Jelemiya 33:24 - Baibo Busansulushi Bwa Libuku Ili

²⁴ “Sa ulinyumfwite ayi bantu batokwaamba ayi ndisuulite bene Isilaeli alimwi abene Juda, mikowa yobilo iyo njendakasala? Paceebo ceeco bantu bangu balabalanga caminsuula alimwi tabababelengiiwo ayi ngumushobo, sobwe.

Jelemiya 33:24 Marejeleo ya Msalaba

Kulumbaisha 71:11

Balaamba ayi, “Lesa wamufutatila, amuye mumutandaanye akumucata ceebo taaku weshi amufuneeko.”

Kulumbaisha 83:4

Batokwaamba ayi, “Tunyonyoole mushobo wabo, kwaamba ayi liina lya Isilaeli litakanyumfwiki tubili.”

Kulumbaisha 83:5

Balasuminishanya pamuyeeyo wabo akucatana pantu pomwi ayi bamulwaane,

Kulumbaisha 94:14

Mwaami Lesa teshi akafutatilewo bantu bakwe. Ee, teshi akalekeleshe abo mbwaakasala.

Isaya 11:13

Munyono wa bene Efuleemu ulaakumana. Balwani ba bene Juda balaakunyonyoolwa. Bene Efuleemu teshi bakafwitewo munyono bene Juda, abalo bene Juda teshi bakalwanewo bene Efuleemu.

Isaya 7:17

Ono pali ndiwe, bantu bako apabamulunyungu lwa baiso, Mwaami Lesa ulaakuleta ciindi ca mapensho ico citana kubonekaawo kuswabo kuciindi bene Isilaeli ndibakapatukana abene Juda. Ncakwiila ulaakuleta mwaami wa bene Asilya.

Jelemiya 3:7

Nebo ndakalinga kuyeeya ayi amana kucita shoonse ishi, ulaakusandukila kuli ndime alimwi. Sombi lakwe taakwe kucita boobo, sobwe. Alakwe Juda mukwabo utashomeki wakashibona ishi.

Jelemiya 3:8

Lyalo Isilaeli ndakamupa nkalata yakumuleka akumutandaanya ceebo ca bufuule bwakwe. Sombi Juda mukwabo utashomeki ulya taakwe kuloondawo, sobwe. Ncakwiila alakwe wakacita bweenka ubo.

Jelemiya 30:17

Sombi mwebo ndaakumupa buumi akushilika shilonda shanu nabi balwani banu balaamba ayi, ‘Siyoni wakasuulwa, taakuuwo nabi womwi umulama.’ Nebo neMwaami Lesa ndaamba.”

Jelemiya 31:36

“Kulilabo shintu isho shakalengwa kashiliiwo amushobo wa Isilaeli ulaakunooliiwo.

Jelemiya 31:37

Na kukabe bushiku bantu mbweshi bakakonshe kupima liculu akukonsha kubona lwiimbi lwa cishi ca panshi akulwishiba, mbobushiku nebo neMwaami Lesa mbweshi nkakake bene Isilaeli ceebo ca shibiibi nshebakacita. Nebo neMwaami Lesa ndaamba.”

Jelemiya 33:23

Mwaami Lesa wakandwiita ayi,

Jelemiya 33:26

Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Jelemiya 51:5

Nebo neMwaami Lesa Shinkusu shoonse nshikwe kusuulaawo bene Isilaeli abene Juda nakubi kwaamba ayi cishi cabo ciliswitebo milandu kunembo lyangu neUsalalite wa bene Isilaeli.

Malilo 4:15

Bantu baloolobesha ayi, “Kamuya kooko! Tamusalalite! Kamuya kooko! Kamuya kooko! Mutatucaati!” Na baya ciingaila bantu ba mumishobo balacaala kabaamba ayi, “Tabakoonshi kutolelela kwikala aswebo kuno!”

Esekelo 25:3

Ubalwiite ayi nebo neMwaami Lesa ntokwaamba ayi, ‘Mwebo mwakasangalala kubona Ŋanda yangu ndiyakabishikwa, cishi ca Isilaeli ndicakanyonyoolwa alimwi abene Juda ndibakatolwa busha.

Esekelo 26:2

“Webo omuntu, bene Taya bakaseka ndabala ya Jelusalemu mukwaamba ayi, ‘Amubone! Ndabala ya Jelusalemu yamwayoolwa! Nkusu shakucita makwebo shamana! Teshi tukapikishanye akwe tubili.’

Esekelo 36:2

neMwaami Lesa Shinkusu shoonse. Balwani bako bakaamba ayi, ‘Cabota! Tulundu tulya tukulukulu, sunu twaba twesu.’

Esekelo 36:20

Koonse uko nkobakalinga kuya pakati ka mishobo imwi, bakasebaanya liina lyangu lisalalite ceebo bantu bakalinga kubaamba ayi, ‘Aba mbobantu ba Mwaami Lesa, nakubi boobo bakatandwa kucishi cakwe.’

Esekelo 37:11

Mpeeke Mwaami Lesa Shinkusu shoonse wakandwiita ayi, “Webo omuntu, mafuwa aya ngumushobo wa bene Isilaeli woonse. Balo balaamba ayi, ‘Mafuwa esu akayuma, kulangila kwesu kwakamaninina. Ncakwiila twanyonyooka cakumaninina.’

Esekelo 37:22

Kuswawaawo ndaakubalengesha kuba mushobo womwi mucishi ico cili patulundu twa Isilaeli. Kulaakubabo mwaami womwi pakati kabo boonse. Teshi bakabewo tubili mishobo yobilo nabi kwaabanishikwa mumalelo obilo.