Jelemiya 33:15 - Baibo Busansulushi Bwa Libuku Ili

¹⁵ Paciindi ico ndaakusala wamulunyungu lwakwe Defedi ululeme kuba mwaami. Ulaakucita shintu shiluleme akoombolosha cakutanyengelela mucishi.

Jelemiya 33:15 Marejeleo ya Msalaba

Kulumbaisha 45:4

Kamuya mubulemu bwanu mukakome balwani banu. Muye mukeemikanine lushinisho abululami. Lyaansa lyanu lya nkusu lilaakumulengesha kukoma.

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Isaya 4:2

Ciindi cilaakushikila Musampi wa Mwaami Lesa ndyeshi ukabote akuba abulemu. Lyalo nsheshi shikanooswa mubulongo bwa cishi ico, shilaakusangalasha akuletela bulemu bene Isilaeli abo beshi bakacaale mboomi.

Isaya 42:21

Ceebo ca bululami bwakwe, Mwaami Lesa cakamukonda kulengesha milawo yakwe kusumpulwa akuba abulemu.

Isaya 53:2

Musebenshi wakwe ulya wakakula anga ninsoonseela kumeenso akwe Lesa nabi anga ngumuyanda watuntula mubulongo buyumu. Taakalinga kucitewo bulemu alimwi taakalingawo mubotu cakukonsha kutukwelela kuli nguwe Mbonekelo shakwe teshakalinga kukonsha kutapa myoyo yesu kuya pali nguwe.

Isaya 9:7

Nkusu shakwe sha bwaami aluumuno shilaakutolelela kukula. Ulaakwikala pacuuna cakwe Defedi ca bwaami akweendelesha bulelo bwakwe. Ulaakunoolela cabululami akoombolosha cakutanyengelela kuswa bobulya kushikila kwalyoonse alyoonse. Mwaami Lesa Shinkusu shoonse washinisha kwaamba ayi shintu ishi shoonse ulaakushicita.

Jelemiya 17:25

bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 30:9

Sombi balaakunoosebensela ndime neMwaami Lesa, Lesa wabo awamulunyungu lwakwe Defedi uyo ngweshi nkasale kuba mwaami wabo.

Jelemiya 50:7

Ncakwiila uyo woonse wakabacana wakabanyonyoola. Balwani babo bakalinga kwaamba ayi, ‘Swebo tatucitewo mulandu ceebo bakabishisha Mwaami Lesa uyo wakalinga kubalama, ee, Mwaami Lesa uyo bamashali babo bakulukulu, ngobakalinga kucinkitemo manungo.’

Sekaliya 3:8

“ ‘Ono kutika omupailishi munene Joshuwa pantu pomwi abapailishinyoko abo bashiite kunembo lyako. Bapailishi abo batokwiimikanina shintu shitoosa kunembo. Ndaakuleta musebenshi wangu wiitwa ayi Musampi.

Ciyubululo 19:11

Lyalo ndakabona liculu lyacaluka, kucana paliimfwi liaki lituba. Wakalinga kutantiteewo uleetwa ayi Ushomeka, Walushinisho. Lakwe uloombolosha akulwana mubululami.