Jelemiya 33:14 - Baibo Busansulushi Bwa Libuku Ili

¹⁴ Mwaami Lesa waamba ayi, “Ciindi cilaakushika ndyeshi nkacite kweelana ambondakashomesha bene Isilaeli abene Juda.

Jelemiya 33:14 Marejeleo ya Msalaba

Matalikilo 22:18

Ndaakupa coolwe mishobo yoonse ya pacishi ca panshi kwiinda mubamulunyungu lwako mukwiinga wakanyumfwila nsheeŋamba.’ ”

Matalikilo 49:10

Nkooli ya bwaami Juda unanoicitebo lyoonse. Bamulunyungu lwakwe bananoolibo ankooli ya bweendeleshi lyoonse, kushikila akese uyo weelete kubaayo, alimwi uyo mishobo ngweshi ikanoonyumfwila.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 23:5

Mwaami Lesa waamba ayi, “Ciindi cilaakushika ndyeshi nkasale wamulunyungu lwakwe Defedi ululeme kuba mwaami. Mwaami uyo ulaakulela cabusongo akucita shintu shiluleme akoombolosha cakutanyengelela mucishi.

Jelemiya 29:10

“Mwaami Lesa utookwaamba ayi, ‘Myaaka makumi osanwe aobilo yaakukumana, mwebo kamuli kuBabiloni, ndaakwisa kuli ndimwe akucita kweelana ambondakamushomesha kwaamba ayi ndaakumuboosha kumusena uno.

Jelemiya 31:27

Mwaami Lesa waamba ayi, “Ciindi cilaakushika ndyeshi nkasushe bantu abanyama mucishi ca Isilaeli coonse amucishi ca Juda.

Jelemiya 32:42

“Bweenka mbondakaleta mapensho aya pabantu aba, mbweeke ubo mbweshi nkabape ashintu shibotu shoonse isho nshendakabashomesha.

Jelemiya 33:9

Ndabala inene ya Jelusalemu ilaakundetela mpuwo, kusangalala, kulumbaishikwa alimwi abulemu kunembo lya mishobo yoonse ya pacishi ca panshi. Lyalo mishobo ilaakuloonda akututuma pakunyumfwa shintu shibotu nsheshi nkacitile bene Jelusalemu alimwi ambweshi nkabalengeshe kuswitilila akwikala muluumuno.’ ”

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Amosi 9:11

Mwaami Lesa waamba ayi, “Bushiku bulaakushika ndyeshi nkabooshe bulemu kubulelo bwakwe Defedi. Bulelo ubo bwababo anga niŋanda yawa akunyonyooka. Ndaakuyakulula lubumbu akuboosha bulemu bwa njiyo. Ndaakwiiyakulula akwiibamba bweenka mboyakalinga pakataanshi.

Mika 5:2

Mwaami Lesa waamba ayi, “Sombi webo Betileemu Efulata, nabi uli ndabala iniini mucishi ca Juda, kuswa muli ndiwe, ndaakuleta muleli wa bene Isilaeli. Mukowa wakwe wakatalikabo kalekale, ee, kuswa kunshiku sha kumatalikilo.”

Malaki 3:1

Mpomunyaawo Mwaami Lesa Shinkusu shoonse ulakumbula ayi, “Amubone ndaakutuma muntu wangu kunembo lyangu eshi akamambile nshila. Lyalo Mwaami ngomutooyandoola ulaakwisa muŊanda yakwe cakupulumukabo. Ncakwiila uyo ngomuntu wangu ngomutoolindilila eshi akese mukwaambilisha Cipangano cangu.”

Luka 10:24

Ntoomulwiita ayi balaluki bakulukulu abaami baanji bakalinga kuyandishisha kubona sheeshi nshemutoobona, sombi tabakwe kushibona. Ncakwiila bakalinga kuyandishisha kunyumfwa shintu nshemunyumfwa, sombi tabakwe kushinyumfwa.”

2 Bene Kolinto 1:20

Mukwiinga lakwe ngo “Ee” kusheesho shoonse shakashomesha Lesa. Nceceeco ncetwaambila ayi “Ameni” kwiinda muliina lyakwe Klistu, lyoonse nditulumba Lesa.

Bene Ebulu 11:40

mukwiinga Lesa wakalinga kubambite muyeeyo wiindaawo kubota wa pali ndiswe. Kubamba kwakwe kwakalinga kwakwaamba ayi batalulami cancinencine beenka, sombi balulamine pantu pomwi aswebo.

1 Pita 1:10

Balaluki bakulukulu abo, bakaambila limwi shaceeco Lesa ncaakaamba ayi ulaakumupa kwiinda muluse lwakwe, bakalangoola akwiipusha kabotu kabotu shalupulusho ulu.

Ciyubululo 19:10

Mpeeke ndakafukama muliimfwa lya munjelo uyo ayi mulambile, sombi wakandwiita ayi, “Utaciti bobulya! Nebo ndi musebenshinyoko, ndibo bweenka mbuli bashominyoko bamwi boonse abo bashoma lushinisho Jesu ndwaakayubulula. Ulyeelete kulambilabo Lesa!” Mukwiinga bukamboni bwakwe Jesu ngumuuya wa bulaluki.