Jelemiya 33:12 - Baibo Busansulushi Bwa Libuku Ili

¹² Mwaami Lesa Shinkusu shoonse waamba ayi, “Mucishi cino ico cili anga nduyanga umo mutekaali bantu nabi banyama, cilaakuba amafulo abotu umo beembeshi mweshi bakanokweembelela alimwi.

Jelemiya 33:12 Marejeleo ya Msalaba

Lwiimbo lwakwe Solomoni 1:7

Oosunikwi wangu, ndwiite nkoweembelela mbelele shako alimwi ankoshicitila mulela lisuba ndyeliba pakati ka mutwi. Nciinshi nceenga ndabeta anga ngwalutundu mufuule ulifweka kumeenso, mukuya cikulangoola pakati ka beembeshi bamwi boonse?

Isaya 65:10

Cinyika ca Shaloni cilaakuba mafulo a mbelele, acalo cinyika ca Akoli cilaakuba mulela wa ŋombe, ee, kuba misena ya shifubwa sha bantu bangu abo banambila.

Jelemiya 17:26

Mpeeke bantu balaakuswa mumandabala a kuJuda amishi ishingulukite Jelusalemu, mucishi cakwe Benjameni, tulundu tuniini twa kumbo akucishi ca tulundu ca Negefu. Balaakuleta milambu yakutenta, shipo sha fulaulo, tununkila kabotu alimwi amilambu yakulumba kuŊanda yangu neMwaami Lesa.

Jelemiya 31:12

Balaakwisa akoolobesha cakusangalala peculu lya tulundu twa Siyoni. Balaakukondwa ceebo ca coolwe ncaakabapa Mwaami Lesa, nkokwaamba ayi shili anga ngamaila, waini, mafuta a olifi, bana ba mbelele alimwi aba ŋombe. Balaakubabo anga ngumuunda utililwa kabotu alimwi teshi bakabewo tubili mubuumba.

Jelemiya 31:24

Lyalo bantu balaakwikala muJuda amumandabala amuumo oonse. Mulaakuba balimi alimwi abeembeshi ba mbelele.

Jelemiya 32:15

Ncakwiila Mwaami Lesa Shinkusu shoonse, Lesa wa bene Isilaeli waamba ayi, ‘Maanda, myuunda imwi amyuunda ya minyansa ilaakuulwa alimwi mucishi cino.’ ”

Jelemiya 36:29

Ulwiite amwaami Jeoiyakimu ayi, ‘Wakatenta cakulembelaawo ico akwiipusha ayi ino webo wakalembelawonshi ayi mwaami wa bene Babiloni ulaakwisa mukunyonyoola cishi ici akucaya bantu boonse alimwi abanyama bekalaamo?

Jelemiya 50:6

“Bantu bangu balibo anga nimbelele shisowekete. Beembeshi babo bakabasowa akubalengesha kwiingooka mutulundu. Bakalinga kuswa mutulundu akunooya mutulundu cakwaamba ayi bakaluba kumishaabo.

Jelemiya 51:62

Kuswawaawo ukapaile ayi, ‘NoBaami baLesa, mwakaamba ayi mulaakunyonyoola musena uno akuulengesha ayi kubule muntu nabi munyama wikalaamo tubili. Sombi ayi ulaakuba matongo kwalyoonse alyoonse.’

Esekelo 36:35

Bantu balaakunokwaamba ayi, ‘Cishi ici cakalinga canyonyoolwa, bulya cababo anga ngumuunda wa Edeni. Mandabala akalinga aba matongo, musena utacite bantu alimwi ayo akalinga anyonyoolwa, ono aba amalinga alimwi mulekala bantu.

Agayi 1:4

“Mwebo nobantu bangu, inga kamwikala buyani mumaandaanu ngomwakayaka kabotu, sombi Ŋanda yangu keelibo matongo?