Jelemiya 33:26 - Baibo Busansulushi Bwa Libuku Ili

²⁶ Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Jelemiya 33:26 Marejeleo ya Msalaba

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Esila 2:1

Ono basha baanji bakaswa mucishi ca Babiloni akuboolela kundabala ya Jelusalemu akucishi ca Juda. Womwi awomwi wakaboolela kundabala ine mishaabo. Bamumaanda babo boonse bakalinga kwikala mucishi ca Babiloni kuswa ciindi mwaami Nebukadinesa ndyaakabatola busha.

Esila 2:70

Bapailishi, bene Lefi, beshikwiimba, beshikulindilila paminjililo, abasebenshi ba kuŊanda yakwe Lesa bakatalika kwikala mumandabala abo pantu pomwi abamwi bantu. Abalo bene Isilaeli bamwi boonse bakatalika kwikala mumandabala abo.

Kulumbaisha 126:1

Mwaami Lesa ndyaakatupilusha kuJelusalemu, twakalinga twabonabo anga muciloto.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 31:35

Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,

Jelemiya 31:37

Na kukabe bushiku bantu mbweshi bakakonshe kupima liculu akukonsha kubona lwiimbi lwa cishi ca panshi akulwishiba, mbobushiku nebo neMwaami Lesa mbweshi nkakake bene Isilaeli ceebo ca shibiibi nshebakacita. Nebo neMwaami Lesa ndaamba.”

Jelemiya 33:24

“Sa ulinyumfwite ayi bantu batokwaamba ayi ndisuulite bene Isilaeli alimwi abene Juda, mikowa yobilo iyo njendakasala? Paceebo ceeco bantu bangu balabalanga caminsuula alimwi tabababelengiiwo ayi ngumushobo, sobwe.

Esekelo 39:25

Mwaami Lesa Shinkusu shoonse wakaamba ayi, “Ono bulya ndaakuboosha bamulunyungu lwakwe Jakobo kuswa mubusha. Ncakwiila ndaakufwita nkumbu bantu bangu bene Isilaeli boonse. Liina lyangu lisalalite ndaakulitabilila.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Osiya 2:23

Isilaeli ndaakumushanga mucishi kwaamba ayi akabe waangu. Ndushinisho ndaakutondesha lusuno kubaabo bakalinga kwaambwa ayi, ‘Bateshi basunikwi bangu.’ Ndaakwaambila baabo bakalinga kwaambwa ayi, ‘Bateshi bantu bangu’ ayi, ‘Mwebo muli bantu bangu,’ abalo balaakukumbula ayi, ‘Muli baLesa besu.’ ”

Sekaliya 10:6

“Ndaakupa nkusu bene Juda ee, ndaakupulusha bene Isilaeli. Ndaakubanyumfwila nkumbu akubaboosha boonse. Ncakwiila balaakubabo anga nshina kubafutatilaawo kale. Nebo ndime Mwaami Lesa, Lesa wabo, ndushinisho ndaakukumbula mipailo yabo.

Bene Loma 11:32

Lesa walengesha bantu boonse kuba anga mbakaili ceebo cakutamunyumfwila. Wakacita boobo kwaamba ayi abanyumfwile nkumbu boonse.