Jelemiya 33:17 - Baibo Busansulushi Bwa Libuku Ili

¹⁷ Nebo, neMwaami Lesa ndashomesha kwaamba ayi kulaakunooba mwaami wamulunyungu lwakwe Defedi mucishi ca Isilaeli lyoonsebo.

Jelemiya 33:17 Marejeleo ya Msalaba

2 Samwelo 3:29

Mulandu wa bulowa bwakwe Abina aukabe pali Joabu abamuŋanda ya baishi! Pakati ka bamulunyungu lwakwe munshiku shoonse shili kunembo, apakacanike lyoonse pali mulwashi kasele, ucite manata, utacite nkusu shakusebensa ncito iyumu, weenga wacaikwa munkondo, nabi upengete cakulya!”

2 Samwelo 7:12

Webo waakufwa akubikwa kwakabikwa bamashali bako bakulukulu ndaakusala mwanaako wakushala omwiine kwaamba ayi akapyane bwaami bwako alimwi ndaakulengesha bwaami bwakwe kuyuma.

2 Samwelo 7:13

Mwanaako uyo ngweshi akanjakile ŋanda alimwi ndaakulengesha ayi bamulunyungu lwakwe bakanoolelabo kwalyoonse alyoonse.

1 Baami 2:4

Na umunyumfwile, Mwaami Lesa ulaakucita kweelana ambwaakashomesha. Wakashomesha ayi bamulunyungu lwangu inga balela bene Isilaeli kulilabo na bashomeka mukukonkela milawo yakwe camoyo woonse alimwi abuumi bwabo.

1 Baami 8:25

Ono bulya noBaami baLesa, baLesa ba bene Isilaeli, ndaseenga kwaamba ayi mucite acalo cimwi cilya ncemwakashomesha bata ndimwakabaambila ayi bamaami ba bene Isilaeli lyoonse bananooli bamulunyungu lwabo kulilabo na kabamunyumfwila cakukonkotanya mbweeke mbobakalinga kucita balo.

2 Baami 11:2

Sombi Jeosheba mwanaakwe Jeolamu mwanakashi, nankashi yakwe Aasiya wakabwesa Joashi mwanaakwe Aasiya akumukusha pabamuŋanda ya bwaami abo bakaambwa kucaikwa. Wakamutola mucipinda cakoonaamo ashikumulela kumushisa kuli Ataliya kwaamba ayi atacaikwi.

1 Makani 17:27

Ono ndamusenga ayi mupe coolwe bamulunyungu lwangu kwaamba ayi batolelele kwikala mulusuno lwanu. Mwebo nobeene noBaami baLesa ndimwe mwashomesha kucita shintu shoonse ishi. NoBaami baLesa ndimwe mwakapa bamulunyungu lwangu shoolwe alimwi mulaakunoobapa shoolwe kwalyoonse alyoonse.”

Kulumbaisha 132:12

Na bana bako basankwa bakalaame cipangano cangu alimwi na bakakonkele kwiisha kwangu, bwaami bwako bulaakunoolibo pabamulunyungu lwabo kwalyoonse alyoonse.”

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 17:25

bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 35:19

Paceebo ceeco nebo neMwaami Lesa, Lesa wa bene Isilaeli, ntooshomesha kwaamba ayi Jonadabu mwanaakwe Lekabu ulaakunoocite musankwa wamulunyungu lwakwe shikunsebensela lyoonsebo.”