bakwe pantu pomwi abantu boonse bali kumisena ipusenepusene, abo balemeka Mwaami Jesu Klistu, Mwaami wabo aswebo soonse.

Bene Efeso 3:20

Ono bulemu bube kuli Lesa, lakwe kwiinda munkusu shakwe shisebensa muli ndiswe, ulakonsha kucita shiinda pasheesho nsheenga twaseenga nabi kuyeeya.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Dutolonomi 4:7

“Taaku mushobo aumwi nabi ngunene buyani, ucite lesa uli pafwaafwi bobulya paciindi coonse nceenga kamumusuni mbuli Mwaami Lesa, Lesa wesu. Ulatucafwa munshila shili shoonse kulilabo twamusenga.

Ciyubululo 2:17

“Uyo ucite matwi, aanyumfwe sheesho Mushimu Usalashi nshootokwaambila shoonde! “Uyo eshi akakome bubi, ndaakumupa mana ashisitwe. Ndaakumupa alibwe lituba apo mpweshi pakanoolembetwe liina lipya ilyo muntu woonse ndyaateshi, sombibo wooyo weshi akalitambule.